រាជធានីភ្នំពេញ-មនុស្សប្រុសស្រី២នាក់បានរងរបួសធ្ងន់ធ្ងរនឹង២នាក់រងរបួសស្រាលដោយគ្រាន់តែរលាត់ដៃរលាត់ជើងតិច ក្នុងគ្រោះថ្នាក់ចរាចរមួយបង្កឡើងរវាងម៉ូតូឌ្រីមសេ១២៥ពណ៌ខ្មៅមួយគ្រឿងជិះដោយយុវជនស្រវឹងស្រា២នាក់បានបើកយ៉ាងលឿនទៅបុកម៉ូតូស្មាសវីពណ៌ខ្មៅមួយ
គ្រឿងជិះដោយប្តីប្រពន្ឋ២នាក់ចំពីមុខពេញទំហឹង កាលពីវេលាម៉ោង១នឹង២០នាទីរំលងអាធ្រាត្រឈានចូលថ្ងៃទី១៤ខែកក្កដាឆ្នាំ២០១៤ តាមបណ្តោយផ្លូវភ្នំពេញហាណូយ ខាងជើងខ្លោងទ្វារវត្តសំរោងអណ្តែតប្រមាណ១០០ម៉ែត្រ ស្ថិតក្នុងសង្កាត់ភ្នំពេញថ្មីខណ្ឌសែនសុខ។
ប្រភពពត៏មាណពីកន្លែងកើតហេតុបានឲ្យដឹងថាមុនពេលកើតហេតុម៉ូតូឌ្រីមសេ១២៥ពណ៌ខ្មៅមួយគ្រឿងពាក់ស្លាកលេខភ្នំពេញ1BT-1461ជិះដោយបុរសស្រវឹងស្រាជោកជាំ២នាក់បានធ្វើដំណើរយ៉ាងលឿនតាមបណ្តោយផ្លូវភ្នំពេញហាណូយក្នុងទិសដៅពីជើងទៅត្បួងស្រាប់តែមកដល់ចំណុចកើតហេតុក៏ព្យាយាមបើកវ៉ារថយន្តមួយគ្រឿងនៅពីមុខក៏ជ្រុលចង្កូតទៅបុកម៉ូតូស្មាសវី ពណ៌ខ្មៅមួយគ្រឿងពាក់ស្លាកលេខភ្នំពេញ1CD-6804ជិះដោយប្តីប្រពន្ឋ២នាក់ដែលធ្វើដំណើរបញ្ច្រាស់ទិសគ្នាចំពីមុខពេញទំហឹង បណ្តាលឲ្យអ្នកបើកម៉ូតូឌ្រីមសេ១២៥នឹងស្ត្រីម្នាក់ទៀតដែលជិះពីក្រោយម៉ូតូស្មាសរងរបួសធ្ងន់ធ្ងរត្រូវបានរថយន្តសាមុយដឹកយកទៅសង្គ្រោះបន្ទាន់នៅគ្លីនិចឯកជនមួយ។ចំណែកមនុស្ស២នាក់ទៀតរងរបួសស្រាលដោយគ្រាន់តែរលាត់ដៃជើងតិចតួច។ក្រោយពេលកើតហេតុប៉ូលីសធ្វើការវាស់វែងយកម៉ូតូទាំង២គ្រឿងទៅរក្សាទុកនៅអធិការដ្ឋាននគរបាលខណ្ឌសែនសុខរងចាំការដោះស្រាយតាមផ្លូវច្បាប់៕
