ក្រុមឧទ្ទាមអ៊ិស្លាមជ្រុលនិយមបានវាយប្រហារទៅលើវិមានប្រធានាធិបតី ស៊ូម៉ាលីកាលពីថ្ងៃទី៨ ខែកក្កដា ឆ្នាំ២០១៤ ដោយការបំផ្ទុះគ្រាប់បែកក្នុងរថយន្ដអត្ដឃាត និងការបាញ់ប្រហារដោយកាំភ្លើង ប៉ុន្ដែត្រូវកម្លាំងសន្ដិសុខទប់ស្កាត់ រារាំងមិនឱ្យគម្រោងការនោះបានសម្រេចឡើយ ។ រដ្ឋមន្ដ្រីក្រសួងមហាផ្ទៃស៊ូម៉ាលី លោក Abdullahi Godah Barre បានថ្លែង ប្រាប់រ៉យទ័រថា ក្រុមឧទ្ទាមអិស្លាមជ្រុលនិយមអាល់សាបាប់៥នាក់ដែលបាន ប្រកាសទទួលស្គាល់ការវាយប្រហារនេះត្រូវបានកម្លាំងសន្ដិសុខបាញ់ សម្លាប់ ។ ការ វាយប្រហារកើតឡើងមិនឈប់ឈរនៅក្នុងរដ្ឋធានី Mogadishu ។
សកម្ម ភាពទាំងនោះភាគច្រើនបង្កឡើងដោយក្រុមឧទ្ទាមអាល់ សាបាប់ ជាពិសេសចាប់ តាំងពីក្រុមនេះធ្វើយុទ្ធនាការមួយអំឡុងពិធីបុណ្យរ៉ាម៉ាដាន់នោះ ។ ប្រធានាធិបតី Hassan Sheikh Mohamud មិនស្ថិតនៅកន្លែងកើតហេតុ អំឡុងពេលការវាយប្រហារកើត ឡើងនោះទេដែលនេះសំណាងរបស់គាត់។ នេះជា ការវាយប្រហារលើកទី២ហើយសំដៅទៅលើវិមានប្រធានាធិបតីស៊ូម៉ាលីពី ក្រុម ឧទ្ទាមអាល់សាបាប់ ៕
