ក្រុងប៉ោយប៉ែត៖ សន្ទុះពលករចំណាក់ស្រុកបានសំរុកចេញទៅប្រទេសថៃតាមច្រករបៀងដូចទឹកបាក់ទំនប់តែជាអកុសលពលករទាំងនោះទៅមុខមិនរួច ហើយនាំគ្នាបកក្រោយគ្រោងចេញទៅតាមច្រកទ្វារអន្តរជាតិប៉ោយប៉ែត ហើយក៏ត្រូវប៉ូលិសច្រកទ្វារអណ្តរជាតិខាងលើនោះ ធ្វើកាហាមឃាត់ដោយមិនចេញលិខិតស្នាមអោយរហូតមានអ្នកខ្លះនាំគ្នាដេករដេតរដូតពេញលើរង្វង់មូលនិងនៅតាមទីស្នាក់កាអន្តោប្រវេសទាំងយប់ទាំងថ្ងៃគួអោយអាសូរបំផុតតែពុំមានឃើញអស់លោកណាមកសួរសុខទុកនោះទេ។ 
សូមបញ្ជាក់ដែលថា ក្រោយពីអាជ្ញាធរថៃមិនចាត់បញ្ជូនពលករខ្មែរជាង២២ម៉ឺនអ្នកអោយមកស្រុកកំណើតវិញតាមច្រកទ្វារអន្តរជាតិប៉ោយប៉ែតដូចទឹកបាក់ទំនប់កាលពីខែមិថុនាកន្លងទៅក្រោយមកគេក៏សង្គេតឃើញពលករខ្មែរដូចខាងលើនោះ ក៏បានសំរុកចេញទៅប្រទេសថៃវិញផងដែរ តាមច្រករបៀងនិងតាមច្រកអន្តរជាតិ ប៉ុន្តក៏មានអ្នកខ្លះបានចំណាយលុយជូនទៅសមត្ថកិច្ចតាមព្រំដែនដែលមានប៉ូលិសនិងទាហ៊ានជាអ្នកទទួលយកលុយពីពលករទាំងនោះ ហើយអនុញ្ញាតិអោយបងប្អូនទាំងនោះចេញទៅប្រទេសថៃដោយគ្មានអនុញ្ញាតិអ្វីទាំងអស់ទីបំផុតក៏ត្រូវទាហ៊ានថៃចាប់បញ្ជូនមកដ៏ដែលៗយ៉ាងដូចឆ្នេះ។ 
ថ្មីៗនេះគេបានសម្គល់ឃើញមានពលករខ្មែររាប់ម៉ឺនអ្នកបានចេញពីបណ្តាខេត្តនានាឆ្ពោះមកក្រុងប៉ោយប៉ែត ដោយអ្នកខ្លះធ្វើដំណើរតាមរថយន្តក្រុង រថយន្តតាក់ស៊ី និងរថយន្តតូរីស១២កៅអី ក្នុងគោលបំណងមកធ្វើលិខិតស្នាមដើម្បីឆ្លងទៅប្រទេសថៃ ប៉ុន្តែជាអកុសលត្រូវបានប៉ូលិសអន្តោប្រវេស មិនអនុញ្ញាតិចេញបណ្ណ័ឆ្លងដែនអោយទេគឺគេចេញអោយតែប្រជាពលរដ្ឋចំនួនតែពីស្រុកនៅក្នុងខេត្តបន្ទាយមានជ័យតែប៉ុណ្ណោះ ក្នុងនោះមានក្រុងប៉ោយប៉ែត និងស្រុកអូរជ្រៅ ហើយទង្វើរបែបនេះទើបធ្វើអោយពលរដ្ឋដែលមកពីបណ្តាខេត្តនានាទៅមុខមិនរួច
ទៅក្រោយមករួច ហើយក៏នាំគ្នាដេករដេតរដូតពេញលើរង្វង់មូលនិងតាមការិយាល័យប៉ែកខាងមុខប៉ូលិសអន្តោប្រវេសនិងនៅតាមចំណតរថយន្តនៅតាមផ្ទះអ្នកស្រុកមួយចំនួននិងនៅតាមអូជាប់ព្រំដែនទៀតផង ដោយឡែកគេមិនឃើញមានអស់លោកចៅហ្វាយក្រុងរឺ សមត្ថកិច្ចណាដែលនៅម្តុំនោះ ទៅសួរនាំរឺមានវិធានមានទប់ស្កាត់នោះទេ បង្កអោយមានភាពរញេរញៃពេញច្រកទ្វារអន្តរជាតិប៉ោយប៉ែតទាំងយប់ទាំងថ្ងៃតែម្តងបង្កអោយប៉ះពាល់ទៅដល់វិស័យទេសចរណ៏ធ្ងន់ធ្ងរទៀតផង ។
លោកងោ ម៉េងជ្រូងអភិបាលក្រុងប៉ោយប៉ែតបានប្រាប់កម្ពុជាថ្មីកាលពីព្រឹកថ្ងៃទី១២ ខែកក្កដាឆ្នាំ២០១៤នេះថា រឿងពលករដែលដេកទាំងយប់ទាំងថ្ងៃនោះ គឺពួកគាត់ដេករងចាំថៅកែថៃមកទទួលយកនៅព្រំដែនព្រោះពលករទាំងនោះ គឺគាត់មានច្បាប់អនុញ្ញាតិត្រឹមត្រូវរួចទៅហើយកាលពីមុនទាហ៊ានថៃធ្វើរដ្ឋប្រហាក្នុងប្រទេសថៃឯណោះដូចឆ្នេះក្រោយពីពួកគាត់បានមកដល់ស្រុកកំណើតវិញនោះ ឥឡូវនេះខាងក្រុមហ៊ុននិងថៅកែរបស់ពួកគាត់បានមកចាំទទួលយកពួកគាត់ទៅវិញ ដោយអ្នកខ្លះបានទៅជាបណ្តើរៗហើយ លោកងោ ម៉េងជ្រូងបន្តទៀតថា
មកដល់ម៉ោងនេះថៃនៅតែបន្តបញ្ជូនពលកមកស្រុកខ្មែរវិញជាបន្តបន្ទាប់ បើគិតត្រមថ្ងៃទី២៧ គឺមានចំនួនជាង២០ម៉ឺនអ្នក លុះមកដល់ថ្ងៃទី២៩ខែវិថុនា ដល់ថ្ងៃ៩ខែកក្កដា ឆ្នាំ២០១៤គឺមានចំនួនពលករដែត្រូវថៃបញ្ជូនមកជាង៦ពាន់អ្នកហើយ ដោយឡែកចំនួនពលករដែលត្រលប់ទៅវិញតាមច្រកទ្វារអន្តរជាតិប៉ោយប៉ែតនោះ គឺលោកក្តាប់ចំនួនមិនបានទេតែលោកទទួលស្គាល់ថា គឺជាពលករចាស់ទាំងអស់ ដែលក្រុមហ៊ុនរបស់គេកំពុងតែទទួលចាំយកនៅឯទឹកដីថៃឯណោះ៕ដោយពៅរី
