ក្រុងឡុងដ៍ៈ មើលស្រីស្រស់ Rita Ora និងនាង Iggy Azalea បានបង្ហាញនូវទេពកោសល្យដ៏អស្ចារ្យនៅពេលចូលរួមការច្រៀង និងសម្តែងក្នុងពិធីបុណ្យប្រចាំឆ្នាំ Wireless Festival នៅឯឧទ្យាន London's Finsbury Park កាលពីល្ងាចថ្ងៃសុក្រ ថ្ងៃទី៥ ខែកក្កដា ឆ្នាំ២០១៤។ តាមរយៈរូបភាពស្រីស្រស់ Rita Ora និងនាង Iggy Azalea បានបញ្ចេញទេពកោសល្យ ដ៏សម្បូរបែប និងសិចស៊ីគួរទាក់ទាញខ្លាំងមែនទែន ដោយពួកនាងបាន ស្លៀកពាក់បង្ហាញ នូវរូបសម្រស់ស្រស់ត្រកាល ត្រគាសាយ រាងស្លីម និងកាយវិការរស់រវើកគួរក្នាញ់។
Rita Ora ក្នុងវ័យ២៣ឆ្នាំ និងនាង Iggy Azalea ក្នុងវ័យ២៤ឆ្នាំ បានរាំចង្វាក់ញាក់កន្ត្រាក់អារម្មណ៍ និងអែនអនរេរា គ្រលែងចង្កេះ ទាក់ទាញគ្មានពីរ សម្រាប់ពិធីបុណ្យមួយនេះ។ ជាមួយសម្លៀកបំពាក់ពណ៌ចម្រុះដូចឥន្ទធនូ និងមានខ្សែប្លាទីនចាំងផ្លេក នាង Rita Ora និងនាង Iggy Azalea ដែលមានសម្លៀកបំពាក់ខ្មៅ មើលទៅគឺ អស់តាស់តែម្តង។ សូមទស្សនាការសម្តែងរបស់ស្រីស្រស់ទាំងពីរនាក់នេះ ទាំងអស់គ្នា!!!
