ខេត្តកំពង់ធំ ប្រធានសមាគមអតីតយុទ្ធជនកម្ពុជាខេត្តកំពង់ធំ បានអមដំណើរលោកជំទាវលឹម ផល្លា អ្នកតំណាងរាស្ត្រមណ្ឌលខេត្តកំពង់ បាបានទៅប្រគល់ លោកអនុសេនីយ៍ទោហុក យ៉េន រស់នៅភូមិសែនសិរីមង្គល ឃុំក្រយា ស្រុកសន្ទុក ខេត្តកំពង់ធំ ។
ពិធីប្រគល់នេះ ត្រូវបានដឹកនាំដោយ ឯកឧត្តម ឧត្តមសេនីយ៍ទោសោមស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ នៅល្ងាចថ្ងៃទី៣០ ខែសីហា ឆ្នាំ២០១៩ ដែលជាខ្នងផ្ទះលើកទី១៣០ សម្រាប់អតីតយុទ្ធជន ខេត្តកំពង់ធំ និងជាអំណោយរបស់ សម្តេចអគ្គមហាសេនាបតីតេជោហ៊ុនសែន បានប្រគល់ជូន អតីតយុទ្ធជន លោកអនុសេនីយ៍ទោហុក យ៉េន អាយុ៦៧ ឆ្នំា ចូលបម្រើក្នុងជួរកងទ័ពនៅឆ្នាំ១៩៨១ អង្គភាពវរសេនាតូចលេខ៥៥ ចាស់ នៃយោធាខេត្តកំពង់ធំ ហើយបានត្រូវរបួសពិការដៃ និងពោះក្នុងសមរភូមិផ្លូវជាតិលេខ១២ (៦២) តំបន់អូពោ ជាប់ព្រំប្រទល់ ស្រុកប្រាសាទបល្ល័ង្ក ខេត្តកំពង់ធំ នៅឆ្នាំ១៩៩៧។
លោកហុកយ៉េន និងភរិយាមានកូនចំនួន២នាក់នៅក្នុងបន្ទុក បានទទួល
ផ្ទះថ្មីដែលមានទំហំ៤ម៉ែត្រx៦ម៉ែត្រ សាងសង់ពីឈើខ្ពស់ផុតពីដី រនាបនិងជញ្ជាំងក្តារ ដំបូលប្រក់ស័ង្កសី ដែលបានចំណាយថវិកាក្នុងការសាងសង់អស់ទឹកប្រាក់៧,៦៥០,០០០ ៛ ។ 
ក្នុងពិធីប្រគល់ផ្ទះថ្មីនេះ ឯកឧត្តមឧត្ដមសេនីយ៍ឯកបណ្ឌិតហ៊ុន ម៉ាណែត អគ្គលេខាធិការរងសមាគមអតីតយុទ្ធជនកម្ពុជា លោកជំទាវលឹមផល្លា អ្នកតំណាងរាស្ត្រមណ្ឌលខេត្តកំពង់ធំ និងក្រុមការងារសមាគមអតីតយុទ្ធជនកម្ពុជាខេត្តកំពង់ធំ និងស្រុក សន្ទុក រួមជាមួយបបប្អូនអាជីវករ នៅក្នុងភូមិ បានឧបត្ថម្ភជូនគាត់រួមមានអង្ករចំនួន៥០គីឡូក្រាម មីយើងចំនួន៣កេស ទឹកត្រីទឹកសុីអុីវចំនូន២យួរ មុង ក្រម៉ា ភួយ សារុង និងថវិកាចំនួន១,០០០,០០០ រៀល ។
ដោយ ប៊ុន រដ្ឋា
