កំពង់ធំ ; ឯកឧត្តម ឧត្តមសេនីយ៍ទោសោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ គណៈបញ្ជាការឯកភាពរដ្ឋបាលខេត្ត បានអញ្ជើញ បំពាក់ប័ណ្ណសំគាល់ និងប្រគល់វិទ្យុទាក់ទង ១៣គ្រឿង ជូនប្រជាការពារ ៦៥នាក់ភូមិកំញ៉ាត ឃុំទ្រៀល ស្រុកតាំងគោក ខេត្តកំពង់ធំ ។ 
ពិធីបំពាក់ប័ណ្ណសំគាល់ជូនប្រជាការពារ គឺក្នុងគោលបំណង បំពេញសិទ្ធិជូនប្រជាការពារ ក្នុងការអនុវត្តច្បាប់ និងតួនាទី ចូលរួមគោរពគោល នយោបាយ ភូមិឃុំមានសុវត្ថិភាព ដោយមានការអញ្ជើញចូលរួម ព្រះគ្រូចែម មុន្នីចិន្តា ចៅអធិការវត្តពោធិ និង សហការី រួមជាមួយអាជ្ញាធរដែនដីភូមិ ឃុំ និងមន្ត្រីនគរបាលស្រុក ឃុំបានធ្វើឡើង នៅព្រឹកថ្ងៃអង្គារ៍ទី០៣ខែកញ្ញា ឆ្នាំ២០១៩។
ឯកឧត្ដមឧត្ដមសេនីយ៍ទោសោម ស៊ុន បានផ្សព្វផ្សាយខ្លឹមសារសំខាន់ៗអំពីគោលនយោបាយភូមិឃុំមានសុវត្ថិភាពទាំង៩ចំណុច និងតួនាទីភារកិច្ចរបស់ប្រជាការពារ រួចមកក៏
បានបានសំណូមពរ ឲ្យបងប្អូនប្រជាការពារ និងប្រជាពលរដ្ឋដែលចូលរួម ៖
១/ យើងទាំងអស់គ្នាត្រូវរួមគ្នា ថែរក្សាឲ្យបាននូវសន្តិភាព ដែលយេីងកំពុងមាននេះឲ្យបាន ព្រោះសន្តិភាពនេះយើងរកបានដោយលំបាកណាស់ ។
មិនត្រូវជឿលេីការឃោសនាញុះញង់របស់ជនអគតិមួយចំនួន ដែលជាអំពើខុសច្បាប់ ហើយនាំឲ្យយេីងមានទោសដល់ខ្លួន ។
២/អប់រំកូនចៅ ត្រូវជៀសឲ្យឆ្ងាយពីគ្រឿងញៀន គ្រឿងញៀនគឺឃាតករសម្លាប់អ្នក និងគ្រួសារអ្នក និងសង្គមជាតិ ។ អ្នកចែកចាយគ្រឿងញៀន គឺជាឧក្រិដ្ឋជន ។
៣/ ត្រូវគោរពច្បាប់ចរាចរផ្លូវគោគ ពេលធ្វើដំណើរ ដោយទោចក្រយានយន្ត នៅតាមដងផ្លូវត្រូវពាក់មួកសុវត្ថិភាព ដេីម្បីការពារអាយុជីវិតយើង ទាំងអស់គ្នា។
ឯកឧត្ដមឧត្ដមសេនីយ៍ទោសោម ស៊ុន និង លោក ហេង កាមុិច នាយសង្កាត់រដ្ឋបាលព្រៃឈើបារាយណ៍ និងសហការី ប្រជាការពារ ដាំដើមឈើប្រណិត បេង ក្រញូង ធ្នង់ និងដេីមឈើហូបផ្លែ ចំនួន ជាង១០០ ដេីម នៅក្នុងបរិវេណវត្តពោធិវង្សហត្ថីហៅវត្តពោធិ ដេីម្បីទុកជាម្លប់បរិស្ថាន ជូនដល់ពុទ្ធបរិស័ទចំណុះជេីងវត្តផងដែរ ។ ដោយ ប៊ុន រដ្ឋា
