ព្រះវិហារ: លោក ឧត្តមសេនីយ៍ត្រី រឿង រើន ស្នងការរង តំណាងដ៏ខ្ពង់ខ្ពស់ ឯកឧត្តម ឧត្តមសេនីយ៍ទោ សួស សុខដារ៉ា ស្នងការនគរបាលខេត្តព្រះវិហារ បានអញ្ជើញចូលរួមជាអធិបតី នៅក្នុងពិធីបិទវគ្គបំប៉នជំនាញ បង្ក្រាប បង្ការទប់ស្កាត់ កុបកម្ម និងកូដកម្ម ប្រឆាំងបាតុកម្ម របស់អធិការដ្ឋាននគរបាលស្រុកត្បែងមានជ័យ នៅថ្ងៃពុធ ទី១០ ខែកក្កដា ឆ្នាំ២០១៩។
លោក លឹម ម៉ៅ អភិបាល នៃគណៈអភិបាល រងស្រុកត្បែងមានជ័យ បានលើកឡើងថា នេះជាកិច្ចប្រឹងប្រែងរបស់កងកម្លាំងនគរបាលជាតិ ដែលតែងតែយកចិត្តទុកដាក់រាល់ការរក្សាសន្តិសុខ សុវត្ថិភាពជូនសាធារណៈជន និងសង្គមជាតិ។ ត្បិតតែមានសន្តិភាពពេញលេញយ៉ាងណាក៏ដោយ តែយើងជាកងកម្លាំងត្រូវតែរបន្តការហ្វឹកហាត់ជាប្រចាំ ដើម្បីពង្រឹងសមត្ថភាព ពិសេសគោរពឲ្យបានខ្ជាប់ខ្ជួន និងម៉ឺងម៉ាត់បំផុតនូវវិន័យ របស់កងកម្លាំង។
លោកឧត្តមសេនីយ៍ត្រី រឿង រើន ស្នងការរង ជំនូយការដឹកនាំការងារអន្តរាគមន៍ និងតម្រួតបទបញ្ជ បានមានប្រសាសន៍ថា ក្ក្នុងនាមលោកតំណាងឲ្យឯកឧត្តម ឧត្តមសេនីយ៍ទោ សួស សុខដារ៉ា ស្នងការនគរបាលខេត្ត ខ្ញុំសូមសំដែង នូវការស្វាគមន៍យ៉ាងកក់ក្តៅចំពោះវត្តមាន ឯកឧត្តម អស់លោក អភិបាលរងស្រុក មេបញ្ជាការសឹករងស្រុក មេបញ្ជាការកងរាជអាវុធហត្ថស្រុង និងប្រតិភូអមដំណើរទាំងអស់ ដែលបានអញ្ជើញចូលរួមក្នុងពិធីបិទវគ្គបំប៉នជំនាញអន្តរាគមន៍ នៅអធិការដ្ឋាននបាលស្រុកត្បែងមានជ័យនាឱកាសថ្ងៃនេះ។
ថ្លែងជាមួយនិងការអបអរនេះដែរ លោកស្នងការរង បានធ្វើការផ្តាំផ្ញើ ទៅដល់កងកម្លាំងទាំងអស់ ត្រូវជៀសឲ្យឆ្ងាយពីគ្រឿងញៀន ដោយក្នុងន័យនេះផងដែរ។ ក៏ដើម្បីរក្សាបាននូវសេចក្តីថ្លៃថ្នូរ កិត្តិយស គុណធម៌ សីលធម៌ វិជ្ជាជីវៈ ប្រកបដោយក្រមសីលធម៌ នៅក្នុងកិច្ចបម្រើការងាររ លើកកម្ពស់ ក្នុងការអនុវត្តតួនាទីភារកិច្ច ឲ្យកាន់តែមានប្រសិទ្ធភាព រក្សាការពារសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។
ជាមួយគ្នានោះ លោកក៏បាននាំយកនូវអំណោយផ្តល់ជូនដល់កងកម្លាំងរួមមាន÷ស្រាបៀរកម្ពុជា ៥កេស,ទឹកបរិសុទ្ធ ១០យូរ,ទឹកក្រូច ៥កេស មី ២កេស ដំបងចរាចរណ៍ចំនួន៤ និងថ្មពិល ១ប្រអប់ផងដែរ៕ សួនលីណា
