ខេត្តកំពង់ធំ នាយទាហាន នាយទាហានរង ពលទាហាន ននៃបញ្ជាការដ្ឋានតំបន់ប្រតិបត្តិការសឹករងកំពង់ធំ រួមទាំងក្រុមគ្រួសារយោធិន បានប្រារព្ធពិធី កាន់បិណ្ឌវេនទី១ ត្រូវនិងថ្ងៃទី១៤ខែកញ្ញាឆ្នាំ២០១៩ ។
ពិធីកាន់បិណ្ឌវេនទី១ បានធ្វើឡើងនៅវត្តពោធិមានជ័យជ័យ ហៅវត្តវល្លិយាវ ស្ថិតនៅក្នុងភូមិវល្លិយាវ ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ក្នុងឱកាសនេះដែរ ឯកឧត្តមឧត្ដមសេនីយ៍ទោសោម ស៊ុន បានមានប្រសាសន៍ថា យេីងជួបជុំគ្នា ប្រារព្ធពិធីបុណ្យកាន់បិណ្ឌនៅថ្ងៃនេះបាន គឺដោយសារតែប្រទេសជាតិយេីងមានសុខសន្តិភាព និងការអភិវឌ្ឍន៍ ដឹកនាំសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
ឯកឧត្តមបានបញ្ជាក់ថា កាលពីសម័យប៉ុល ពត ជាងបីឆ្នាំប្រាំបីខែ ព្រះសង្ឃទាំងអស់ នៅក្នុងប្រទេសកម្ពុជា ត្រូវបានពួកទមិឡឥតសាសនា ចាប់បង្ខំឲ្យចាកសិក្ខាបទ និងបង្ខំឲ្យធ្វើការជាទម្ងន់ ហេីយវត្តអារាមទាំងអស់ត្រូវបានរុះរើធ្វើជារោងបាយហូបរួម ធ្វើការរួម រីឯវត្តមួយចំនួនទៀតត្រូវបានពួករបបអាវខ្មៅប៉ុល ពត យក ធ្វើជាឃ្លាំងស្រូវឬឃ្លាំងដាក់ជី ។
ក្រោមការដឹកនាំប្រកបដោយកិតិបណ្ឌិតរបស់បស់សម្ដេចអគ្គមហាសេនាបតីតេជោហ៊ុន សែន ប្រទេសកម្ពុជាយើងមានសុខសន្តិភាពពេញលេញ និងការអភិវឌ្ឍន៍រីកចម្រើនលើគ្រប់វិស័យ ទាំងវិស័យពុទ្ធចក្រ និងអាណាចក្រ បច្ចុប្បន្ននេះវត្តនៅទូទាំងប្រទេស មានចំនួនជាងបួនពាន់វត្ត និងព្រះសង្ឃមានជាងប្រាំមុឺនអង្គ ដូច្នេះ សូមបងប្អូនពុកម៉ែ មាមីងប្អូនៗ និងក្មួយៗទាំងអស់ រួមគ្នាថែរក្សាសុខសន្តិភាពនេះឲ្យបាន ដេីម្បីប្រទេសជាតិយេីងបន្តការអភិវឌ្ឍន៍ រីកចម្រើន បន្តទៅទៀត ។
ក្នុងឱកាសកាន់បិណ្ឌ កក្រៅពីការរៀបចំចង្ហាន់ និងភេសជ្ជៈប្រគេនព្រះសង្ឃ បានចូលរួមបច្ច័យសម្រាប់កសាងវត្តចំនូន២,២១០ ,០០០ រៀល និងសុីម៉ងត៍ចំនួនពីរតោន ផងដែរ ។
ប៊ុន រដ្ឋា
