ភ្នំពេញ ៖ នាយរងនគរបាលរងប៉ុស្តិ៍ខ្វាវ ម្នាក់ ត្រូវរថយន្តដឹកហ្គាសរបស់ក្រុមហ៊ុនតេលាបេីកបុកម៉ូតូហេីយថយកិនស្លាប់ភ្លាមៗយ៉ាងអាណោចអាធម័ ហេតុការនេះបានកើតឡើងកាលពីវេលាម៉ោង៧និង១០នាទីយប់ថ្ងៃទី១៩ ខែកក្កដា ឆ្នាំ២០១៩ ស្ថិតនៅលើកំណាត់ផ្លូវជាតិលេខ៣ ភូមិទួលកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។សព តាមការពិនិត្យ លើឯកសារ អត្តសញ្ញណប័ណ្ណ នៅជាប់តាមខ្លួន មានឈ្មោះ យឹង សឹង ភេទប្រុស អាយុ៥១ឆ្នាំ ជាមន្ត្រីនគរបាល អនុប្រធានប៉ុស្តិ៍ខ្វាវ ស្រុកសំរោង មានទីលំនៅភូមិកន្សោមខ្លែង ឃុំជម្រះពេន ស្រុកសំរោង ខេត្តតាកែវ ។
តាមសាក្សីនៅកន្លែងកេីតហេតុបានឲ្យដឹងថាមុនពេលកេីតហេតុគេបានឃេីញជនរងគ្រោះជាមន្ត្រីនគរបាលជិះម៉ូតូម៉ាកស្មាសពណ៍ខ្មៅ ពាក់ស្លាកលេខនគរបាល1-5071 ធ្វេីដំណេីរតាមបណ្តោយផ្លូវជាតិលេខ៣ក្នុងទិសដៅពីជេីងទៅត្បូងខណះមកដល់ចំណុចកេីតហេតុបានរថយន្តដឹកហ្គាសរបស់ក្រុមហ៊ុនតេលា ពាក់ស្លាកលេខភ្នំពេញ3E- 0345 ធ្វេីដំណេីរមកពីក្រោយក្នុងល្បឿនលឿនបុកម៉ូតូជនរងគ្រោះពីក្រោយបណ្តាលអោយរងរបួសធ្ងន់ភ្លាមនោះរថយន្តបង្កបានថយរថយន្តមកកិនបន្ថែមទេីបជនរងគ្រោះស្លាប់យ៉ាងអាណោចអាធម័។
ក្រោយកេីតហេតុតៃកុងរថយន្តបង្កចុះពីលេីរថយន្តគេចខ្លួនបាត់បន្សល់ទុករថយន្តនៅកន្លែងកេីតហេតុត្រូវបានសមត្ថកិច្ចមូលដ្ឋានទំនាក់ទំនងទៅជំនាញមកធ្វេីការវាស់វែងយកទៅរក្សាទុកនៅការិតាល័យចរាចរណ៍ជេីងគោករាជធានីភ្នំពេញរងចាំដោះស្រាយតាមច្បាប់ចំណែកសពត្រូវបាននគរបាលទំនាក់ទំនងរកសាច់ញាតិមកទទួលយកទៅធ្វេីបុណ្យតាមប្រពៃណីនៅស្រុកកំណេីត៕ដោយ៖លោក សំនៀង
