សៅប៉ូឡូៈ លទ្ធផលនៃការប្រកួតកីឡាបាល់ទាត់ពិភពលោក World Cup 2014 អាល្លឺម៉ង់បំបាក់ម្ចាស់ផ្ទះ 7-1 នាការប្រកួតវគ្គពាក់កណ្តាលផ្តាច់ព្រ័ត្រ បានបញ្ចប់ក្តីសុបិនរបស់វីរបុរសប្រេស៊ីល ខណៈអ្នកគាំទ្របានយំទ្រហឹងពេបស្បែបពេញកីឡដ្ឋាន កាលពីព្រលឹមថ្ងៃពុធនេះ។ តាមវេបសាយបរទេសដេលីមែល កាលពីថ្ងៃពុធ ទី៩ ខែកក្កដា ឆ្នាំ២០១៤នេះ អ្នកគាំទ្រក្រុម ប្រេស៊ីល អតីតម្ចាស់ពានច្រើនជំនាន់នេះរាប់លាននាក់ បានដាក់ក្តីសង្ឃឹមថា ពួកគេអាច ឈានទៅរកការលើកពានសម្រាប់ការប្រកួតលើកនេះ ដោយអាចបំបាក់ក្រុម អាល្លឺម៉ង់បាន ប៉ុន្តែនេះគ្រាន់តែជាការស្រមើស្រមៃប៉ុណ្ណោះ ខណៈលទ្ធផលត្រឹមតង់ទី១ អាល្លឺម៉ង់បានលត់ ប្រេស៊ីល៥គ្រាប់ និងបន្ថែម២គ្រាប់ទៀតនៅតង់ទី២ ស្របពេលដែលប្រេស៊ីលរកបានតែមួយគ្រាប់គត់នោះ។
ទាំងកីឡាករ គ្រូបង្វឹក និងក្រុមអ្នកគាំទ្ររាប់សិបនាកបានបង្ហូរទឹកភ្នែក ស្រែកយំ ទ្រហឹងពេញកីឡដ្ឋាន ខណៈក្រុមកីឡាករ គ្រូបង្វឹក និងអ្នកគាំទ្រអាល្លឺម៉ង់ស្រែកច្រៀង និងអបអរសាទរស្ទើរកក្រើកកីឡដ្ឋាន The Mineirao Stadium in Belo Horizonte។ សូមពិនិត្យមើលសកម្មភាពនានា និងកីឡាករ ព្រមទាំងអ្នកគាំទ្រប្រតិកម្ម នាបញ្ចប់ការប្រកួត រវាងក្រុមម្ចាស់ផ្ទះប្រេស៊ីល និងអាល្លឺម៉ង់ ព្រឹកថ្ងៃពុធ៕
