ហ្គីហ្ស៊ូៈ ស្ពានមូតៃដែលកសាងតាំងពីយូរមកនេះ ត្រូវបានកម្ទេចដោយគ្រឿងផ្ទុះកាលពីដើមសប្តាហ៍ មុននេះ ដើម្បីបើកផ្លូវសម្រាប់ការកសាងស្ពានថ្មី និងអគារថ្មីទំនើប ទាន់សម័យ និងស្របតាមការ អភិវឌ្ឍនៃយុគសម័យទំនើប។ ស្ពានដែលត្រូវបានកម្ទេចនេះ មានឈ្មោះថាស្ពានមូតៃ ស្ថិតក្នុងស្រុកមូតៃ ក្រុងរេនហូយ ខេត្តហ្គីហ្សូ ភាគនិរតីប្រទេសចិន។ ស្ពានមួយនេះមិនត្រូវបានបញ្ជាក់ថាកសាងនៅឆ្នាំណានោះទេ តែ ស្ពាននេះបានបាក់នៅក្នុងខែធ្នូ ឆ្នាំ 1988 ប៉ុន្តែបានដួលរលំក្នុងឆ្នាំ 1990 ។ រីឯការកសាងឡើងវិញបានចាប់ផ្តើមនៅក្នុងខែតុលា ឆ្នាំ 1992 ហើយត្រូវបានបញ្ចប់រយៈពេលពីរឆ្នាំក្រោយមក។
ទោះបីជាយ៉ាងណា ស្ពានមូតៃនេះត្រូវបានបំផ្លាញសមស្របតាមពេលវេលាដើម្បីបើកផ្លូវសម្រាប់ការអភិវឌ្ឍបន្ថែមទៀតនៅក្នុងទីក្រុងនេះ។ សូមពិនិត្យមើលស្ពានមុនពេលកម្ទេច ពេលកម្ទេច និងក្រោយពេលកម្ទេចដោយបច្ចេកទេសម្យ៉ាង ដែលគួរស្ញើប៕
