កំពង់ធំ ឯកឧត្ដម ឧត្តមសេនីយ៍ទោសោមស៊ុន មេបញ្ជាការតំបន់ប្រតិបត្តិការសឹករងកំពង់ធំ បានបន្តដឹកនាំសហការី ចុះទៅតាមមូលដ្ឋាន ដើម្បីសួរសុខទុក្ខ និងផ្តល់អំណោយរបស់ឯកឧត្តមឧត្តមសេនីយ៍ឯក បណ្ឌិតហ៊ុន ម៉ាណែត ជូនប្រជាពលរដ្ឋក្រីក្រលំបាក ៥គ្រួសារ នៅក្នុងស្រុកស្ទោង ថ្ងៃទី១៦ ខែកញ្ញា ឆ្នាំ២០១៩។
ឯកឧត្តម ឧត្ដមសេនីយ៍ទោសោមស៊ុន ប្រធានក្រុមការងារថ្នាក់ជាតិ ចុះជួយមូលដ្ឋានឃុំបន្ទាយស្ទោង ស្រុកស្ទោង ខេត្តកំពង់ធំ និងអាជ្ញាធរ បានសំណេះសំណាលសាកសួរសុខទុក្ខ្ខ ប្រជាពលរដ្ឋទីទ័លក្រ និងជនពិការ និងចាស់ជរាគ្មានទីពឹងចំនួន៥ គ្រួសារទៀត ស្ថិតនៅភូមិចន្លុះ ឃុំបន្ទាយស្ទោង ស្រុកស្ទោង ខេត្តកំពង់ធំ ។
ឯកឧត្តមឧត្ដមសេនីយ៍ទោសោម ស៊ុន បានមានប្រសាសន៍ថា ការផ្តល់អំណោយនេះ គឺត្រូវបានចែកជូន ប្រជាពលរដ្ឋទីទ័លក្រ ចាស់ជរាគ្មានទីពឹង និងពិការដោយសារជាន់មីនក្នងសម័យសង្គ្រាម ហេីយបងប្អូនកំពុងតែមានជីវភាពលំបាកខ្វះខាត ក៏បាន
លេីកទឹកចិត្ត ក្នុងឱកាសបុណ្យកាន់បិណ្ឌ និងភ្ជុំបិណ្ឌនេះ បានពាំនាំនូវជំនួយឧបត្ថម្ភរបស់ឯកឧត្តមឧត្ដមសេនីយ៍ឯកបណ្ឌិតហ៊ុន ម៉ាណែត អគ្គមេបញ្ជាការរង មេបញ្ជាការកងទ័ពជើងគោក ទៅផ្តល់ជូនគាត់ដោយក្នុងមួយគ្រួសារទទួលបានអង្ករចំនួន២៥ គីឡូក្រាម មីយើងចំនួនមួយកេស ទឹកត្រីទឹកសុីអុីវចំនូន ២យួរ និងថវិកា មួយចំនួន ផងដែរ ។
ប្រជាពលរដ្ឋទីទ័លក្រលំបាកខ្វះខាតទាំង០៥ គ្រួសារ បានថ្លែងអំណរគុណ ចំពោះ ឯកឧត្តមឧត្តមសេនីយ៍ទោ សោម ស៊ុន ប្រធានក្រុមការងារថ្នាក់ជាតិ ចុះជួយមូលដ្ឋាន និងអាជ្ញាធរដែន ភូមិឃុំ ដែលបានយកចិត្តទុកដាក់ ចំពោះប្រជាពលរដ្ឋក្រីក្រ និងខ្វះខាត បានជួយបានទាន់ពេលវេលា ដោយមិនទុកឲ្យពលរដ្ឋណាម្នាក់អត់បាយ ស្លាប់ដោយមិនបានដឹងឮនោះទេ កាយវិការមនុស្សធម៌ ទាំងនេះ បានធ្វើឲ្យពួកគាត់ មានសេចក្ដីរចក្ដីរំភើបរីករាយយ៉ាងខ្លាំងនិងបាន ប្តេជ្ញាចិត្តគាំទ្រសម្តេចតេជោហ៊ុនសែនជានាយករដ្ឋមន្រ្តីគ្រប់អាណត្តិបន្តទៀត។
ដោយ ប៊ុន រដ្ឋា
