ខេត្តរតនគីរី៖ តាមសេចក្តីរាយការណ៍ បានឲ្យដឹងថា លោក ថង សាវុន អភិបាលខេត្តរតនគីរី និងលោក សយ សូណា ប្រធានមន្ទីរកសិកម្មរុក្ខាប្រម៉ាញ់ខេត្តរតនគីរី នៅតែអសមត្ថភាព ក្នុងការបង្រ្កាបបទល្មើសដឹក ឈើដោយខុសច្បាប់ របស់ឧក្រិដ្ឋជនព្រៃឈើឈ្មួញឈ្មោះ ហ៊ូវ ជីវ៉ៃ ដែលជាមេក្លោងបំផ្លាញព្រៃឈើ ដ៏ធំម្នាក់នៅក្នុងខេត្តរតបគីរី ជាហេតុធ្វើឲ្យមហាជនសង្ស័យថា ប្រហែលជាលោក អភិបាលខេត្ត និងលោក សូ សូណា បានសើមមាត់សើមករ ហើយបានជាបទល្មើសដឹកជញ្ជូនដូចកណ្ឌារ ចេញពីព្រៃ សហគម ឆ្ពោះទៅលក់ព្រំដែនវៀតណាម។
ជាក់ស្តែងគ្រឿងចក្រ ជាច្រើនគ្រឿង បានចូលទៅកាប់អារដើមឈើធំ នៅត្រង់ចំណុចភូមិម៉ុយឃុំញ៉ាងស្រុកអណ្តូងមាសខេត្តរតនគិរី យ៉ាងរង្គាលបណ្តាលឲ្យព្រៃឈើតំបន់ព្រៃអភិរក្ស និងព្រៃសហគមន៍ព្រៃការពារ បានក្លាយទៅជាវាល ដោយសារតែមានការឃុបឃិតគ្នា រវាងលោក ហ៊ូវ ជីវ៉ៃ និងឈ្មោះណុប ណាក់ ហៅណាក់ក្បាលធំនិង ឈ្មោះនី កាចាញ លោក សេង ប្រណី និងមន្រ្តីគ្រាប់ល្ពៅ ដូចជាលោក សយ សូណាប្រធានមន្ទីរកសិកម្មខេត្តរតនគិរីនិងលោក កែប កត់នាយខណ្ឌរដ្ឋបាលព្រៃឈើខេត្ត បានឃុបឃិតបើកដៃឲ្យឈ្មួញដឹកជញ្ជូនឈើចេញទៅស្រុកយួនតាមច្រកទ្វារអន្តរជាតិអូរយ៉ាដាវ។
តាមប្រភពព័ត៌មាន បានឲ្យដឹងថា មានឈ្មួញដុះស្លែជើងខ្លាំងឈ្មោះហ៊ូវ ជីវ៉ៃ បានចូលទៅឲ្យប្រជាពលរដ្ឋអាកាត់ព្រៃឈ តំបន់ព្រៃអភិរក្ស ព្រៃសហគមន៍ ព្រៃការពារចំនួនពីកន្លែងគឺ ស្ថិតនៅ ភូមិភិនិង សហគមន៍ ភូមិផ្តល់ព្រំបទល់ ស្រុក អណ្ដូងមាស និង ស្រុកអូរយ៉ាដាវត្រូវបានដឹកចេញទៅតាម ព្រំដែនវៀតណាម ។ប្រភពត្រូវបានបន្តថា ព្រៃឈើដែលរលាយ នឹងការដឹកជញ្ជូនទៅលក់នៅវៀតណាម ដោយខុសច្បាប់នេះ គឺដោយសារតែ លោក សយ សូណា នោះហើយទើបលោក កែប កត់ នាយខណ្ឌរដ្ឋបាលព្រៃឈើខេត្តរតនគិរី និងបក្ខពួកឃុបឃិតបើកដៃឲ្យឈ្មួញដឹក ជញ្ជូន ឈើចេញទៅស្រុកយួនតាមច្រកទ្វារអន្តរជាតិអូរ យ៉ាដាវ និងតាមច្រករបៀង ច្រើនកន្លែងក្នុងស្រុកអណ្ដូងមាស។
មហាជនបាន សំណូមពរដល់ សម្តេចអគ្គមហាសេនាបតីតេជោ ហ៊ុន សែន ប្រមុខដឹកនាំបប្រទេស ជួយថែរក្សាព្រៃឈើសហគមនិង ព្រៃការពារចំនួនពីកន្លែង ក្នុងខេត្តរតនគីរីផង កំពូងតែរលាយអស់មិនខាន និងសូមឲ្យ លោក ថងសាវុន អភិបាលខេត្តរតនគីរី ឆ្លុះកញ្ជក់មើលពីលទ្ធផលការងារ បញ្ជាកម្លាំង បង្រ្កាបព្រៃឈើបានពេញលេញហើយឬនៅ ក្នុងនាមលោក ជាប្រធានគណបញ្ជាការឯកភាពរដ្ឋបាលខេត្តរតនគីរី ។ក្នុងនោះប្រជាពលរដ្ឋបានសំណូមពរ ឲ្យលោក វេង សាខុន រដ្ឋមន្ត្រីក្រសួងកសិកម្ម ពិចារណារ អំពើពុករលួយយ៉ាងពេញបន្ទុករបស់លោក សយ សូណា ប្រធានមន្ទីរកសិកម្មខេត្តរតនគិរី និងលោក កែប កត់ នាយខណ្ឌរដ្ឋបាលព្រៃឈើខេត្តរតនគិរី ខណៈពេលនេះ ព្រៃឈើកំពុងតែ ប្រឈមនិងការវិនាសសាបសូន្យ ក្នុងអណត្តិលោកទាំង៣នាកើនេះតែម្តង ។ ដោយ ខេមរា
