ខេត្តកំពង់ធំ ឯកឧត្ដមឧត្ដមសេនីយ៍ទោសោម ស៊ុនមេបញ្ជាការដ្ឋានតំបន់ប្រតិបត្តិការសឹករងកំពង់ធំ ប្រធានសមាគមអតីតយុទ្ធជន បានដឹកនាំក្រុមគ្រូពេទ្យ ចុះពិនិត្យព្យបាល ជូនអតីតយុទ្ធជនពិការ ដែលកំពុងមាន ជំងឺ នៅភូមិប្រសាទ ឃុំប្រាសាទ ស្រុកសន្ទុក ខេត្តកំពង់ធំ ។
សកម្មភាពចុះ ពិនិត្យព្យាបាល ជំងឺជូនអតីតយុទ្ធជន ដល់មូលដ្ឋាន ដោយក្រុមគ្រូពេទ្យ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដើម្បីតបស្នងសងគុណដល់ទ្ធមិត្តដែលបានពិការភាភាពក្នុងសមរភូមិ ដើម្បីជាតិ និងប្រជាជន ពិធីនេះបានធ្វើនៅល្ងាចថ្ងៃពុធ ទី១៨ ខែកញ្ញា ឆ្នាំ២០១៩ ។
ឯកឧត្ដមឧត្ដមសេនីយ៍ទោសោម ស៊ុន បានមានប្រសាសន៍ថា លោកព្រឹន្ទបាលឯកសំ ផាង អាយុ ៥៤ ឆ្នំា អតីតប្រធានកងអនុសេនាតូច ក្នុងអង្គភាពវរសេនាតូចលេខ១ នៃយោធាខេត្តកំពង់ធំ ហើយបានត្រូវរបួសពិការដៃទាំងសងខាង និងអំបែងគ្រាប់បៀមជាប់ភ្លៅ និងជេីង ក្នុងសមរភូមិ បេីកផ្លូវជាតិលេខ១២ (៦២) ពីខេត្តកំពង់ធំ ទៅកាន់ខេត្តព្រះវិហារ នៅតំបន់ទន្លេម្រេច ក្នុងភូមិសាស្ត្រខេត្តព្រះវិហារ នៅក្នុងឆ្នាំ១៩៩៧ ។
តែបច្ចុប្បន្នលោកសំ ផាង មានជំងឺដោយសារមុខរបួសជេីង និងភ្លៅរេីឡេីងវិញ បណ្ដាលឲ្យមានការចុកចាប់ សម្រាកពុំបាន
លោកសំ ផាង និងភរិយា មានកូននៅក្នុងបន្ទុកចំនួន៤ នាក់ ទោះជាខ្លួនពិការកំបុតដៃទាំងពីរ ក៏បានជម្រុញឲ្យកូនប្រុសច្បងរៀនដល់ថ្នាក់ទី១១ ហើយ។
ក្នុងឱកាសសំណេះសំណាលសាកសួរសុខទុក្ខ ព្រមទាំងពិនិត្យ និងព្យាបាលជំងឺជូនលោកសំ ផាង នេះ ក្រុមការងារថ្នាក់ដឹកនាំនៃបញ្ជាការដ្ឋានតំបន់ប្រតិបត្តិការសឹករងកំពង់ធំ បាននាំយកអំណោយឯកឧត្តមឧត្ដមសេនីយ៍ឯកបណ្ឌិតហ៊ុន ម៉ាណែត អគ្គមេបញ្ជាការរង មេបញ្ជាការកងទ័ពជើងគោក ផ្តល់ជូនអង្ករ៥០ គ.ក មីយើងចំនួន២កេសស ទឹកត្រីទឹកសុីអុីវចំនូន២យួរ ថវិកាចំនួន១៥០,០០០ រៀល និងថ្នាំពេទ្យសម្រាប់ព្យាបាលជំងឺមួយចំនួនផងដែរ ។
លោកសំ ផាង និងក្រុមគ្រួសាររំភើបចិត្តយ៉ាងខ្លាំង និងថ្លែងអំណរអគុណសម្តេចតេជោ ហ៊ុន សែន ប្រធានប្រធានសមាគមអតីតយុទ្ធជនកម្ពុជា បានសាងសង់ផ្ទះមួយខ្នង ជូនក្រុមគ្រួសារគាត់ ធ្វើឲ្យជីវភាពគាត់ល្អប្រសើរជាងមុន និងអគុណសកម្មភាព និងកាយវិការរបស់ថ្នាក់ដឹកនាំ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានជួយដោះស្រាយរាល់ការលំបាកខ្វះខាត កន្លងមក គ្រួសារលោកសំផាងមិនអាចបំភ្លេចគុណដ៍ថ្លៃថ្លារបស់សម្ដេចតេជោហ៊ុន សែន បានឡេីយ ហើយប្តេជ្ញាចិត្តដាច់ខាតគោរពគាំទ្រសម្តេចតេជោលុះអវសាន្តជីវិត ។ ដោយ ប៊ុន រដ្ឋា
