ហ្គាហ្សាៈ ជនប៉ាឡេស្ទីនបានស្លាប់កើនឡើងដល់៨១នាក់ហើយ ក្នុងនោះមានក្មេង១៨នាក់ ខណៈកងទ័ពអ៊ីស្រាអែល បានបង្កើនការវាយលុករបស់ខ្លួនកាលពីយប់ថ្ងៃទី៩ មកទី១០ កក្កដា ដែលការវាយលុកនោះឈានចូលដល់ថ្ងៃទី៣ហើយ (The Palestinian death toll has risen to 81
as Israel continues airstrikes on the third day of Operation Protective Edge. At least 18 children have been killed in the Gaza Strip since Tuesday)។ ភាពតានតឹងនេះបានជំរុញឲ្យក្រុមប្រឹក្សាសន្តិសុខអង្គការសហប្រជាជាតិ(អ.ស.ប) សម្រេចធ្វើកិច្ចប្រជុំបន្ទាន់មួយ ។នេះបើតាមវេបសាយបរទេសមួយផ្សាយកាលពីរាត្រីថ្ងៃព្រហស្បតិ៍។ តាមប្រភពដដែលនេះ ការវាយលុកនោះរបស់អ៊ីស្រាអែល បណ្តាលឱ្យមនុស្សស្លាប់យ៉ាងតិច៦៤នាក់ ក្នុងយប់ថ្ងៃទី៩ ទៅទី១០ កក្កដា ។
នេះជាតុល្យការមួយចេញផ្សាយដោយកងទ័ពអ៊ីស្រាអែល នាវេលាម៉ោង៥ព្រឹក ថ្ងៃទី១០ កក្កដា ។ បន្ថែមលើតុល្យការពិតណាស់នៅបូកបញ្ចូលមនុស្ស៣នាក់ទៀត ដែលស្លាប់ដោយសារការវាយឆ្មក់តាមអាកាសមួយពេលមនុស្សទាំងនេះ កំពុងធ្វើដំណើរតាមរថយន្តពេលយប់ក្នុងទីក្រុងហ្គាហ្សា ។ ពួកប៉ាឡេស្ទីន បានបង្ហាញលទ្ធភាពនៃការវាយប្រហាររបស់ខ្លួនដល់ក្រុងហ្ស៊េរុយសាឡិម ក្រុងតែលអាវីវ ព្រមទាំងក្រុងហៃហ្វា ដែលនៅឆ្ងាយរហូតដល់ជាង១៦០គីឡូម៉ែត្រ ពីហ្គាហ្សា ព្រមទាំងទីក្រុងឌីម៉ូណា ដែលនៅទីនោះអ៊ីស្រាអែល មានមជ្ឈមណ្ឌលនុយក្លេអ៊ែរមួយ ។រីឯកងរថក្រោះរបស់អ៊ីស្រាអែលវិញ ប្រមូលផ្តុំនៅតាមព្រំដែនរវាងភាគខាងត្បូងអុីស្រាអែល និងហ្គាហ្សា ខណៈការវាយលុកតាមអាកាសនៅបន្តទៀត ។
តាមអ្នកនាំពាក្យសេវាសង្គ្រោះបន្ទាន់លោក អាស្រាហ្វ អាល់កៃដ្រា (Ashraf al-Qidra)បាននិយាយថា នាពេលយប់ហាងកាហ្វេមួយនៅក្រុងខាន់យូនីស ត្រូវបានខ្ទេចខ្ទីដោយការវាយប្រហារតាមអាកាស បណ្តាលឲ្យស្លាប់៦ របួសយ៉ាងហោចណាស់១៥នាក់។ លោកកៃដ្រា បានបន្តបន្ថែមថា ការវាយប្រហារលើកទី២ បានកម្ទេចផ្ទះ និងជម្រកជនភៀសខ្លួននៅរ៉េសសលាដ នាជំរំនូសេរ៉ាត ចំកណ្តាលក្រុងហ្គាហ្សា សម្លាប់មនុស្សជាច្រើននាក់
។ ក្រសួងសុខាភិបាលប៉ាឡេស្ទីនបានឲ្យដឹងថា ប្រជាជន៧នាក់ ក្នុងនោះមានស្ត្រី៣ ក្មេង៤នាក់ ត្រូវបានស្លាប់ដោយសារការវាយប្រហារជាបន្តបន្ទាប់លើផ្ទះចំនួនពីរក្នុងក្រុងយូនីស បន្ទាប់មកបានសម្លាប់៥នាក់ របួស១៦នាក់ផ្សេងទៀត។ បើតាមកម្លាំងការពារជាតិអ៊ីស្រាអែល បាននិយាយថា ៣៦០គ្រាប់រ៉ុកក្កែតត្រូវបានវាយប្រហារលើអ៊ីស្រាអែលចាប់តាំងពីចាប់ផ្តើមប្រតិបត្តិការរបងការពារ ហើយមានជាង៥៩០លើក សម្រាប់ការវាយប្រហារលើហ្គាហ្សាស្ទ្រីបចាប់តាំងពីមានអំពើហិង្សាកើនឡើងរវាងជម្លោះ អ៊ីស្រាអែល និងប៉ាឡេស្ទីនតាំងពីឆ្នាំ២០១២មក៕
