ភ្នំពេញ៖ យុវជនម្នាក់បានជិះម៉ូតូមួយគ្រឿងហើយត្រូវបានរថយន្តមិនស្គាល់ម៉ាកបើកដេញគៀរម៉ូតូជនរងគ្រោះបណ្តាលឲ្យជ្រុលបុករនាំងដែកពុះចែកទ្រួងផ្លូវរងរបួសធ្ងន់ ហើយរថយន្តបង្កបានបើកគេចខ្លួនបាត់ស្រមោលកាលពីវេលាម៉ោង១២និង៤០នាទីរំលងអាធ្រាតឈានចូលថ្ងៃទី០១
ខែកក្កដាឆ្នាំ២០១៤នៅចំណុចខាងត្បូងស្តុបអាគារ៤២ជាន់តាមបណ្តោយផ្លូវព្រះមុន្នីវង្សស្ថិតក្នុងសង្កាត់បឹងកេងកងទី១ខណ្ឌចំការមន។
តាមសាក្សីនៅកន្លែងកើតហេតុបានឲ្យដឹងថា៖ មុនពេលកើតហេតុគេបានឃើញយុវជនម្នាក់ជិះម៉ូតូមួយគ្រឿងម៉ាកស្មាសពណ៌ខ្មៅពាក់ស្លាកលេខភ្នំពេញ1M-6561ធ្វើដំណើរតាមបណ្តោយផ្លូវព្រះមុន្នីវង្សក្នុងទិសដៅពីត្បូងទៅជើង លុះមកដល់ចំណុចកើតហេតុ ស្រាប់តែមានរថយន្តមិនស្គាល់ម៉ាកមួយគ្រឿងបើកក្នុងទិសដៅស្របគ្នាបានមកគៀរបណ្តាលឲ្យអ្នកជិះម៉ូតូជ្រុលបុក និងរនាំងដែកពុះចែកទ្រួងផ្លូវបោកក្បាលទៅនឹងថ្នល់រងរបួសសន្លប់ស្តូកស្តឹង រីឯរថយន្តបង្កបានបើករត់គេចខ្លួនបាត់ស្រមោលតែម្តង ។
ក្រោយពេលកើតហេតុ ជនរងគ្រោះត្រូវបានរថយន្តសង្គ្រោះដឹកទៅសង្គ្រោះនៅមន្ទីរពេទ្យភ្លាម ចំណែកម៉ូតូសមត្ថកិច្ចបានយកទៅរក្សាទុកនៅប៉ុស្តិ៍រដ្ឋបាលនគរបាលបឹងកេងកងទី១ ដើម្បីរងចាំក្រុមគ្រួសារមកឯកសារ ដែលពាក់ព័ន្ធយកម៉ូតូទៅវិញផងដែរ ព្រោះសមត្ថកិច្ចគិតថាហេតុការគ្រោះថ្នាក់ចរាចរណ៍ខាងលើនេះមិនខូចខាតទ្រពសម្បត្តិរដ្ឋនោះទេ៕
![00051[06-40-59]](https://i0.wp.com/khemaradaily.com/wp-content/uploads/2014/07/0005106-40-59.jpg?ssl=1)
![00053[06-42-47]](https://i0.wp.com/khemaradaily.com/wp-content/uploads/2014/07/0005306-42-47.jpg?ssl=1)
