ខេត្តកំពង់ធំ នៅបញ្ជាការដ្ឋានតំបន់ប្រតិបត្តិការសឹករងកំពង់ធំ បានបើក កិច្ចប្រជុំ ផ្សព្វផ្សាយបទបញ្ជា ដល់កងកម្លាំងនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដល់កងកម្លាំងដើម្បីត្រៀមចល័ត ធ្វើ អន្តរាគមន៍ តាមបទបញ្ជារបស់ថ្នាក់ លើ ជូនដល់នាយទាហាន នាយទាហានរង និនិងពលទាហាន ពិធីនេះគឺបានធ្វើនៅព្រឹកថែ្ង ២១ខែតុលា ឆ្នាំ២០១៩។
ផង
ក្នុងកិច្ចប្រជុំមួយផ្សេងទៀត ស្តីពីការ ប្រគល់ភារកិច្ចជូនថ្នាក់ដឹកនាំ មេបញ្ជាការគ្រប់កងឯកភាពវរសេនាតូច ផ្នែកសឹករងក្រុង ស្រុក និងស្ថាប័នចំណុះ បញ្ជាការដ្ឋានតំបន់ប្រតិបត្តិការសឹករងកំពង់ធំ ដេីម្បីពង្រឹងនូវតួរនាទីភារកិច្ចរបស់កងយោធពលខេមរភូមិន្ទ ។
ក្នុងនាមជាកងកម្លាំង ត្រូវដាច់ខាតការពារឲ្យបានរាជរដ្ឋាភិបាលស្របច្បាប់ ដែលកេីតឡើងពីការបោះឆ្នោត ដែលប្រជាពលរដ្ឋទូទាំងប្រទេសជាង៨៣ ភាគរយ ដែលបានអញ្ជើញទៅចូលរួមបោះឆ្នោតនៅឆ្នាំ២០១៨ កន្លងមក ។ 
ឯកឧត្តមឧត្ដមសេនីយ៍ទោសោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានប្រគល់ភារកិច្ចមួយចំនួនជូនដល់កងម្លាំងនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ក្នុងនោះមាន
១/ ត្រូវត្រៀមខ្លួនរួចជាស្រេច ដើម្បីកំទេចពួកអាក្បត់ជាតិ ដែលមានគោលបំណងផ្តួលរំលំរាជរដ្ឋាភិបាលស្របច្បាប់ បំផ្លាញសន្តិភាព បំផ្លាញសេចក្តីសុខសាន្ត របស់ប្រជាជនកម្ពុជា ។
២/ យោធិនទាំងអស់ ត្រូវស្មោះត្រង់ដាច់ខាតចំពោះជាតិ សាសនា និងព្រះមហាក្សត្រ ។
៣/ យោធិនគ្រប់រូប ដាច់ខាតត្រូវគោរពតាមបទបញ្ជារបស់មេបញ្ជាការគ្រប់បណ្ដាថ្នាក់ ។ ហ៊ានលះបង់ជីវិតដើម្បីបុព្វហេតុជាតិ និងប្រជាជន គឺការពារឲ្យបានសន្តិភាព ដែលយើងកំពុងមាននេះឲ្យបានដាច់ខាត ទោះបីក្នុងតម្លៃណាក៍ដោយ ។
បងប្អូនយោធិនទាំងអស់ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានប្តេជ្ញាចិត្តដាច់ខាត គោរពនូវតួរនាទីភារកិច្ច និងបទបញ្ជារបស់ថ្នាក់ដឹកនាំគ្រប់លំដាប់ថ្នាក់ ដេីម្បីរក្សាសុខ សន្តិភាព និងចូលរួមចំណែកក្នុងការអភិវឌ្ឍន៍ប្រទេសជាតិយើង ក្រោមការដឹកនាំ ប្រកបដោយកតិបណ្ឌិត របស់ សម្តេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា រក្សាបាននូវសុខសន្តិភាព និង ការអភិវឌ្ឍ តរៀងទៅ ។ ដោយ ប៊ុន រដ្ឋា
