ខេត្តកំពង់ស្ពឺ៖ មន្ត្រីនៃមន្ទីរខេត្តកំពង់ស្ពឺដែររស់ក្រោមការជិះជាន់ និងរងការគាប់សង្កត់ពីសំណាក់លោកប្រធានមន្ទី ឈឹម សំអាត កូននិងបក្ខពួកនោះបានធ្វើការលាតត្រដាងនៅរឿងអាស្រូវជាច្រើនដែរកើតមានឡើងនៅក្នុងមន្ទីរផែនការអស់រយះពេលជាច្រើនឆ្នាំមនកនេះស្តីពីអំពើពុករលួយដែលធ្វើអោយខាតបង់ថវិការជាតិរួមនិងកំលាំងញើសឈាមមន្ត្រីរាជការនៅក្នុង មន្ទីរ។
តាមសេចក្តីរាយការណ៏បានអោយដឹងថានៅក្នុងមន្ទីរផែនការខេត្តកំពង់ស្ពឺក្នុង១ឆ្នាំៗបានធ្វើអោយបាត់បង់ថវិការ ជាតិរាប់សិបលានរៀលដោយសារអំពើរពុករលួយ តាមរយះនៃការបំប៉ោងតួលេខនៃការចំណាយនានា ទាំងប្រាក់បុរេប្រទាន ប្រាបក់ទូទាត់ត្រង់ ប្រាក់លទ្ធកម្ម ប្រាក់ស្ទើរគ្រប់ចំណុចក្រៅពីប្រាក់ខែមន្ត្រីរាជាការគឺត្រូវបានគេកិបកេងក្នុងខ្ទង់និមួយៗ អស់ យ៉ាងច្រើនសន្ធឹកសន្ធាប។ ចំណែកប្រាក់លទ្ធកម្មទោះប្បីការទិញសំភារះ ការសាងសង ជួសជុលស្ថិតនៅក្រោមការដេញថ្លៃ ក៏ពិតមែន ប៉ុន្តែអំពើកពុករលួយគឺបានកើតមានដដែរ តាមរយះការឃុបខិតគ្នាជាមួយក្រុមហ៊ុនដែរទទួលបានសិទ្ធិផ្គត់ផ្គង់ តាមរយះការចែកភាគរយគ្នា ព្រោះមន្ទីរដែរជាអ្នកទទួលសំភារះ រឺសមទ្ធិផលជាអ្នកលើកគម្រោងស្នើរសុំក្នុងការចំណាយ ។
តាមប្រភពបានឲ្យដឹងថាករណីអំពើពុករលួយដែលប្រព្រឹត្តឡើងដោយលោក ឈឹម សំអាត និងបក្ខពួក២-៣ នាក់ផ្សេងទៀត បានរួមដៃគ្នាប្រព្រឹត្តនោះ ជាក់ស្តែង នៅឆ្នាំ២០១៣កន្លងទៅ គឺពួកគេបាន លេបត្របាក់ប្រាក់ចំណាយ ទូទាត់សោហ៊ុយ ក្នុងប្រទេស(បេសកកម្ម) ប្រាក់មន្ត្រីមានជំងឺ និងឧបត្ថម្ភអ្នកសម្រាលកូន ប្រេងឥន្ធនៈ ប្រាក់ចំណាយផ្គត់ផ្គង់សម្ភារៈរដ្ឋបាល ប្រាក់ជួសជុលអាគារ ប្រាក់ធ្វើផ្លូវបេតុងចូលមន្ទីរ ប្រាក់សម្ភារៈ និងបរិក្ខារួមនិងប្រាក់ទិញសង្ហារឹមជាដើម។
ទោះប្បីការទិញ សំភារះរឺជួសជុល ថែទាំអគារ និងធ្វើផ្លូវបេតុងស្ថិតនៅក្រោមការដេញថ្លៃតាមបែបលទ្ធកម្មក៏ដោយ ក៏ពួកគេនៅតែទទួលផល ប្រយោជន៏ពីការចំណាយនោះដែរ។ អំពើពុករលួយដោយលោក ឈឹម សំអាត គឺមានការចូលរួមពីសំណាក់ លោក យ៉ែម ឆន អនុប្រធានមន្ទីរអតីត ជាប្រធានការិយាល័យរដ្ឋបាលនិងគណនេយ្យ រួមនិងបក្ខពួកមួយចំនួនតូច។ ហើយប្រាក់ដែរគេបាននាំគ្នាឃុបឃិត និងកិបកេងទាំងនោះគឺប្រាក់ សម្រាប់ជួសជុលអាគារនៅឆ្នាំ២០១៣ ដែលមានចំនួន ១៨៧លាន២សែនរៀល ប៉ុន្តែបើតាមសភាពជាក់ ស្តែង អគារនោះគឺចំណាយអស់ទឹកប្រាក់មិនលើសពី៤០លានរៀល តែដោយមានកឃុបឃិបគ្នាជាមួយមន្ត្រីពាក់ព័ន្ធ និងដេញថ្លៃ តាមរបៀបចងមុងនោះគឺបានចំណាយអស់ទឹកប្រាក់រហូតដល់១៨៧លាន២សែនរៀលដែលធ្វើអោយរដ្ឋខាតបង់ទឹកប្រាក់ដ៏ច្រើសសន្ធឹកសន្ធាប់ដោយសារអំពើរពុករលួយទៅវិញ។
សម្រាប់ការចំណាយលើប្រាក់ចំណាយសោហ៊ុយទូទាត់ ក្នុងប្រទេស (បេសកកម្ម) មានចំនួន ២៩,៣៥៤,០០០រៀល ប៉ុន្តែសភាពជាក់ស្តែងមន្ត្រីដែលចុះ បេសកកម្មមួយចំនួនតូចបានទទួលប្រាក់នេះបន្តិចបន្តួច ចំណែកមួយចំនួនធំទៀតគឺមិនត្រូវបានគេបើកប្រាក់នេះឲ្យទេ ដោយមានបញ្ហាបែបនេះធ្វើឲ្យមន្ត្រី ជាច្រើនដែលបានចុះបេសកកម្មទៅមូលដ្ឋាន ឬទៅសិក្ខាសាលា នៅទីកន្លែងផ្សេងៗ ហើយមានពេលខ្លះយក លិខិតបញ្ជាក់បេសកកម្ម មកជូនមន្ទីរខ្លះ និងបោះចោលខ្លះ ព្រោះថា យកលិខិតបញ្ជាក់ នោះមកគ្រប់ចំនួនក៍គេមិនបើកប្រាក់បេសកកម្មនោះឲ្យដែរគឺគេស៊ីដាច់ ។
ចំណែកប្រាក់មន្ត្រី មានជម្ងឺនិងឧបត្ថម្ភអ្នកសម្រាលកូននៅឆ្នាំ២០១៣ មានចំនួន ១៨,៨៤៩,០០០រៀល ប្រាក់នេះត្រូវ បានគេស៊ីដាច់ស្ទើរទាំងស្រុង ប៉ុន្តែជាក់ស្តែងមន្ត្រីដែលមានជម្ងឺពិតប្រាកដដែលទទួលបានការ ឧបត្ថម្ភគឺមិនលើសពី៤នាក់ក្នុងចំណោមមន្ត្រីជាង៣០នាក់នៅក្នុងមន្ទីរ ហើយអ្នកដែលទទួលបាន ការឧបត្ថម្ភនោះមានចំនួនយ៉ាងច្រើន៤០ម៉ឺនរៀលក្នុងមួយនាក់ ។ សម្រាប់ប្រេងឥន្ធនៈ និងប្រេងរំអិលឆ្នាំ២០១៣ មន្ទីរបានចំណាយប្រាក់អស់ ៣៦,៣៦០,២០០ រៀល ប៉ុន្តែរបបប្រេងនេះ គឺត្រូវបានគេស៊ីដាច់យ៉ាងតិច៧០% ព្រោះថា នៅពេលមន្ត្រីចុះ បេសកកម្មម្តងៗគេផ្តល់ឲ្យពី៥លីត្រ ទៅ១០លីត្រ ពេលខ្លះគេមិនឲ្យទៀតផង ។
សម្រាប់ការទិញសង្ហារឹមនៅឆ្នាំ២០១៣ គឺគេបាន ចំណាយអស់ទឹកប្រាក់ចំនួន៣៣,៨៩២,០០០ រៀល ប៉ុន្តែធាតុពិតគេមិនបានទិញនោះទេ សង្ហារឹមដែលទទួលបានគឺក្រសួងជាអ្នកឧបត្ថម្ភទៅវិញ មិនមែនជាថវិការបស់មន្ទីរទេ ហើយ ថវិការបស់មន្ទីរត្រូវបានគេស៊ីដាច់ ។ សម្រាប់ សម្ភារៈផ្គត់ផ្គង់ផ្នែករដ្ឋបាលនៅឆ្នាំ២០១៣ បានចំណាយអស់ទឹកប្រាក់ចំនួន ៤៣,៧៤៣,៥០០ រៀល ប៉ុន្តែមន្ទីរមួយនេះ សូម្បីតែក្រដាស់ ប៊ិច សៀវភៅ ក៍ពុំសូវមានសម្រាប់ចែកជូនមន្ត្រីនោះដែរ មន្ត្រីខ្លះត្រូវចំណាយប្រាក់ទិញខ្លួនឯង។ សូមបញ្ជាក់ថានៅមន្ទីរផែនការខេត្តកំពង់ស្ពឺនៅឆ្នាំ២០១៣ បានចំណាយថវិការសរុប អស់ចំនួន ៦៨៦,៤៤០,៩៦០រៀល ដោយក្នុងនោះចំណាយនៅក្នុងជំពូក៦០ អស់ចំនួន ២២១,៣៧៤,០២០រៀល ចំណាយលើចំពូក៦១ អស់ចំនួន ២០៩,៤០០,០០០រៀល ចំណាយលើជំពូក៦២ អស់ចំនួន៤០,៣៧០,៨០០រៀល ចំណាយលើជំពូក៦៤ អស់ចំនួន ២១៥,២៩៦,១៤០រៀល ។
បើនិយាយអំពីការចំណាយប្រាក់ប្រកប ដោយអំពើពុករលួយ នៅក្នុងមន្ទីរផែនការជាច្រើនឆ្នាំមកនេះ គឺមានចំនួនច្រើនឥតគណនា ចាំតាមដាននៅវគ្គក្រោយ ។ ដោយពេលនេះសុំនិយាយអំពីការ ដឹកនាំរបស់លោកប្រធានមន្ទីរ ឈឹម សំអាត ដែលពោរពេញដោយ គ្រួសារនិងបក្ខពួកនិយមនៅ ក្នុងមន្ទីរនេះម្តង។ ជារៀងរាល់ឆ្នាំនៅតាម មន្ទីរអង្គភាពនានា គេតែងតែធ្វើសន្និបាតប្រជុំបូក សរុបការងារ គ្រប់ផ្នែកនិងរាយការណ៍ស្តីពីការចំណាយរបស់មន្ទីរ អង្គភាពជូនដល់មន្ត្រីខ្លួន ប៉ុន្តែសម្រាប់មន្ទីរផែនការការងារចំណាយ មិនត្រូវបាន គេលាតត្រដាងទេ។ ហើយការត្រួតពិនិត្យការចំណាយមន្ត្រីថ្នាក់ ក្រោមដែលមាន ភារកិច្ចត្រួតពិនិត្យមិនត្រូវគេឲ្យដឹងនោះទេ។ ឯកសារចំណាយត្រូវបានគេលាក់មិនឲ្យមន្ត្រីផ្សេងៗ ដឹងទេ។
ក្នុងពេលថ្មីៗនេះលោកប្រធានមន្ទីរ ឈឹម សំអាត បានយកកូនប្រសាប្រុសឈ្មោះ ហាក់ ចិត្រា ដែលជាមន្ត្រីទើបនឹងចប់កម្មសិក្សាក្លាយជាមន្ត្រីពេញសិទ្ធិមកបំរើការងារការិយាល័យ រដ្ឋបាល និងគណនេយ្យ និងធ្វើជាបេឡា។ បន្ថែមលើនោះ ទៀតលោក ឈឹម សំអាត បានយកកូនស្រីឈ្មោះ ឈឹម ស្រីទូច មកនៅការិយាល័យរដ្ឋបាល និងគណនេយ្យ និងធ្វើជាបេឡារងផងដែរ។ ជាមួយគ្នានេះដែរ លោក ឈឹម សំអាត កំពុងរៀបចំតែងតាំង កូនប្រសារបស់លោកឈ្មោះ ហាក់ ចិត្រា ឲ្យធ្វើជាប្រធានការិយាល័យរដ្ឋបាលនិងគណនេយ្យ ដើម្បីមានឱកាសឡើងធ្វើជាប្រធានមន្ទីរនៅថ្ងៃខាងមុខ។
ចាប់តាំងពីលោក ឈឹម សំអាត បានតែងតាំងកូនប្រសា និងកូនស្រីមកកាន់ការងារនៅក្នុងមន្ទីរជាបេឡា បេឡារង ការងារស្ទើរ ទាំងអស់ជាពិសេសគឺការងារលុយកាក់ ត្រូវបានលោក ឈឹម សំអាត ប្រគល់ជូនពួកគេជាអ្នក កាន់កាប់ និងមានសិទ្ធិធំក្នុងការសម្រេច។ ចំណែកអនុប្រធានមន្ទីរចំនួន៥នាក់ គឺមានតែលោក អនុប្រធាន យ៉ែម ឆន និងលោកអនុប្រធាន សំ លាស់ ត្រូវបានគេផ្តល់ផល់ប្រយោជន៍ខ្លះៗ។ ចំណែកអនុប្រធានមន្ទីរមួយចំនួនទៀតខ្លះចាប់ចាប និងខ្លះចាបខ្យល់ អនុប្រធានមន្ទីរខ្លះ គេឲ្យកាហ្វេនិងតែជ្រក់ ផឹកកុំឲ្យស្ងួតបំពង់កខ្លាចខ្យល់គរស្លាប់។
ចំពោះទឹកប្រាក់ធំៗគឺបានទៅ លើលោកប្រធានមន្ទីរនិងកូនរួមនិងលោកអនុប្រធានមន្ទីរលោក យ៉ែម ឆន តែប៉ុណ្ណោះ។ សម្រាប់ពេលនេះលោក ឈឹម សំអាត នៅមានវាសនាធ្វើជាប្រធានមន្ទីរបានចំនួន១១ខែទៀត នឹងត្រូវចូលនិវត្តន៍ ខណៈពេលការចូលនិវត្តន៍ជិតមកដល់នោះរូបគាត់បានប្រឹងប្រែងលើកស្ទួយ កូនប្រសាប្រុសឈ្មោះ ហាក់ ចិត្រា និងកូនស្រី ឈឹម ស្រីទូច ឲ្យកាន់តំណែងសំខាន់ៗនៅក្នុង មន្ទីរ។ មន្ត្រីជាច្រើននៅក្នុងមន្ទីរផែនការបានអំពាវនាវសូមឲ្យលោកទេសរដ្ឋមន្ត្រី រដ្ឋមន្ត្រីក្រសួង ផែនការ ឆាយ ថន និងលោកទេសរដ្ឋមន្ត្រី ឱម យិនទៀង ប្រធានអង្គភាពប្រឆាំងអំពើពុករលួយ គួចាត់វិធានការស្រាវជ្រាវករណីអំពើពុករលួយនៅក្នុងមន្ទីរមួយនេះឲ្យបានស៊ីជម្រៅ និងជួបមន្ត្រី នីមួយៗជាសម្ងាត់ ហើយផ្ទៀងផ្ទាត់ហត្ថលេខាមន្ត្រីនីមួយៗឲ្យបានច្បាស់នោះនឹងរកឃើញ អំពើពុករលួយនោះជាមិនខាន ៕
