ក្លិបកាំភ្លើងធំ Arsenal ត្រូវបានគេមើលឃើញថា កំពុងតែត្រៀមសំណើរប្រមាណ ៣២លានផោន ដើម្បីដាក់ដេញថ្លៃទិញយកខ្សែប្រយុទ្ធរបស់ក្លិបអ្នកមានបុណ្យ Barcelona គឺកីឡាករ Alexis Sanchez (អាឡិចស៊ីស សាន់ឆេស) ។ យោងតាមគេហទំព័រ Goal.com បានចុះផ្សាយថា
គ្រូបង្វឹកក្លិបកាំភ្លើងធំគឺលោក Arsene Wenger កំពុងត្រូវការខ្សែប្រយុទ្ធថ្មីបន្ថែមទៀតយកមកពង្រឹងក្រុមដើម្បីចាប់ដៃគូជាមួយខ្សែប្រយុទ្ធ Olivier Giroud (អូលីវីយេ ជីរូដ) ។ ទន្ទឹមជាមួយគ្នានោះក្លិបហង្សក្រហម Liverpool ក៏កំពុងមានចំណាប់អារម្មណ៍ចង់បាន Sanchez ផងដែរដើម្បីយកមកជំនួសតំណែងរបស់កីឡាករ Luis Suarez (ល្វីស ស៊ូអារ៉េស) ដែលអាចនឹងផ្លាស់ទៅលេងនៅប្រទេសអេស្ប៉ាញ ។ គួរបញ្ជាក់ថា បច្ចុប្បន្នលោក Wenger កំពុងតែបើកការចរចារជាមួយតំណាងរបស់កីឡាករ Sanchez ក្នុងប្រទេសប្រេស៊ីល ៕
