បាត់ដំបង៖ អគ្គនាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងហាផ្ទៃសហការជាមួយកម្លាំងប៉ូលិស សេដ្ឋកិច្ចខេត្តបាត់ដំបង បានចុះបង្ក្រាបកន្លែងលក់ប្រេងរំអិលELFមួយកន្លែងនៅ ភូមិព្រែកមហាទេព សង្កាត់ ស្វាយប៉ោ ក្រុងបាត់ដំបង តាមពាក្យបណ្តឹងរបស់ក្រុមហ៊ុនតូតាល់ ។ ក្នុងប្រតិបត្តិ
ការបង្ក្រាបបទល្មើសសេដ្ឋកិច្ចនេះបានដកហូតប្រេងរំអិលម៉ាកELFចំនួន១៦៤ពីដុងជ័រនិងម្ចាស់ផ្ទះបញ្ជួនទៅតុលាការខេត្តបាត់ដំបងដើម្បីសួរនាំ។ លោកវរសេនីយ៍ទោ ម៉ៅ រង្សី នាយការិយាល័យប្រឆាំងបទល្មើសសេដ្ឋកិច្ចខេត្តបាត់ដំបង បានឲ្យ ដឹងថាម្ចាស់ផ្ទះដែលឃាត់ខ្លួនឈ្មោះអៀ គីមហ៊ុនភេទប្រុសអាយុ៤៨ឆ្នាំ រស់នៅផ្ទះលេខ៥៣០ ផ្លូវឡារអេ ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។
ចំណែកម្ចាស់ដើមបណ្តឹងគឺក្រុមហ៊ុន តូតាល់និងក្រុមហ៊ុនELF។ កម្លាំងបានឆែកឆេរផ្ទះរកឃើញប្រេងរំអិលម៉ាកELF សម្រាប់ចាក់ម៉ូតូ ប្រភេទ ពី ដុងជ័រចំណុះមួយលីត្រចំនួន១៦៤ពីដុងស្មើនឹង១៣កេសនិង៨ពីដុងផងដែរ។ លោកលឹម សំណាង ប្រធានផ្នែកលក់និង ទីផ្សាររបស់ក្រុមហ៊ុនទាំង២ បានឲ្យដឹងថាកម្លាំង ចុះមក ទីនេះដើម្បីចាត់វិធានការណ៍បង្ក្រាបទៅលើករណីនាំចូលប្រេងរំអិលម៉ាកតូតាល់ និងELFដែលជាន់ឈ្មោះ ទៅតាមផ្លូវច្បាប់។
ក្រុមហ៊ុនបានធ្វើការតាមដានផ្ទះរបស់ លោកអៀ គីមហ៊ុន នេះអស់រយៈពេល៣ ទៅ៤ខែហើយដោយគាត់នាំចូល និងលក់ប្រេងរំអិលម៉ាកELFជាប្រភេទប្រេងម៉ូតូពីប្រទេសថៃយក មក លក់នៅស្រុកខែ្មរហើយបានចែកចាយលើទីផ្សារក្នុងប្រទេសទៀតជាហេតុធ្វើឲ្យម៉ាកនេះជាន់ទៅនឹងម៉ាកELFដែលក្រុមហ៊ុនកំពុងតែលក់លើទីផ្សាររាល់ថ្ងៃ។
ពាក់ពាន់ករណីនេះលោកឡុង ស្រេង អគ្គនាយករងនៃអគ្គនាយកដ្ឋាននគរបាលប្រឆាំង បទ ល្មើសសេដ្ឋកិច្ចក្រសួងមហាផ្ទៃបានបញ្ជាក់ថាបើម្ចាស់ផ្ទះនេះនាំប្រេងរំអិលម៉ាកELFពីទីណាឬទិញពីអ្នកណា?បើគាត់នាំចូលនិងចែកចាយដោយខ្លួនគាត់គឺក្រុមហ៊ុននឹងរឹតបន្តឹងតាមហ្នឹង ពីព្រោះក្រុមហ៊ុន ខាត បង់ផលប្រយោជន៍ជាច្រើន ៕
