បន្ទាយមានជ័យ-ឧត្ដមានជ័យ ដីព្រៃសហគមន៍ភ្នំព្រះ ដែលនៅសេសសល់ នៅចំនុចព្រំប្រទល់ខេត្តបន្ទាយមានជ័យ-ឧត្ដមានជ័យ ក្នុងឃុំ៥ ឃុំបន្ទយឆ្មា ថ្មពួក គោកកឋិន ភូមិថ្មី និងឃុំបេងក្រោយពីការទន្រានយក ពីក្រុមឈ្មួញ និងអ្នកមានអំណាច លើកនេះត្រូវបានមេបញ្ជាការរងយោធាកងពលធំលេខ២លោក ឧត្ដមសេនីយ៍ ឈិន ឆន យកគ្រឿងចក្រ ព្រមទាំងកងកម្លាំងទាហ៊ានមកចាំការពារ ដើម្បីកាយព្រំរំលោភយក ទោះជាមានការស្នើរសុំបញ្ឈប់ និងអន្តរាគមពីមេព្រៃ ក៍មិនស្ដាប់ នេះបើតាមការអោយដឹងពី ក្រុមអ្នកការពារព្រៃសហគមន៍ភ្នំព្រះ ប្រាប់កាលពីចុងសប្ដាហ៍ ខែ កក្ដដា ឆ្នាំ២០១៤។
លោក សាន់ សារ៉ន ប្រធានសហគមន៍ឈើភ្នំព្រះនិយាយថាៈ ការខិតខំការពារអភិរក្សព្រៃសហគមន៍តែមួយគត់ក្នុងស្រុកថ្មពួក គឺធ្វើឡើងដោយស្មារតីស្រឡាញ់ព្រៃ និងសត្វព្រៃដែលសេសសល់ចុងក្រោយនេះស្របតាមគោលនយោបាយរបស់រាជរដ្ឋាភិបាល និងក្រសួងកសិកម្ម ។ប៉ុន្ដែឥឡូវនេះប្រជាសហគមន៍អស់ជំនឿដោយសារមិនអាចទប់ស្កាត់សកម្មភាពទាហានប្រើគ្រឿងចក្រ និងកម្លាំងការពារប្រដាប់ដោយអាវុធហ៊ុំព័ទ្ធយកដីព្រៃ។ 
មានការប្រឈមគ្នារវាងកងទ័ពការពារគ្រឿងចក្រដោយទាហានទឹកមុខមាំ សម្ដីមុតៗ និងដាក់ម្រាមដៃក្នុងកៃប្រុងប្រៀប បែរការណុងដាក់អ្នកតវ៉ានៅក្នុងព្រៃ ។ដោយដាក់អោយឃ្លាតគ្នាខ្លាចមានអំពើហឹង្សារកើតឡើង លោក លន់ សុផល បានអោយក្រដាសថតចម្លងជាច្រើនសន្លឹកទៅលោក ចាន់ សារ៉ន (ហៅ សិត) អានអោយប្រជាសហគមន៍ស្ដាប់ក្នុងនោះមានការលើកឡើងពីនាយឧត្តមសេនីយ៍យោធាស្នើសុំសម្ដេចនាយករដ្ឋមន្ដ្រី ដើម្បីកសាងបន្ទាយ ជុំរំជម្រកទ័ព និងសុំដីកាត់ជូនគ្រួសារទ័ពមានទំហំប្រមាណ ៦០០០ ហ.ត ស្ថិតក្នុងភូមិសាស្ដ្រឃុំបេង ខេត្តឧត្តរមានជ័យ។ខ្លឹមសារនោះពុំទាន់ឃើញមានការឯកភាពនៅឡើយទេ។ ប៉ុន្ដែមន្ដ្រីយោធាបានប្រាប់ថាៈ សហគមន៍ មន្ដ្រីរដ្ឋបាលព្រៃឈើនិងអ្នកពាក់ព័ន្ធបើចង់ដឹងរឿងនេះបន្ថែមសូមទៅលោកឧត្តមសេនីយ៍ទោ ឈិន ឆន មេបញ្ជាការរងកងពលធំលេខ ២ និងសួរទៅថ្នាក់លើពាក់ព័ន្ធ។ 
មន្ដ្រីយោធាគម្រាម និងចម្អកអោយអ្នកតវ៉ាថា “ឥឡូវបានមកឃើញហើយ សូមបងប្អូនកុំចង់មកជិតព្រៃនេះទៀត។បើចង់បានដីព្រៃឈើសហគមន៍វិញនាំគ្នាកើបយក១គីឡូប្រហុកចុះ។តែបើចង់បានឈើសុំចូលព្រៃយកម្នាក់មួយលីទៅ”។ ប្រជាសហគមន៍និងមន្ដ្រីរដ្ឋបាលព្រៃឈើព្រមទាំងអ្នកបាក់ព័ន្ធបានដកថយទាំងក្ដីអស់សង្ឃឹម។ ប៉ុន្ដែលោក ឈុំ សុខ សមាជិក ,លោក បាន យួយ ប្រធានគណៈកម្មការសហគមន៍ព្រមទាំងប្រជាសហគមន៍ជាច្រើនទៀតបាននិយាយថាៈ ពួកខ្លួនទទូចសុំអន្ដរាគមន៍ពីរដ្ឋបាលព្រៃឈើ អាជ្ញាធរដែនដី ក្រសួងមហាផ្ទៃ ក្រសួងការពារជាតិ និងជាពិសេសសម្ដេចតេជោ ហ៊ុន សែន នាយករដ្ឋមន្ដ្រីដើម្បីជយយការពារដីព្រៃសហគមន៍ភ្នំព្រះទំហំជាង ៣០០ ហ.ត ដែលទាហានកងពលធំលេខ ២ បាននឹងកំពុកកាយព័ទ្ធយក។
ពាកព័ន្ធករណីកាយព្រំរំលោបយកដីព្រៃសហគមន៍ភ្នំព្រះនេះលោកឧត្ដមសេនីយ៍ ឈិន ឆនមេបញ្ជាការ រងយោធាកងពលធំលេខ២បានឆ្លើយតបតាមទូស័ព្ទថា: លោកមានឯកសារសំអាងគ្រប់គ្រាន់ ដែលត្រូវយកទីតាំងដែលមានផ្ទៃដី៦ពាន់ហិចតាធ្វើជាបន្ទាយយោធានិងសម្រាប់ចែកដល់គ្រួសារកងទ័ព រឿងថាជាដីសហគមន៍អ្វីនោះ ខាងលោកមិនដឹងនោះទេ ហើយអ្នកសារពត័មានចង់ចុះអីក៍ចុះចោះ៕ដោយ:ឃិន គន្ធា
