ចៅក្រមស៊ើបសួរសាលាដំបូងខេត្តកណ្តាល កាលពីថ្ងៃទី១៨ ខែកុម្ភះ ឆ្នាំ២០១៤ បានសម្រេចឃុំខ្លួនជនសង្ស័យ២នាក់ ជាជនជាតិវៀតណាម ដាក់ពន្ឋនាគារ បណ្តោះអាសន្ន ពីបទចាប់រំលោភក្មេងស្រីអាយុ៧ឆ្នាំជាជនជាតិវៀតណាមដូចគ្នា ។ តុលាការបានចោទប្រកាន់ជនសង្ស័យទាំងពីរនាក់ ពីបទរំលោភសេពសន្ថវៈមានស្ថាន ទម្ងន់ទោស តាមមាត្រា២៤១ នៃក្រមព្រហ្មទណ្ឌ ដែលអាចប្រឈមមុខនឹងការជាប់ ពន្ឋនាគារពី៧ឆ្នាំទៅ១៥ឆ្នាំ ប្រសិនបើតុលាការរកឃើញថាមានពិរុទ្ឋភាពដូចការចោទ ប្រកាន់មែន ។ ជនសង្ស័យទាំងពីរនេះឈ្មោះ ង្វៀង កាធី ហៅតូ អាយុ ១៦ឆ្នាំ មុខរបរកសិករ និង ឈ្មោះ ង្វៀង យ៉ាំងត្រាន់ អាយុ១៤ឆ្នាំ ។
ជន សង្ស័យទាំង២នាក់បច្ចុប្បន្នស្នាក់នៅក្នុងភូមិព្រែកឈ្មោះ ឃុំព្រែករៃ ស្រុកល្វាឯម ខេត្តកណ្តាល ហើយត្រូវបានសមត្ថកិច្ចឃាត់ខ្លួន កាលពីថ្ងៃទី១៦ ខែកុម្ភះ ឆ្នាំ២០១៤ បន្ទាប់ពីធ្វើសកម្មភាពចាប់រំលោភ ក្មេងស្រីរងគ្រោះមឈ្មោះ ម.វ អាយុ៧ឆ្នាំ នៅ ចំណុចផ្ទះឈ្មោះ សៅ ឡេង ស្ថិតក្នុងភូមិថ្មគរ ឃុំថ្មគរ ស្រុកល្វាឯម ខេត្តកណ្តាល កាលពីថ្ងៃទី១៥ កុម្ភះ ។
ប្រភពពីសមត្ថកិច្ចបានឲ្យដឹងថា នៅមុនពេលកើតហេតុជនសង្ស័យទាំង២នាក់ត្រូវបានឈ្មោះ សៅ ឡេង ជួលមកយាមផ្ទះឲ្យ រួចក៏បាននិយាយលួងលោមក្មេងស្រីរងគ្រោះដែលមានផ្ទះនៅជិតផ្ទះឈ្មោះ សៅ ឡេង នោះ ឲ្យមកមើលទូរទស្សន៍នៅលើផ្ទះ ។ ខណៈឃើញឱកាសល្អ ជនសង្ស័យទាំង២នាក់ក៏បាន ធ្វើសកម្មភាពចាប់ក្មេងស្រីរងគ្រោះស្រាតខោរំលោភរហូតបានសម្រេច ម្តងម្នាក់ ។
ក្រោយពីធ្វើសកម្មភាពរួច ជនសង្ស័យបានឲ្យក្មេងស្រីរងគ្រោះត្រឡប់ទៅផ្ទះវិញ ហើយក្មេងស្រីរងគ្រោះក៍បានយករឿងរ៉ាវ ទាំងនេះប្រាប់ឪពុកម្តាយឲ្យបានដឹង ហើយឪពុកម្តាយក្មេងស្រីរងគ្រោះបាននាំកូនស្រីទៅឲ្យក្រុមគ្រូ ពេទ្យពិនិត្យមើល ទើបដឹងថា កូនស្រីរបស់គាត់ពិតជាត្រូវបានគេរំលោភរហូតមានរបួសប្រដាប់ភេទ ប្រាកដមែន ។
ប្រភព ដដែលបន្តថា ក្រោយពីពិនិត្យដឹងថាមានគេរំលោភកូនស្រីរួចមកឪពុកម្តាយក្មេង ស្រីរងគ្រោះបាននាំកូនស្រីមកដាក់ពាក្យបណ្តឹងនៅសមត្ថកិច្ច នគរបាលមូលដ្ឋានឲ្យជួយអន្តរាគមន៍ រហូតឈានដល់ការឃាត់ខ្លួនជនសង្ស័យទាំងពីរនាក់តែម្តង ៕ 
