កំពង់ចាម: ឯកឧត្ដម គួច ចំរើន អភិបាលនៃគណៈអភិបាលខេត្តកំពង់ចាម អមដំណើរដោយមន្ត្រីពាក់ព័ន្ធ នាព្រឹកថ្ងៃទី៣ ខែឧសភា ឆ្នាំ២០១៩នេះ បានអញ្ជើញ ចុះសាកសួរសុខទុក្ខ និងនាំយកអំណោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ចែកជូនប្រជាពលរដ្ឋ ដែលរងគ្រោះដោយគ្រោះធម្មជាតិ បន្ទាប់ពីមានភ្លៀងធ្លាក់មួយមេធំ លាយលំជាមួយនឹងខ្យល់កន្ត្រាក់ បណ្តាលឲ្យផ្ទះសំបែង ចំនួន២ខ្នង ត្រូវដួលរលំ និងរបេីកដំបូល ដែលហេតុការណ៍នេះបានកើតមានឡើងកាលពីវេលាម៉ោង៥និង១៥នាទី ល្ងាចថ្ងៃទី២ ខែឧសភា ឆ្នាំ២០១៩ ស្ថិតក្នុងភូមិចុងថ្នល់ទី១ និងភូមិឡឥដ្ឋ សង្កាត់បឹងកុក ក្រុងកំពង់ចាម ខេត្តកំពង់ចាម។
ឆ្លៀតក្នុងឱកាសនាំយកអំណោយមនុស្សធម៌សាខាកាកបាទក្រហមកម្ពុជា ចែកជូនបងប្អូនប្រជាពលរដ្ឋរងគ្រោះទាំងនោះ ឯកឧត្ដមអភិបាលខេត្ត ក៏បានធ្វេីការអំពាវនាវដល់បងប្អូនប្រជាពលរដ្ឋទាំងអស់ សូមឲ្យមានការប្រុងប្រយ័ត្នខ្ពស់ ចំពោះគ្រោះធម្មជាតិទាំងឡាយ ដោយសារតែបម្រែបម្រួលអាកាសធាតុ ហេីយសូមឲប្រជាពលរដ្ឋយកចិត្តទុកដាក់ខ្ពស់ អំពីបញ្ហាសុខភាព និងហានិភ័យនានាដែលអាចកើតឡើងជាយថាហេតុផងដែរ។ 
សូមបញ្ជាក់ផងដែរថា បន្ទាប់ពីមានភ្លៀងធ្លាក់លាយឡំជាមួយនឹងខ្យល់កន្ត្រាក់បកបោកយ៉ាងខ្លាំង បណ្តាលឲ្យប៉ះពាល់ដល់៖ ១- រលំផ្ទះទំហំ៤x៥ម៉ែត្រ ម្ចាស់ឈ្មោះ ភួុង សុខគង់ បែកក្បាលដេរ ៤ថ្នេរ នៅភូមិចុងថ្នល់ទី១ សង្កាត់បឹងកុក ក្រុងកំពង់ចាម ដែលត្រូវទទួលអំណោយ ជាថវិកា១លាន ១០សែនរៀល ស័ង្កសីចំនួន១០សន្លឹក និងគ្រឿងឧបភោគ បរិភោគមួយចំនួនផងដែរ។ 
២- រលំផ្ទះទំហំ៤x៤ម៉ែត្រ ម្ចាស់ឈ្មោះ ជា គន្ធា នៅភូមិឡឥដ្ឋ សង្កាត់បឹងកុក ក្រុងកំពង់ចាម ដែលត្រូវទទួលអំណោយ ជាថវិកា១លាន ១០សែនរៀល ស័ង្កសីចំនួន១០សន្លឹក និងគ្រឿងឧបភោគ បរិភោគមួយចំនួនផងដែរ។
៣-ខ្យល់គួុចបើងដំបូលផ្ទះនៅដីឡូតិ៍បឹងកុក។
៤-បាក់រលំរោង តែមិនគ្រោះថ្នាក់ដល់មនុស្សទេ។
៥-មានបាក់ដើមឈើលើផ្លូវ តែលោក ហាន លីណា អភិបាលរងក្រុង បានដឹកនាំក្រុមការងារក្រុង ចុះទៅកាត់សម្រួុលចរាចរណ៍ភ្លាមៗផងដែរ ៕
