ខេត្តកំពង់ធំ៖ រឿងរ៉ាវអាស្រូវរបស់ការិយាល័យពេទ្យសត្វខេត្តកំពង់ធំ ប្រៀបបានទៅនឹងដំបៅចោះជ័រ ដែលបានបង្ករ ឡើងពីមន្ត្រីពេទ្យសត្វស្រុកមួយចំនួន បានធ្វើព្យុះភ្លៀង បក្សពួកនិយម បង្ករភាពក្តៅក្រហាយដល់អជីវករ កាប់គោ កាប់ជ្រូក និងម្ចាស់សត្តឃាត ។ ជាក់ស្តែងក្នុងរយះពេលថ្មីៗកន្លងមកនេះ ថ្នាក់ដឹកនាំការិយាល័យកសិកម្មស្រុក ទាំង៨ស្រុក បានឯកភាពចុះហត្ថលេខា ប្តឹងឲ្យលោក ធីវ វណ្ណធី ប្រធានមន្ទីរកសិកម្មខេត្តកំពង់ធំ ឲ្យធ្វើការផ្លាស់ប្តូរ លោក ណែវ ចំរើន ប្រធានផ្នែកផលិតកម្ម និង បស្សុព្យាបាលស្រុកស្ទោង មូលហេតុមានអជីវករ ពិឃាតសត្ត សក់សាច់ ក្នុងស្រុងស្ទោង បានប្តឹងលោក ណែវ ចំរើន ទៅអាជ្ញាធរខេត្តកំពង់ធំ សុំឲ្យអាជ្ញាធរផ្លាស់ប្តូរចេញពីស្រុកស្ទោង រហូតដល់រដ្ឋបាលខេត្តកំពង់ ធំបានចេញលិខិតលេខ ៥២៥ ស.ជ.ណ ដើម្បីព្រមានចំពោះលោក ណែវ ចំរើន តែផ្ទុយទៅវិញបែរជាមានការ ឃុបឃិតគ្នាជាមួយថ្នាក់ដឹកនាំការិយាល័យពេទ្យខេត្ត បានប្រពឹត្តអំពើពុករលួយ ដោយកំណត់ឲ្យអជីវកបង់ប្រាក់ លើសពីប្រកាសរួមលេខ ១០១៣ ស្តីពីសេវាសាធារណៈ ។
លុះថ្មីៗនេះលោក ធីវ វណ្ណធីរ ប្រធានមន្ទីរកសិកម្មខេត្តកំពង់ធំ និងលោក ម៉ក់ យុទ្ធនា បានអនុវត្តន៍តាមប្រកាស់ លេខ៣១៧ស្តីពី រចនាសម្ព័ន្ឋផ្នែកចំណុះឲ្យការិយាល័យកសិកម្ម ស្រុក ក្រុង និងមានការណែនាំ ពីក្រុមអធិការកិច្ចក្រសួងកសិកម្ម បានចេញលិខិតបង្គាប់ការ លេខ ៣២៨មសិក.ខ.លបក ក្នុងន័យសម្រេច ផ្លាស់ប្តូរ លោក ណែវ ចំរើន ពីស្រុកស្ទោង មកជាប្រធានផ្នែកផលិតកម្ម វិញ ដោយឲ្យលោក លឹម ឆេង ជាប្រធានផ្នែកពេទ្យសត្វស្រុកស្ទោង ចំណុះការិយាល័យកសិកម្មស្រុកស្ទោង ។
តែបែរជាលោក ឈួ គឹមធី អនុប្រធានការិយាល័យ បសុព្យាបាល ខេត្តកំពង់ធំ មិនព្រមគោរព និងអនុវត្តន៍ តាមលិខិតបង្គាប់ការ ៣២៨មសិក.ខ.លបក របស់មន្ទីរកសិកម្ម ខេត្តកំពង់ធំ ថែមទាំងបានញុះញ៉ង់ ឲ្យមន្ត្រី ចំនួន១៧រូប ឲ្យផ្តិតស្នាមមេដៃបដិសេធ លិខិតបង្គាប់ការ៣២៨មសិក.ខ.លបក ប៉ុន្តែសកម្មភាពមន្ត្រីទាំង ១៧ រូបខាងលើ បានអនុវត្តន៍តាមការណែនាំរបស់លិខិតបង្គាប់ការ ដោយបានចុះប្រចាំការតាមមូលដ្ឋាន ស្រុកក្រុង ដោយពុំមានការជំទាស់។ ក្នុងនោះដែរលិខិតលេខពិសេស របស់ការិយាល័យ កសិកម្មស្រុក ក្រុង ចំណុះឲ្យមន្ទីរកសិកម្ម ខេត្តកំពង់ធំ នាំគ្នាឯកភាពលើលិខិតបង្គាប់ការ លេខ ៣២៨ ។
ប្រភពពត៌មានបានឲ្យដឹងថា មូលហេតុដែលមានការញ៉ុះញ៉ង់ ឲ្យមន្ត្រីទាំង១៧រូបប្តឹងតវ៉ាជំទាស់លិខិតបង្គាប់ ការរបស់មន្ទីរកសិកម្មខេត្តធំ ក៏ដោយសារតែលោក ឈួ គឹមធី បាត់បង់មន្ត្រីក្នុងការគ្រប់គ្រង់របស់ខ្លួនដល់ ទៅ១៩នាក់ ដោយមន្ត្រីទាំងនោះត្រូវបានគ្រប់គ្រងដោយ ការិយាល័យកសិកម្មស្រុក ក្រុងទាំង៨ ថែមទាំង បាត់បង់ការជឿជាក់ និងចំណូលរសាត់ចេញពីដៃ។ < 
