ស្ទឹងត្រែង:រូបភាពវិឌីអូស្តែងៗ រយ:ពេល
៣០វិនាទី ថតដោយបងប្អូនប្រជាពលរដ្ឋផ្តិតជាប់រូបភាពពលទាហសនពីរនាក់កំពុ
ងជិះម៉ូតូឆ្លងស្ពានអូរមួយកន្លែង ហើយត្រូវបានបាក់ធ្លាក់ចូលក្នុងទឹកអូរ ។
ហេតុការ
ណ៍នោះកើតឡើងនៅចំណុចស្ពានអូរម៉ា តំបន់ អូរអាឡៃ ក្បែរព្រំដែនកម្ពុជា-ឡាវ
ស្ថិតក្នុងភូមិសាស្រ្ត ស្រុកសៀមប៉ាង នៃខេត្តស្ទឹងត្រែង កាលពីវេលាម៉ោង៨ព្រឹក ក្នុងថ្ងៃទី២៤កក្កដាម្សិលម៉ិញ ។
ពលទាហានពីរនាក់ ដែលបាត់ខ្លួនក្នុងហេតុការណ៍ បាក់ស្រុតស្ពានតូចឆ្លងអូរខាងលើនេះ ត្រូវបានគេប្រាប់ឲ្យដឹងថា:
មានឈ្នោះ សុខ វណ្ណឌី មានស្រុកកំណើតនៅភូមិបី ឃុំមួយ សង្កាត់មិត្តភាព ខេត្តព្រះ
សីហនុ និងម្នាក់ទៀតឈ្មោះភី នីដាលិ មានស្រុកកំណើតនៅភូមិពោធិ៍ ឃុំភ្នំ ក្នុងស្រុកអង្គរជ័យ ខេត្តកំពត ។ 
ដោយពលទា
ហានទាំងពីរនេះ មកបម្រើការងារនៅអង្គភាព កងអនុសេនាធំទី៣ វរ:សេនាតូច កាំភ្លើងធំ ចំណុះឲ្យយោធភូមិភាគទី១ នៃខេត្តស្ទឹងត្រែង (ប្រចាំការ នៅភូមិសាស្ត្រអូរអាឡៃ)។ ហើយ នៅថ្ងៃកើតហេតុពល
ទាហានទាំងពីរនាក់ខាងលើបានធ្វើដំណើរឆ្លងកាត់ នៅចំណុចស្ពានអូរម៉ា ក្នុងភូមិ
សាស្ត្រអូរអាឡៃ ក្បែរព្រំដែនកម្ពុជា-ឡាវ ។
គួររម្លឹកថា:នៅចំណុចកើតហេតុនោះ មានប្រជាពលរដ្ឋកំពុងឈរថតវីដេអូរ និងបានហាមមិនអោយមានអ្នកដំណើរជិះម៉ូតូឆ្លង
កាត់ ដោយសារតែមេឃធ្លាក់ភ្លៀង ហើយទឹកហូរនៅកន្លែងនោះ កំពុងជន់ជោរច្រោះ
ដី ប្រឈមបាក់ដី និងស្ពាន ។ប្រជាពលរដ្ឋបានស្រែកប្រាប់ពលទាហាននោះ ឲ្យឈប់ម៉ូតូដែរ តែពួកគាត់មិនលឺ ។
សូមជម្រាបថា:ករណីពលទាហានបាត់
ខ្លួន ខណ:ជិះម៉ូតូឆ្លងអូរកាលពីព្រឹកម្សិលម៉ិញ រហូតមកដល់ថ្ងៃទី២៥កក្កដានេះ គឺនៅមិនទាន់រកឃើញពលទាហាននោះនៅ
ឡើយទេ រីឯការស្លាប់ ឬរស់ ក៏នៅមិនទាន់ដឹងច្បាស់នៅឡើយដែរ ៕ ដោយ:ម៉ាវិន
