កំពង់ធំ៖ ឯកឧត្ដម សោម ស៊ុន បានសម្តែងនូវការសោកស្តាយ និងអាឡោះអាល័យ ចំពោះសមាជិកគណៈបក្សប្រជាជនកម្ពុជា ដែលបានជួបគ្រោះថ្នាក់ចរាចរណ៍ បណ្តាលឲ្យបាត់បង់អាយុជីវិត និងបានចូលរំលែក ទុក្ខដ៏ក្រៀមក្រមចំពោះគ្រួសារសព្វ ដែលបានបាត់បង់មនុស្សជាទីស្រឡាញ់នៃក្រុមគ្រួសារ និងជាមនុស្ស ដែលមានស្នាដៃសំខាន់ក្នុងជួរគណបក្សប្រជាជនកម្ពុជា នៃឃុំបន្ទាយស្ទោង ។
ដើម្បីសំម្តែងនូវការដឹងគុណ និងចូលរួមមរណទុក្ខដ៍ក្រៀមក្រំនេះ ក្នុងនាមឯកឧត្ដម សោម ស៊ុន ជាសមាជិកអចិន្ដ្រៃយ៍គណៈកម្មាធិការបក្ស នៃគណបក្សប្រជាជនកម្ពុជាខេត្តកំពង់ធំ ប្រធានក្រុមការងារចុះជួយឃុំបន្ទាយស្ទោង បានដឹកនាំសហការី ទៅចូលរួមបុណ្យសព លោក រុន សុខជា អាយុ២៦ ឆ្នំា ដែលបានទទួលមរណភាពដោយគ្រោះថ្នាក់ចរាចរណ៍ នៅភូមិស្លាករ ឃុំបន្ទាយស្ទោង ស្រុកស្ទោង ខេត្តកំពង់ធំ ត្រូវនិងថ្ងៃទី០១ ខែមិនា ឆ្នាំ២០១៩។
ឯកឧត្ដមសោម ស៊ុន បានឲ្យដឹងថា ក្នុងមនោសញ្ចេតនាជាគ្រួសារបក្សតែមួយ គឺតែងតែឆ្លៀតឱកាសទៅសំណេះសំណាលសាកសួរសុខទុក្ខ ចិញ្ចឹមចលនានៅមូលដ្ឋាន ពិសេសក្នុងពេលដែលប្រជាជន និងសមាជិកគ្រួសារបក្សមានទុក្ខលំបាក ដើម្បីផ្តល់ការណែនាំការប្រកបមុខរបរ ចិញ្ចឹមជីវិតប្រចាំថ្ងៃរបស់ សមាជិកបក្ស និងផ្តល់កំលាំងចិត្ត រួមទាំងបាន ជួយដោះស្រាយដល់ទុក្ខលំបាក របស់ប្រជាពលរដ្ឋ និងសមាជិកគ្រួសារបក្សដែលនៅក្នុងឃុំបន្ទាយស្ទោង ជាច្រើនគ្រួសារ ។
ឯកឧត្ដមសោម ស៊ុន បានបញ្ជាក់ថា បានពិភាក្សាឯកភាពគ្នាជាមួយគណបក្សឃុំ និងក្រុមការងារចុះជួយឃុំ បន្ទាយស្ទោង គឺបានសម្រេចថា បើសមាជិកបក្ស នៃគណបក្សប្រជាជនកម្ពុជា នៅក្នុងឃុំបន្ទាយស្ទោង ណាម្នាក់ អកុសល់ ទទួលមរណភាព ដោយប្រកាណាក្តី ក្រុមការងារបក្សឃុំបន្ទាយស្ទោង ឯកភាពគ្នាចូលរួមចំណែកក្នុងកម្មវិធីបុណ្យសព មានអង្ករ៥០ គីឡូក្រាម មីយើងចំនួន២កេស នឹងថវិកាចំនួន២០០,០០០ រៀល ហើយលទ្ធផល ដែលទទួលបាន គឺបានជួយដល់គ្រួសារសព ជាច្រើនគ្រួសារផងដែរ ។
ក្នុងនោះក៏បាន អំពាវនាវ ដល់សមាជិកបក្ស នៃគណបក្សប្រជាជនកម្ពុជា នៅក្នុងឃុំបន្ទាយស្ទោង និង ប្រជា ពលរដ្ឋទាំងអស់ ថែរក្សាសុខភាព ពិសារអាហារឲ្យមានអនាម័យ ពិសារទឹកស្អាត ក្នុងរដូវក្តៅនេះ ព្រោះអាកាសធាតុក្តៅហែង បើពិសារអាហារគ្មានអនាម័យអាចនឹងកើតជំងឺរាករូសផងដែរ ជាពិសេសគឺត្រូវចូលរួម ទប់ស្កាត់ទាំងអស់គ្នា នូវនញ្ហាអគ្គីភ័យ ឆាបឆេះផ្ទះសំបែង សូមកុំឲ្យកើតឡើងនៅក្នុងភូមិសាស្រ្តភូមិឃុំ របស់យើង ។
ដោយ ប៊ុន រដ្ឋា
