កំពង់ចាម: ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានថ្លែងថា ភាពសុខដុមរមនារបស់យេីង ក៏ជាភាពសុខដុមរមនារបស់សង្គមជាតិយេីងទាំងមូលផងដែរ ការជួបជុំរបស់ប្អូនៗក្មួយៗដើម្បីបញ្ចេញសមត្ថភាពក្នុងពេលនេះ គឺដោយសារប្រទេសជាតិយើងមានសុខសន្តិភាព មិនដូចយុវជនសម័យមុនៗទេ ដែលសឹងតែគ្មានឱកាសសិក្សារៀនសូត្រទៀតផង ព្រោះស្រុកទេសយេីងនៅ
ពេលនោះមានសង្គ្រាម មិនដូចនៅពេលនេះទេដែលប្រទេសជាតិយើងមានទាំងសុខសន្តិភាព និងការរីកចម្រើន ដូច្នេះប្អូនៗក្មួយៗទាំងឡាយត្រូវខិតខំសិក្សារៀនសូត្រ ព្រោះមានតែចំណេះដឹងពិតប្រាកដទេ ដែលអាចនាំឲ្យយេីងមានភាពជោគជ័យទៅថ្ងៃអនាគត ក្នុងការកសាងភាពរីកចម្រេីនដល់សង្គមគ្រួសារ ក៏ដូចជាប្រទេសជាតិយើងទាំងមូលផងដែរ ការថ្លែងយ៉ាងដូច្នេះក្នុងពិធីសាលារៀនខ្ញុំ អនាគតខ្លះ ដែលរៀបចំឡើងដោយសហភាពសហព័ន្ធយុវជនកម្ពុជា និងមន្ទីរអប់រំយុវជននិងកីឡាខេត្តកំពង់ចាម នាព្រឹកថ្ងៃទី៤ ខែសីហា ឆ្នាំ២០១៩ នៅសាលាស្រុកជេីងព្រៃ ។
ឆ្លៀតក្នុងឱកាសនោះដែរ ឯកឧត្តម អ៊ុន ចាន់ដា អភិបាលខេត្តកំពង់ចាម បានធ្វើការអំពាវនាវដល់ថ្នាក់ដឹកនាំគ្រប់មូលដ្ឋាន ត្រូវបន្តការចូលរួមសកម្មភាពយុវជន ឲ្យកាន់តែមានភាពប្រសើរឡើងថែមទៀត ដោយឡែកយុវជនដែលជាទំពាំងស្នងឫស្សី ត្រូវខិតខំសិក្សារៀនសូត្រ កុំជឿតាមការអូសទាញរបស់មិត្តភ័ក្ដិអាក្រក់ អាក្រក់ ដែលនាំឲ្យធ្លាក់ខ្លួនក្នុងការញៀនគ្រឿងញៀន ដែលធ្វើឲ្យបាត់បង់សេដ្ឋកិច្ចគ្រួសារ បាត់បង់កិត្តិយស ស្មារតីសុខភាព ដូច្នេះប្អូនៗក្មួយៗកុំយកខ្លួនបៀតជាមួយសារធាតុញៀន ជាមួយគ្នានោះត្រូវគោរពច្បាប់ចរាចរណ៍ 
ផ្លូវគោក បើជិះម៉ូតូត្រូវពាក់មួកសុវត្ថិភាព បើជិះរថយន្តត្រូវពាក់ខ្សែក្រវ៉ាត់គ្រប់ពេលធ្វើដំណើរផងដែរ ។
ឯកឧត្តមអភិបាលខេត្ត បានបញ្ជាក់ថា ការជួបជុំរបស់ប្អូនៗក្មួយៗដើម្បីបញ្ចេញសមត្ថភាពក្នុងពេលនេះ គឺដោយសារប្រទេសជាតិយើងមានសុខសន្តិភាព ដែលផ្តល់ឱកាសឲ្យប្អូនៗបានសិក្សាក្រេបជញ្ជក់យកចំណេះដឹង ដេីម្បីកសាងអនាគតរបស់ខ្លួន ដូច្នេះយើងត្រូវរួមគ្នាថែរក្សានូវសុខសន្តិភាពនេះឲ្យបានស្ថិតស្ថេរគង់វង្ស ដេីម្បីបន្តការអភិវឌ្ឍន៍រីកចម្រើនតទៅមុខទៀត ដោយមិនជឿតាមការអូសទាញណាមួយ ដែលនាំឲ្យប្រទេសជាតិយើងធ្លាក់ក្នុងភាពវឹកវរឡេីយ ។
សូមបញ្ជាក់ថា ក្រោយពីប្រារព្ធពិធីជួបសំណេះសំណាលជាមួយ មន្ត្រីរាជការ លោកគ្រូអ្នកគ្រូ ប្អូនៗសិស្សានុសិស្ស ហើយនោះក៏មានពិធីពិសារសាច់ជ្រូកសុវត្ថិភាពជួបជុំគ្នាផងដែរ ៕
