Liverpool សម្លឹងឃើញ Mario Balotelli ដើម្បីជំនួសកន្លែងរបស់ Luis Suarez អ្នកចាត់ការក្លិបហង្សក្រហម Liverpool លោក Brendan Rodgers កំពុងតែសម្លឹងឃើញខ្សែប្រយុទ្ធ Mario Balotelli ដើម្បីយកមកជំនួសតំណែងរបស់កីឡាករ Luis Suarez ។ សេចក្តីរាយការណ៍មួយបានលើកឡើងថា Liverpool បានចាប់ផ្តើមធ្វើការចរចារជាមួយក្លិបអ្នកមានបុណ្យ
Barcelona លើការលក់ Suarez ដែលគេរំពឹងថានឹងចាកចេញពីទឹកដី Anfield ។ យោងតាមគេហទំព័រ Tuttosport បានផ្សព្វផ្សាយថា បើសិនណាជាខ្សែប្រយុទ្ធសញ្ជាតិ អ៊ុយរ៉ាហ្គាយរូបនេះព្រមព្រៀងផ្លាស់ទៅកាន់ទឹកដី Camp Nou មែននោះ លោក Rodgers ជឿជាក់ ថា អតីតខ្សែប្រយុទ្ធរបស់ក្លិបមេឃខៀវ Manchester City កីឡាករ Balotelli គឺជាកីឡាករដ៏ល្អបំផុត សម្រាប់បំពេញចន្លោះប្រហោងនេះ ។ គួរបញ្ជាក់ថា ជាមួយគ្នានោះក្លិបកាំភ្លើងធំ Arsenal ក៏កំពុងមានចំណាប់អារម្មណ៍ចង់បាន Balotelli ផងដែរ ៕
