សៀមរាប: ខ្ទីលុយប្រពន្ធ១០ដុល្លាមិនបានបុរសជាប្តីសំរេចចិត្តរត់ទៅចងកធ្វើអត្តឃាតសម្លាប់ខ្លួនឯងហេតុការធ្វើអត្តឃាតនេះ បានកើតឡើងនៅវេលាម៉ោង៦ព្រឹក ថ្ងៃទី២៧ ខែតុលា ឆ្នាំ២០១៩ ស្ថិតនៅលើផ្ទះជាន់ទី២នឹងជាកន្លែង ហាលខោអាវ ក្រុមទី៨ ភូមិវត្តដំណាក់ 
សង្កាត់សាលាកំរើក ក្រុខេត្តសៀមរាប ។
លោក ណុប សារ៉ាក អធិការ នគរបាលក្រុងសៀមរាបបានអោយដឹងថា សពជនរងគ្រោះឈ្មោះ ឃួន ផុស ភេទប្រុស អាយុ ២៤ឆ្នាំ ជាតិខ្មែរ មានស្រុកកំណេីតនៅ ភូមិនគរភាស ឃុំនគរភាស ស្រុកអង្គរជុំ ខេត្តសៀមរាប។ មុខរបរ កម្មករជាងចម្លាក់ឆ្លាក់រូប ក្រោយពីពិនិត្យសពលើខ្លួនសពយើងឃើញថាផ្នែកក្បាល ពុំមានស្លាកស្នាមទេ ផ្នែកក មានស្នាមរិតកប្រវែង25សង់ទីម៉ែត្រ
ផ្នែកដងខ្លួនពុំមានស្លាកស្នាមអ្វីឡើយ ផ្នែកអវយវះ ពំុមានស្នាក់ស្នាមអាអ្វីទេសន្និដ្ឋានថា សពស្លាប់ដោយសារចងក
(ធ្វើអតឃាត)។
លោកបន្តថា មូលហេតុ តាមការសាកសួរពីប្រពន្ធឈ្មោះ សន ពុធសា បានអោយដឹងថា បានឈ្លោះគ្នាជាមួយប្រពន្ធបន្តិបន្ទួចនៅម៉ោង១៩.០០នាទី ថ្ងៃទី២៦.១០.២០១៩ រឿងខ្ទីលុយ១០ដុល្លា តែប្រពន្ធមិនមានហើយក៍ខឹង ប្រពន្ធបានអោយយកទូរសព្ទ័ទៅបញ្ចាំតែប្តីមិនព្រម ប្តីរបស់គេបានដេកលេងទូរសព្ទ័នៅក្នុងបន្ទប់ជាមួយប្រពន្ធរហូតដល់ម៉ោង៣.៣០នាទីជិតភ្លឺចូលថ្ងៃ២៧.១០. ២០១៩ ប្រពន្ធក៍បានដេកលក់ទៅ រហូតដល់ម៉ោង៦.០០នាទីព្រឹក បានភ្ងាក់ពីដេកមិនឃើញប្តីនៅក្នុងបន្ទប់ទេ ពេលនោះ ប្រពន្ធក៍បានដើរឡើងទៅជាន់លើក៍ស្រាប់តែឃើញប្តីចង ក ស្លាប់បាត់ទៅហើយ ហេីយក៏បានប្រាប់ម្ចាស់ផ្ទះអោយជួយហៅប៉ូលីសមក ពិនិត្យមើល ។
សមត្ថកិច្ចបានបញ្ជាក់ថាក្រោយបានពិនិត្យយ៉ាងម៉ត់ចត់ និងបំភ្លឺពីស្ត្រីជាប្រពន្ធ រួច បានប្រគល់ ជនរងគ្រោះ ជូនក្រុមគ្រួសារយកទៅធ្វើបុណ្យតាមប្រពៃណី៕
