លោក នួន បូផល អនុប្រធានអង្គភាពប្រឆាំងអំពើពុករលួយបានមានប្រសាសន៍ថា ក្នុងថ្ងៃប្រឡង សញ្ញាប័ត្រ មធ្យមសិក្សាទុតិយភូមិដែលនឹងប្រព្រឹត្តនៅថ្ងៃទី៤-៥ខែសីហាឆ្នាំ២០១៤ខាងមុខ នេះអង្គភាព ប្រឆាំងអំពើពុករលួយ នឹងដាក់ក្រុមអ្នកសង្កេតការណ៍ចុះតាមមណ្ឌលប្រឡងនៅ
ទូទាំងប្រទេស ដើម្បី ធានាថាគ្មានអំពើពុករលួយកើតមានចំពោះសមត្ថកិច្ច សន្តិសុខ និងមេប្រយោគគ្រប់ផ្នែក អនុវត្តបានត្រឹម ត្រូវតាមបទប្បញ្ញត្តិនិងច្បាប់អប់រំ។ ករណីនេះបើក្រុមអ្នកសង្កេតការណ៏ជួបប្រទះឃើញភាពមិនប្រក្រតីកើតឡើង និងរាយការណ៏ជូន អាជ្ញាធរខេត្តដើម្បីមានវិធានការទៅតាមផ្លូវច្បាប់។ ការលើកឡើងបែបនេះក្នុងកិច្ចប្រជុំពិភាគ្សាមួយរវាងអង្គភាពប្រឆាំងអំពើពុករលួយជាមួយអាជ្ញាធរខេត្តប៉ៃលិន នៅសាលប្រជុំសាលាខេត្តប៉ៃលិន ក្រោមអធិបតីភាពលោក នួន បូផល អនុប្រធាន អង្គ ភាពប្រឆាំងអំពើពុករលួយ ។ លោកនួន បូផល អនុប្រធានអង្គភាពប្រឆាំងអំពើពុករលួយបានមានប្រសាសន៍ ថាអង្គភាព ប្រឆាំងអំពើពុករលួយ និងដាក់ក្រុមអ្នកសង្កេតការណ៏នៅតាមមណ្ឌលប្រឡង ទាំងអស់នៅទួទាំងប្រទេស ចុះធ្វើការសង្កេតការណ៍ក្នុងថ្ងៃប្រឡងសញ្ញាប័ត្រមធ្យមសិក្សាទុតិយភូមិដែល និងប្រព្រឹត្តទៅនៅថ្ងៃទី៤-៥ខែសីហាឆ្នាំ២០១៤ ដើម្បីធានាគុណភាពធនធានមនុស្ស គ្មានអំពើពុករលួយសូកប៉ាន់ ឬឃុបឃិត។
លោកបានបញ្ជាក់ថាកន្លងមកក្រោយការប្រឡងបាក់ឌុបរួចម្ដងៗតែងតែមានការនិយាយពីមានការស៊ីសំណូកសូកប៉ាន់ឬបែកធ្លាយវិញ្ញាសារមុនពេលប្រឡងជាដើម។ចំពោះអ្នកពាក់ពាន់ដែលប្រព្រឹត្តខុស ច្បាប់ដែលបានកំណត់គឺត្រូវទទួលទោសទៅតាមបទបញ្ជាតិនៃច្បាប់។ លោកតង់ ធារ៉ា ប្រធានមន្ទីរអប់រំយុវជន និងកីឡាខេត្តប៉ៃលិន បានឲ្យដឹងថាក្នុងខេត្តប៉ៃលិន គឺមានមណ្ឌលប្រឡងចំនួន០១មណ្ឌលនៅសាលាវិទ្យាល័យហ៊ុន សែនក្រុងទេពនិម្មិត្តប៉ៃលិនមានបន្ទប់ ប្រឡងចំនួន១២បន្ទប់ និងមានបេក្ខជនប្រឡងសរុបចំនួន២៩៣នាក់។
លោកកើត សុធា អភិបាលខេត្តប៉ៃលិនបានថ្លែងអំណរគុណចំពោះលោកនួន បូផល អនុប្រធានអង្គភាពប្រឆាំងអំពើពុករលួយដែលបានអញ្ជើញមកជួបប្រជុំពិភាក្សាជាមួយអាជ្ញាធរសមត្ថកិច្ចពាក់ព័ន្ធខេត្តប៉ៃលិនក្នុងការអនុវត្តការងារ និងចុះសង្កេតការណ៍ក្នុងពេលប្រឡងសញ្ញាប័ត្រមធ្យមសិក្សា ទុតិយភូមិ នៅថ្ងៃទី៤-៥ខែសីហាឆ្នាំ២០១៤នៅខេត្តប៉ៃលិននេះ។ ក្រោយពីកិច្ចប្រជុំពិភាគ្សាត្រូវបានបញ្ចប់លោកអភិបាលខេត្ត និងលោកអនុប្រធានអង្គភាពប្រឆាំងអំពើ ពុករលួយ បានអញ្ជើញចុះពិនិត្យមើលមណ្ឌលប្រឡងដោយផ្ទាល់ផងដែរ៕
