ពោធិសាត់៖ សោកវនាដកម្មដ៍សោកសង្រេងបំផុតមួយបានកើតឡើង ក្នុងមួយប៉ព្រិចភ្នែកប៉ុណ្ណោះ បានឆក់យកអាយុជីវិតដល់ទៅពីគ្រួសារព្រមគ្នា ដែលជាដន្លងនឹងគ្នាអស់ចំនួន៨នាក់ នៅក្នុងរថយន្តតែមួយ ដោយជនរងគ្រោះទាំងនេះមិនមានកំហុសអ្វីទាំងអស់ ។ ឯអ្នកបើករថយន្តបង្ករនោះ មិនមានគ្រោះថ្នាក់ឡើយ ហើយបានចុះរត់គេចខ្លួនបាត់ ខណះដែលជនរងគ្រោះ កំពុងជិះរថយន្តមួយគ្រឿង បើកបរក្នុងផ្លូវអទិភាព ត្រូវបានរថយន្តកុងតឹន័រ បើកបរបញ្ច្រាស់ទិសមកបង្ករ ដោយផ្ទុះកង់មុខខាងឆ្វេង ហើយវេចង្កូតមកពេញមួយទំហឹង ។ ឱប្បហេតុចរាចរណ៍នេះបានកើតឡើង លើផ្លូវជាតិ់េខ៥ កាលពីវេលាមោ៉ង ៥ និង ៣០ នាទីល្ងាច ថ្ងៃទី ១១ ខែ កក្ដដា ឆ្នាំ ២០១៤ ត្រង់ចន្លោះគីឡូមែ៉ត ១៤០ , ១៤១ ស្ថិតក្នុងភួមិ ខ្សាច់ល្អិត ឃុំ អន្សាចំបក់ ស្រុក ក្រគរ ខេត្ត ពោធិសាត់ ។ 
ក្នុងឱប្បហេតុនេះកើតភ្លាម ប្រមាណជា២០នាទី កម្ពុជាថ្មីបានទៅដល់ទីតាំងកើតហេតុដ៍រន្ធត់នេះ ត្រូវបានសាក្សីដែលបានឃើញហេតុការណ៍ផ្ទាល់ភ្នែករៀបរាប់អោយដឹងថា ។ ដំបូងគឹមានរថយន្តកុងតឹន័រធុនធំមួយគ្រឿង មា៉កហីុណូ ពាក់ផ្លាក់លេខ ភ្នំពេញ 3A 49 60 ក្បាលស ទ្រុងខៀវដែលមានអក្សរ WAN HAI បានបោះពួយលើផ្លូវជាតិលេខ៥យា៉ងលឿន ក្នុងទិសដៅពីកើតទៅលិចដោយខាងក្រោយរថយន្តនោះមិនមានផ្ទុកសម្ភារះឡើយ ។ សាក្សីដដែលបន្តថា លុះមកដល់ចំនុចឱប្បហេតុខាងលើ រថយន្តនោះបានផ្ទុះកង់មុខផ្នែកខាងឆ្វេងស្នូដូចគ្រាប់បែកផ្ទុះ ក៍រថយន្តនោះចាប់ផ្ដើមរេចង្កូត ទាញមកខាងឆ្វេងដៃ ។
សាក្សីនោះបានបន្តថា ស្របពេលជាមួយគ្នានោះដែរ ក៍មានរថយន្ត ហាយឡេណឌឺ ពណ៍ទឹកប្រាក់ អត់ផ្លាកលេខ ដែលមានមនុស្សប្រុសស្រីតូចធំ ជិះពេញក្នុងរថយន្តនោះ ចំនួន៨នាក់ជាលក្ខណះគ្រួសារ ។ ក៍បានធ្វើចរាចរណ៍លើផ្លូវជាតិលេខ៥ច្រាស់ទិស ក្នុងទិសដៅពីកើតទៅ់លិច ដោយល្បឿនលឿនក្នុងផ្លូវអទិភាព ដែលរថយន្តបែកកង់នោះកំពុងរេចង្កូតមកពីមុខចំងាយ ឃ្លាតគ្នាប្រមាណជា៥០ម៉ែតប៉ុណ្ណោះ ។ បណ្ដាលអោយអ្នកបើកបររថយន្តរងគ្រោះ មិនអាចគេចទៅខាងណារូច ក៍រថយន្តបង្ករធុនធំនោះវេមកឆ្វេងដៃបុក រថយន្តហាយឡេណឌឺ ចំពេញពីមុខពេញមួយទំហឹង លាន់ដូចរន្ទះ ។ 
សាក្សីជាអ្នកឃើញហេតុកាណ៍នោះក៍បានអោយដឹងទៀតថា ពេលនោះក៍បើងរថយន្តហាយឡេណឌឺ ធ្លាក់ចេញពីផ្លូវជាតិ ជាមួយរថយន្តបង្ករនោះ ខូចខាតរថយន្តសងខាងខ្ចេច ឯមនុស្សនៅក្នុងរថយន្តហាយឡេណឌឺរួមជាមួយអ្នកបើកបរ ទាំងអស់ចំនួន៨នាក់ស្លាប់ភ្លាមៗនៅនិងកន្លែង៧នាក់ខ្លះគៀបជាប់ក្នុងរថយន្ត និង ខ្លះទៀតធ្លាយចេញមកក្រៅ ហើយនៅសល់ក្មេងស្រីអាយុ១០ឆ្នាំម្នាក់រងរបួសនោះ បានស្លាប់ពេលដែលបញ្ជូនសង្គ្រោះដល់មន្ទីពេទ្យខេត្តពោធិសាត់ ឯតៃកុងរថយន្តបង្ករបានចុះរត់គេចខ្លួនបាត់ ។ 
លោក ឯម រុន អធិកានគបាលស្រុកក្រគរ ដែលបាននៅកន្លែងកើតហែតុនោះបានប្រាប់កម្ពុជាថ្មីថា សពជនរងគ្រោះចំនួន៣នាក់ សមត្ថកិច្ចយើងបានយកចេញពីរថយន្តបានភ្លាម ។ ហើយសពនៅគៀបជាប់រថយន្តចំនួនបួននាក់ទៀតសមត្ថកិច្ចយើង បាននាំគ្នាគាស់យកចេញពីរថយន្តហាយឡេណឌឺនោះបាន រហូតដល់មោ៉ង១១យប់ឯណោះ ដោយខាងក្រុមគ្រួសារជនរងគ្រោះទាំង៨នាក់នោះយករយន្តមកដឹកយកទៅធ្វើបុណទាំងអស់នៅឯខេត្តកណ្ដាល ។
លោក មោ៉ល សាវា៉ន នគរបាលចរាចរណ៍ស្រុកក្រគរបានអោយដឹងថា ជនរងគ្រោះចំនួន៨នាក់ពីចៅដល់តាយាយដែលបានបាត់បង់ជីវិតនោះ ។ ទី១ ឈ្មោះ ឡេង សំណាង អាយុ២២ឆ្នាំជាម្ចាស់រថយន្តហើយអ្នកបើករបរទី២ ឡេង សុភាព អាយុ៣៦ឆ្នាំ ទី៣ ឡេង សុភា អាយុ២៥ឆ្នាំអ្នកទាំងបីភេទប្រុសជាបងប្អូនបង្កើតនិងគ្នា ទី៤ ឡុង សេងហុង អាយុ៣៦ឆ្នាំ(ប)ទី៥ វា៉ន់ ឡេងហុង អាយុ១១ឆ្នាំ(ប)ទី៦ ឈ្មោះ អាំង អាយុ ៦០ឆ្នាំ (ស) ទី៧ ឈ្មោះ ហួយ អាយុ១៩ឆ្នាំ (ស) និងទី៨ឈ្មោះ ហាក់ សៀកមួយ អាយុ១០ឆ្នាំ ស្រី ។ លោកបានអោយដឹងទៀតថា ជនរគ្រោះទាំងអស់នេះគឺចំនួនពីគ្រួសារ ជាដន្លងជាមួយគ្នា ដោយគ្រួសារមួយនៅខាង កោះធំ ខេត្តកណ្ដាល និង គ្រួសារមួយទៀតនៅខាង ក្រុងបោ៉យប៉ែត ខេត្តបន្ទាយមានជ័យ ។ 
លោក មោ៉ល សាវា៉ន ក៍បានអោយដឹងនូវពត៍មានចុងក្រោយថា បើតាមខាក្រុមគ្រួសារជនរងគ្រោះប្រាប់នោះ គឺរថយន្តនេះទើបតែទិញបាន៤ថ្ងៃប៉ុណ្ណោះ ។ ដោយម្ចាស់រថយន្តនោះនៅបោ៉យប៉ែតបើកទៅមើលបងប្អូនគ្រោះថ្នាក់ចរាចរណ៍ដែរ ដោយម៉ូតូបុកដេកពេទ្យកាល់ម៉ែត ។ លុះពេលត្រឡប់ទៅវិញ ក៍បបួលក្រុមគ្រួសារដែលជាដន្លង នៅខេត្តកណ្ដាលជិះរថយន្តទៅលេងក្រុងបោ៉យប៉ែតម្ដង ក៍នាំគ្នាមកដល់ចំខាងលើ ជួបឱប្បហេតុគ្រោះថ្នាក់ចរាចរណ៍ស្លាប់ទាំង៨នាក់នេះតែម្ដង ។លោកបានបន្ថែមថាករណីនេះខាង នគរបាលចរាចរណ៍ខេត្តពោធិសាត់បាន យករថយន្តដែលខីចខាតសងខាង ទៅរក្សាទុកនៅស ស្នងការខេត្តពោធិសាត់ រងចាំអោយម្ចាស់រថយន្តបង្ករចូលខ្លួន ដោះស្រាយសំណងតាមផ្លូវច្បាប់ចរាចរណ៍ អោយសំណងទៅក្រុមគ្រួសារជនរងគ្រោះ ។
