កំពង់ចាមៈ នគរបាលការិយាល័យព្រហ្មកំរិតធ្ងន់របស់ស្នងការខេត្ត បានបញ្ជូនជនសង្ស័យចំនួន៤នាក់ទៅសាលាដំបូងនៅព្រឹកថ្ងៃទី១៥ ខែកក្កដា ឆ្នាំ២០១៤នេះហើយ ក្រោយពីបានស្រាវជ្រាវដឹងថា ជនសង្ស័យទាំង៤នាក់ជាប់ពាក់ព័ន្ធក្នុងករណីប្រើហឹង្សាដោយចេតនាលើជនរងគ្រោះម្នាក់ កាលពីថ្ងៃទី១១ ខែកក្កដា ឆ្នាំ២០១៤ ប្រព្រឹត្តនៅ ភូមិស្រែរំដួល ឃុំដងក្តា ស្រុកត្រង់ ខេត្តកំពង់ចាម។
តាមមន្ត្រីនគរបាលស្រុកស្ទឹងត្រង់បានឲ្យដឹងថា ជនសង្ស័យទាំង៤នាក់សុទ្ធតែជាបុរស ១ឈ្មោះ គង់ ស្រួច អាយុ២៦ឆ្នាំ.២ឈ្មោះ ហេន ហំ អាយុ២០ឆ្នាំ .៣ឈ្មោះ សាន់ និត អាយុ២៣ឆ្នាំ .៤ឈ្មោះ ឆាន់ ឆក អាយុ២១ឆ្នាំ អ្នកទាំង៤មានទីលំនៅភូមិស្រែរំដួល ឃុំដងក្តា ស្រុកស្ទឹងត្រង់ ខេត្តកំពង់ចាម។ 
មន្ត្រីនគរបាលបានឲ្យដឹងទៀតថា កាលពីថ្ងៃទី១១ ខែកក្កដា វេលាម៉ោង៨យប់ មានការផឹកស៊ី នៅផ្ទះឈ្មោះ ពៅ គា ក្នុងភូមិកើតហេតុ ។ហើយពេលនោះជនរងគ្រោះ ឈ្មោះ ខៃ វី ភេទប្រុស អាយុ២៥ឆ្នាំ ក៏នៅផឹកស៊ីជាមួយក្រុមជនសង្ស័យដែរ ប៉ុន្តែ ក្រោយពេលផឹកស្រាស្រវឹង ក៏កើតទំនាស់ពាក្សសំដី រវាងជនសង្ស័យ និងជនល្មើស រហូតឈានដល់ ក្រុមជនសង្ស័យ បានយកកាំបិតចុងស្រួចចាក់ទៅលើជនរងគ្រោះ បានបណ្តាលឲ្យរងរបួសធ្លាយពោះវៀន ដឹកយកទៅសង្គ្រោះនៅមន្ទីរពេទ្យ។ចំណែកក្រុមជនល្មើស បានរត់គេចខ្លួន ក្រោយពេលកើតហេតុ ។
លុះរហូតដល់ថ្ងៃទី១២ ខែកក្កដា ទើបកម្លាំងនគរបាលនៃអធិកាដ្ឋានស្រុកស្ទឹងត្រង់ បានស្រាវជ្រាវ និងឃាត់ខ្លួនជនសង្ស័យបាន៤នាក់ដែលមានឈ្មោះដូចខាងលើកសាងសំណុំរឿងបញ្ជូនទៅសាលាដំបូងខេត្តកំពង់ចាម ចាត់ការទៅតាមនិតិវិធី៕
