រាជធានីភ្នំពេញ-បុរសម្នាក់បានរងរបួសរលាត់ដៃរលាត់ជើងតិចតួចខណះពេលកំពុងជិះម៉ូតូគុបជ្រុងពណ៌ទឹកប៊ិចមួយគ្រឿងត្រូវរថយន្តកុងតឺន័រពណ៌សលាយខ្មៅមួយគ្រឿងបើកបរដោយបុរសម្នាក់បុកចំពីក្រោយពេញទំហឹងកាលពីវេលាម៉ោង៧នឹង២៥នាទីយប់ថ្ងៃទី១៣ ខែកក្កដា ឆ្នាំ២០១៤
តាមបណ្តោយផ្លូវជាតិលេខ៣ ស្ថិតក្នុងសង្កាត់ភ្លើងឆេះរទះ ខណ្ឌពោធិសែនជ័យ។នៅកន្លែងកើតហេតុសមត្ថកិច្ចមិនទាន់ស្គាល់អត្តសញ្ញាណម្ចាស់ម៉ូតូរងគ្រោះនឹងអ្នកបើករថយន្តកុងតឺន័របង្កហេតុនៅឡើយទេ។
ប្រភពពត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តកុងតឺនឺរមួយគ្រឿងពណ៌សលាយខ្មៅ ពាក់ស្លាកលេខ ភ្នំពេញ 3B-2953បើកបរដោយបុរសម្នាក់ ធ្វើដំណើរតាមបណ្តោយជាតិលេខ៣ក្នុងទិសដៅពីជើងទៅត្បូងស្រាប់តែមកដល់ចំណុចកើតហេតុក៏បានធ្វើការបត់ឆ្វេងឆ្លងផ្លូវទៅបុកម៉ូតូគុបជ្រុង ពណ៌ទឹកប៊ិចមួយគ្រឿង ពាក់ស្លាកលេខ តាកែវ 1H-8962 បើកបរដោយបុរសម្នាក់ ដែលធ្វើដំណើរស្រប់ទិសគ្នាចំពីក្រោយពេញទំហឹង បណ្តាលឲ្យម៉ូតូរងការខូចខាតមួយកំណាត់ខាងក្រោយ តែសំណាងល្អអ្នកបើកម៉ូតូលោតចេញពីម៉ូតូទាន់ទើបរងរបួសស្រាលដោយគ្រាន់តែរលាត់ដៃជើងតិចតួច។ក្រោយពេលកើតហេតុប៉ូលីសចរាចរចុះទៅវាស់វែងយករថយន្តនឹងម៉ូតូទៅរក្សាទុកនៅអធិការខណ្ឌពោធិសែនជ័យ៕
