កំពង់ធំ៖ សាកសពស្រ្តីម្នាក់ ត្រូវបានគេប្រទះឃើញដេកស្លាប់យ៉ាងអាណោចអាធ័ម នៅក្នុងវាលកុម្ពោតព្រៃ ក្រោយពីភ្លើងឆេះព្រៃ ដែលមានចម្ងាយពីភូមិ១គីឡូម៉ែត្រ ពីទីរួមស្រុកស្ទោង ស្ថិតនៅចំណុចត្រពាំងគរ ខាងកើតភូមិស្ពានគ្រង ឃុំចំណាក្រោម ស្រុកស្ទោង ខេត្តកំពង់ធំ ត្រូវាបានគេប្រទះឃើញនៅ ម៉ោង១២.៥០នាទី ថ្ងៃទី១៣ខែ កុម្ភះ ឆ្នាំ ២០១៩។
ក្រោយពីមានការភ្ញាក់ផ្អើល ខណៈពេលដែលប្រទះឃើញសាកសព ដេកស្លាប់ សភាពសាកសពក្រៀមស្វិត ក៏បានរាយការណ៍ជូន លោក ឧត្តមសេនីយ៍ទោ អ៊ុក កុសល ស្នងការដ្ឋាននគរបាល ខេត្តកំពង់ធំ ដើម្បីចាត់ វិធានការកម្លាំងនៃអធិការដ្ឋាននគរស្រុកស្ទោង ដឹកនាំសមត្ថកិច្ចជំនាញ និងគ្រូពេទ្យ ចុះពិនិត្យសាកសព នៅកន្លែងកើតហេតុ ទើបដឹងពីអត្តសញ្ញាណ របស់ជនរងគ្រោះ ដែលត្រូវបានគេស្គាល់ឈ្មោះ មាន ទីន ភេទស្រី អាយុ២៧ឆ្នាំនៅភូមិសណ្តាន់ ឃុំចំណាក្រោម ស្រុកស្ទោង ខេត្តកំពង់ធំ ជាមនុស្សមាន សតិមិនគ្រប់។
ស្រ្តីឈ្មោះ ឡឹង តុ អាយុ50ឆ្នាំ បានអះអាងថាជាម្តាយសព បានបញ្ជាក់ថា:កូនគាត់ មានជម្ងឺវិកលចរិក តាំងពីក្មេងមកម្លេះ រហូត ដល់បច្ចុប្បន្ន ចេះតែដើរចូលដេកក្នុងព្រៃគ្មានទិសដៅពិតប្រាកដទេ ជួនកាលចេញពីផ្ទះពីព្រឹករហូតដល់ល្ងាចឬយប់ទើបមកផ្ទះវិញដោយខ្លួនឯង ពេលខ្លះគាត់និងប្តីតាមរកឃើញក៍នាំមកផ្ទះវិញ។
អុំស្រីបានបន្តថា កាលពីថ្ងៃទី១២ ម៉ោងប្រហែល6.00នាទីព្រឹកកូនគាត់ចេញពីផ្ទះដូចសព្វ មួយដងហើយគាត់បានតាមរកគ្រប់កន្លែងដែលកូនធ្លាប់ទៅ តែរកមិនឃើញបាត់មួយយប់ លុះដល់ថ្ងៃទី១៣ ថ្ងៃប្រទះឃើញសាកសព បានឃើញកូនស្លាប់ក្បែរព្រៃមានដំបូកមានដើមស្តៅហើយមានស្នាមភ្លើងឆេះពេញខ្លួន បន្ទាប់ មកក៏រាយការណ៍ជូនសម្ថកិច្ចតែម្តងទៅ។
តាមការសណ្ឋានរបស់សមត្ថកិច្ច បានពិនិត្យលើសាកសពដេកផ្ងាពោះ ក្បែរព្រៃនិងត្រូវភ្លើងឆេះខោអាវអស់និងឆេះរោលខ្លោចពេញខ្លួន ក្រៅពីស្នាមភ្លើងឆេះ ពុំមាន ស្នាមរបួសអ្វីផ្សេងទៀតឡើយ សពមានហូរឈាមលាយពពុះតាមមាត់និងច្រមុះនៅកន្លែងកើតហេតុនិងជុំវិញកន្លែងកើតហេតុជាកន្លែងដែលភ្លើងឆេះកញ្រ្ជាំងនិងឆេះព្រៃ ទើបសន្និដ្ឋាន:ជនរងគ្រោះ ចេះតែដើរគ្មានគោលដៅហេវហត់ អត់បាយអត់ទឹក កើតខ្យល់គរបណ្តាលឱយគាំងបេះដូងស្លាប់ នៅក្បែព្រៃត្រូវភ្លើងឆេះតែម្តង ក្រោយមកក៏បានប្រគល់សាកសពជូនម្តាយយកទៅធ្វើបុណ្យតាមប្រពៃណី៕
ដោយ ប៊ុន រដ្ឋា
