ភ្នំពេញ ៖ រនាំងដែកពុះចែកទ្រូងផ្លូវចំនួន៥ផ្ទាំងត្រូវបានបាក់នឹងដួលទ្រេតដោយសាររថយន្តកាមរីបាឡែនពណ៌ទឹកប្រាក់មួយគ្រឿងបើកបរដោយបុរសស្រវឹងស្រាជោកជាំម្នាក់បុក កាលពីវេលាម៉ោង១០និង៣០នាទីយប់ ថ្ងៃទី ២កក្កដា ២០១៤នៅចំណុចមុខក្រុមហ៊ុនលក់រថយន្ត EAC Mortor
តាមបណ្តោយផ្លូវសហព័ន្ធរុស្ស៊ី ស្ថិតនៅក្នុងសង្កាត់ទឹកថ្លា ខណ្ឌសែនសុខ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តកាមរីបាឡែនពណ៌ទឹកប្រាក់មួយគ្រឿងពាក់ស្លាកលេខភ្នំពេញ 2W-1087បើកបរដោយបុរសស្រវឹងស្រាជោគជាំម្នាក់បានធ្វើដំណើរយ៉ាងលឿនតាមមហាវិថី សហពន្ធ័រុស្ស៊ី ក្នុងទិសដៅពីកើតទៅលិច មកដល់ចំណុចកើតហេតុរថយន្តបានជ្រុលចង្កូតទៅបុករនាំងដែកពុះចែកទ្រូងផ្លូវបាក់អស់ចំនួន៥ ផ្ទាំងហើយរថយន្តបានដាច់កង់មុខខាងឆ្វេងគាបជាប់និងរនាំងដែកបើកទៅមុខ លេងរួច។
ក្រោយពេលកើតហេតុសមត្ថកិច្ចបានចុះមកធ្វើការវាស់វែង និងបានស្ទូចយករថយន្តបង្កខាងលើទៅរក្សាទុកនៅការិយាល័យចរាចរជើងគោកនៃស្នងការដ្ឋាននគរបាលរាជធានីភ្នំពេញ ៕
