ខេត្តសៀមរាប ចំនួន២៣៣រូបមកពីបណ្តាវិទ្យាល័យអនុវិទ្យាល័យ ចំនួន៥ ក្នុងខេត្តសៀមរាប ត្រូវបានទទួលការបំពាក់នូវឯកសណ្ឋាន ជាយុវជនកាកបាទក្រហមកម្ពុជាក្រោមអធិបតីភាពរបស់ លោកជំទាវគួយ ណាលីនឃឹម ប៊ុនសុងអនុប្រធានគណៈកម្មាធិការសាខាកាកបាទក្រហមកម្ពុជាខេត្ត សៀមរាប ដោយមានការអញ្ជើញចូលរួម ពីសំណាក់លោកជំទាវ អស់លោក លោកស្រី ជាសមាជិក គណៈកម្មាធិការសាខាកាកបាទក្រហមកម្ពុជាខេត្ត លោកគ្រូអ្នកគ្រូ សិស្សានុសិស្សផងដែរ កាលពីព្រឹកថ្ងៃទី១៧ ខែកុម្ភះ ឆ្នាំ២០១៤ ។
បន្ទាប់ពីកិច្ចស្វាគមន៍របស់លោកស្រីជុំរ័ត្ននារីនាយិកាអនុវិទ្យាល័យមិត្តភាពខ្មែរជប៉ុនព្រះឥន្ទកោសា និងតាមរបាយការណ៍របស់លោក ស៊ុំ សំអននាយកប្រតិបត្តិសាខាកាកបាទក្រហមកម្ពុជាខេត្តបានធ្វើការបញ្ជាក់ដឹងផងដែរ ពីការរៀបចំបំពាក់ឯកសណ្ឋានជូនយុវជនកាកបាទក្រហមកម្ពុជា មានចំនួន ១៥លើកមកហើយ មានចំនួនសរុប២ពាន់៣៧៦នាក់ ស្រី ១ពាន់៣៣០នាក់ ហើយលើកទី១៦នេះ ត្រូវបំពាក់កន្សែងដល់យុវជនកាកបាទក្រហមកម្ពុជា មានចំនួន ២៣៣រូបដែលមកពីវិទ្យាល័យ ហ៊ុន សែន ប្រាសាទបាគង ចំនួន៦៨រូប ,វិទ្យាល័យ
បន្ទាយស្រី ២០រូប , វិទ្យាល័យ ហ៊ុន សែន ស្វាយធំ ចំនួន ៧០រូប ,អនុវិទ្យាល័យអង្គរធំ ៣១រូប និង អនុវិទ្យាមិត្តភាពខ្មែរជប៉ុនព្រះឥន្ទកោសាចំនួន ៤០រូប ។ ហើយនេះក៏ជាការឆ្លើយតបទៅនិងដំណើរការនៃការអភិវឌ្ឍន៍របស់កាកបាទក្រហមកម្ពុជា ក្រោមការដឹកនាំរបស់សម្តេចគតិព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកាកបាទក្រហមកម្ពុជា ដែលជាប្រធានក្រុមការងារទ្រទ្រង់សកម្មភាពយុវជន ការបំពាក់ឯកសណ្ឋានក្នុងការកសាងយុវជនស្ម័ត្រចិត្តកាកបាទក្រហមកម្ពុជា ដើម្បីបំពេញបន្ថែមនៅតាមវិទ្យាល័យ អនុវិទ្យាល័យដែលយុវជនបានបញ្ចប់
កម្រិតសិក្សាទៅថ្នាក់ឧត្តមសិក្សាក្នុងការបំពេញបន្ថែមនៅតាមការចូលរួមសកម្មភាពការងារមនុស្សធម៌ នៅខេត្តសៀមរាប ក៏ដូចនៅទូទាំងប្រទេសផងដែរ ។ បន្តមកគណៈអធិបតី និង ភ្ញៀវកិត្តិយស ក៏អញ្ជើញធ្វើការបំពាក់នូវកន្សែង ជូនដល់ក្មួយៗក្រុមយុវជនកាកបាទក្រហមកម្ពុជាទាំង២៣៣រូបនិង ការឡើងធ្វើចំណាប់ អារម្មណ៍ និង ការប្តេជ្ញាចិត្តរបស់តំណាងយុវជនកាកបាទ ក្រហមកម្ពុជារួចមក មានប្រសាសន៍សំណេះសំណាលជាមួយក្មួយៗ កូនៗ យុវជនកាកបាទក្រហមកម្ពុជា និង ទីប្រឹក្សាយុវជននាឱកាសនោះក្នុងនាមតំណាងឯ.ឧឃឹមប៊ុនសុង
ប្រធានគណៈកម្មាធិការសាខាកាកបាទក្រហម កម្ពុជាខេត្ត លោកជំទាវគួយ ណាលីនឃឹម ប៊ុនសុងក៏បានបញ្ជាក់អំពីលទ្ធផល និងសកម្មភាពរបស់គណៈកម្មាធិការសាខាកាកបាទក្រហមកម្ពុជាខេត្តក្នុងការចុះសួរសុខទុក្ខ និង ចែកអំណោយដល់ជនរងគ្រោះក្នុងឆ្នាំ២០១៣ព្រមទាំងលើកឡើងពីប្រវត្តិនៃការបង្កើតកាកបាទក្រហមកម្ពុជា នាថ្ងៃ ទី១៨ កុម្ភះ ឆ្នាំ១៩៥៥ ដោយឈរលើគោលការណ៍ គ្រឹះនៃចលនាអន្តរជាតិ កាកបាទក្រហម អឌ្ឍចន្ទក្រហម ដែលផ្តោតជាសំខាន់លើមនុស្សធម៌ និង សកលភាផងដែរ។ ក្នុងនោះដែរលោកជំទាវក៏បានលើកឡើង នូវ
បរិបទថ្មី នៃមហាសន្និបាតកាកបាទក្រហមកម្ពុជា ដាក់ចេញនូវយុទ្ធសាស្ត្រសំរាប់ឆ្នាំ២០២០ ក្នុងទស្សនៈវិស័យរួមចំណែកពន្លឿនការកាត់បន្ថយភាពក្រីក្រ ការពារសេចក្តីថ្លៃថ្នូរ របស់មនុស្សជាតិ និង ការពារតម្លៃ មនុស្សធម៌របស់ជន រងគ្រោះ និង ដោយផ្តោតការយកចិត្តទុក្ចដាក់លើវិស័យស្នូលទាំង៤ ជាសំខាន់ លើការគ្រប់គ្រងគ្រោះមហន្តរាយ សុខភាព និងថែទាំសុខភាពក្នុងសហគមន៍ ព្រមទាំងលើកកម្ពស់គោលការណ៍គ្រឹះ និង តម្លៃមនុស្សធម៌របស់ចលនា និង អភិវឌ្ឍន៍ស្ថាប័ន អភិវឌ្ឍន៍ធនធាន ។ លោកជំទាវគួយ ណាលីន ឃឹម ប៊ុនសុងក៏បាន
ផ្តាំផ្ញើដល់ក្មួយៗយុវជនកាកបាទក្រហមកម្ពុជាទាំង២៣៣រូប ត្រូវគោរពប្រតិបត្តិពីតួនាទី ភារកិច្ចឲ្យខ្ជាប់ខ្ជួន ក្នុងសកម្មភាពមនុស្សធម៌ និង ធ្វើជាគំរូឈានមុខនៅក្នុងសាលារៀន ឧស្សាហ៍ព្យាយាមរៀនសូត្រជាគំរូដល់មិត្តយុវវ័យ ត្រូវធើ្វការអប់រំ អនាម័យសុខភាព ព្រមទាំងចូលរួមក្នុងការងារសង្គម ពិសេសលើសុវត្ថិភាពចរាចរនៅក្នុងក្រុង ។ លោកជំទាវក៏បានធ្វើការកោតសរសើរផងដែរដល់ក្មួយៗយុវជនកាកបាទក្រហម
កម្ពុជាយើង ដែលមានស្មារតីឆន្ទះ ចូលរួមក្នុងសកម្មភាពមនុស្សធម៌ ។ ក្នុងនោះលោកជំទាវគួយ ណាលីន ឃឹម ប៊ុនសុងក៏បាននាំយកនូវថវិកាជាអំណោយដ៏ថ្លៃថ្លារបស់ សម្តេចគត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាចែកជូនដល់ក្មួយៗទាំង២៣៣រូបម្នាក់ៗថវិកា ១ម៉ឺនរៀលផងដែរ ៕ 
