កំពង់ធំ ៖ ហេតុការណ៍បង្ករឲ្យមានការភ្ញាក់ផ្អើលមួយ ដោយសារតែបុរស់ម្នាក់បានធ្វើអត្តឃាតចងករសម្លាប់ខ្លួនដោយក្តីហួសចិត្តក្នុងសភាពការស្លាប់របស់ជនរងគ្រោះ ជនរងគ្រោះត្រូវបានប្អូនប្រទះឃើញស្លាប់ទាំងបង្ខំចិត្ត សម្រេចផ្តាច់ជីវិតនិងធ្នឹមផ្ទះដែលមានកំពស់ ត្រឹមតែជាងមួយម៉ែត្រ កាលពីវេលាម៉ោង6,30នាទីព្រឹកថ្ងៃទី14ខែកក្ដដាឆ្នាំ2014 ស្ថិតនៅភូមិដីងឃុំបល្ល័ង្កស្រុកបារាយណ៍ខេត្តកំពង់ធំ៕
សាកសពជនរងគ្រោះត្រូវបានគេស្គាល់ឈ្មោះ យូ រដ្ឋា ហៅ ប៉ូច ភេទប្រុស បច្ចុប្បន្នរស់នៅក្នុងភូមិឃុំកើតហេតុ មានបងប្អូន៧នាក់ស្រី២នាក់ មានឪពុកឈ្មោះ ទេព ពៅ អាយុ ៦២ឆ្នាំ មានម្តាយឈ្មោះ ឡ ហឹម ប៊ុនលី អាយុ ៥៤ឆ្នាំ យោងតាមការរៀបរាប់របស់សាច់ ញាតិបងប្អូនបានបញ្ជាក់ថា ជនរងគ្រោះបានចាប់ចិត្តឌិតអារម្មណ៍ ដោយក្តីស្នេហ៍ផ្អែមល្ហែមជាមួយនឹងឈ្មោះឆាយគឹមជាថៅកែលក់សាច់ជ្រូកម្នាក់នៅក្នុង ផ្សារកំពង់ថ្ម ក្រោយពីចាប់ដៃគ្នាជាស្វាម៉ី ភរិយា ជាមួយនាងឆាយគឹមជាប្រពន្ឋអស់រយះ ជាច្រើនឆ្នាំ លុះបានបន្សល់នូវចំណងដៃអាពាហ៍ពិពាហ៍ កូនស្រី ២នាក់ ក្រោយមកភាពរកាំរកុះ និងភាពជូរចត់បានចូលមកលាយឡំក្នុងឆាក់ជីវិតរបស់បុរសកំសត់ស្នេហ៍ម្នាក់នេះ បានធ្វើឲ្យភាពផ្អែមល្ហែមរវាងស្នេហាមួយគូនេះ បានរលាយបាត់ទៅ ដោយសារតែមានអ្នកទី៣ ចូលមកច្រៀតជ្រែកក្នុងជម្រកស្នេហាត្រីកោណ បានធ្វើឲ្យគ្រួសារដែលធ្លាប់តែទទួលបាននូវសុភមង្គល់ ក៏ក្លាយទៅជាការបែងចែកផ្លូវដើរផ្សេងគ្នា ។ 
តាមប្រភពពត៌មានបន្ថែមបានឲ្យដឹងថា ក្រោយពីស្នេហាមួយគូរនេះចាប់ដៃគ្នាប្រឹងប្រែងរកស៊ី ដោយស្ទើរតែពុំមានពេលទំនេរ រហូតឈានដល់ការសាងសង់ផ្ទះ និងសម្ភារៈគ្រប់សព្វបែបយ៉ាង ដល់ទីបំផុតក៏ចែកផ្លូវគ្នាដោយស្មានមិនដល់ ។ចំណែកអ្នកនាង ឆាយគឹមបានក្លាយជាក្រមុំកូន២ខំប្រឹងតុបតែង សំអាងកាយ បង្ហាញសាច់សរខ្ចី បង្ហើរសម្រស់ក្រអូបសាយភាយទៅលើ មហាជនព្រមទាំងបានធ្វើឲ្យជាទីប៉ងប្រាថ្នារបស់បុរសទាំងឡាយទៅលើក្រមុំកូន២ ភ្លាមនោះក៏មានបុរសមានភ័ពសំណាងស្ម័គ្រចិត្តជាម្ចាស់បេះដូងក្រមុំកូន២ ហើយចំណងស្នេហ៍
បានចាប់ផ្តើម កសាងសុភមង្គល បណ្តោយឲ្យបុរសកំសត់ឈ្មោះ យូ រដ្ឋា ហៅ ប៉ូច ជាអតីតស្វាម៉ី រងទុក្ខក្រៀមក្រំព្រោះនិស័យស្នេហ៍មិនទៀងទាត់ បានចូលមកក្នុងដំណើរជីវិតរបស់គេ ពីមួយថ្ងៃទៅមួយថ្ងៃបានឃើញភាពល្អូកល្អឺនដែលបានបង្ហាញនៅចំពោះមុខជារៀងរាល់ថ្ងៃ ទើបកើតក្តីសៅហ្នង យកសុរាជាគ្នា ផឹក ដើម្បីបំភ្លេចស្នេហ៍ តែសុរាមិនអាចជួយអ្វីបានយូរអង្វែងនោះទេ ក្រោយពីស្វាងស្រាក៏ត្រូវទទួលភាពឈឺចាប់ ទើបបានព្យាយាមកំណត់ ព្រហ្នលិខិតត្រឹមតែប៉ុណ្ណេះ ដោយមុនពេលដាច់ចិត្តធ្វើអត្តឃាត ជនរងគ្រោះបានដើរនិយាយថា តូចចិត្តណាស់ៗ ចង់តែស្លាប់ ដោយទ្រាំពុំបានពេលឃើញ ប្រពន្ឋរបស់ខ្លួន បណ្តើរប្តីថ្មី ។
នៅយប់ថ្ងៃកើតហេតុ យូ រដ្ឋា ហៅ ប៉ូច បុរសកំសត់បាន ចុះមកបន្ទប់ខាងក្រោមផ្ទះ ដែលជាបន្ទប់សម្រាប់ដាក់ម៉ូតូ ហើយបានចងកនិងខ្សែអង្រឹងជាមួយ នឹងធ្នឹមផ្ទះដែលមានកំពស់ត្រឹមតែជាង១ម៉ែត្រ ប៉ុណ្ណោះ ទោះជាកំពស់មិនអាចឲ្យបុរសនេះស្លាប់បាន ក៏បុរសកំសត់ជាជនរងគ្រោះ ព្យាយាមអង្កុញជើង ឲ្យខ្លួនស្លាប់ ទីបំផុតស្លាប់ដូចបំណង ក្រោយប៉ូលិសប៉ុស្តិ៍ ឃុំបល្ល័ង្គ ព្រមទាំងលោកគ្រូពេទ្យដើម្បីធ្វើកោសល្យបច្ច័យបានឲ្យដឹងថា នៅលើដងខ្លួន ពុំមានស្នាកស្នាម ឬការតស៊ូនោះទេ ករណីស្លាប់នេះពិតជាចងករធ្វើអត្តឃាតដោយខ្លួនឯងម៉ែនហើយក៍បានប្រគល់សាកសពជន់រងគ្រោះឲ្យទៅឪពុកម្ដាយដើម្បីធ្វើបណ្យតាមប្រពៃណី៕ ដោយ អួង សុផាត
