អ៊ីស្រាអ៊ែល កាលពីថ្ងៃទី១៥ខែកក្កដា អ៊ីស្រាអ៊ែលបានប្រកាស់ថានឹងរៀបចំឲ្យមានបទឈប់បាញ់យូរអង្វែងនៅកាហ្សា តាមសំណើររបស់អេហ្ស៊ីប។ ប៉ុន្តែក្រុមឧទ្ទាមហាមាស់ប្រកាស់ជាមុនច្រានចោលរាល់គម្រោងបង្កើតកិច្ចព្រមព្រៀងឈប់បាញ់ សារព័ត៌មានAFPបានផ្សព្វផ្សាយថា កាលពីយប់ថ្ងៃទី១៤ខែកក្កដា រដ្ឋាភិបាលអេហ្ស៊ីបបានស្នើដល់អ៊ីស្រាអ៊ែលឈានទៅរកបទឈប់បាញ់ជាមួយក្រុមហាមាស់ ដែលចាប់ផ្តើមនៅព្រឹកថ្ងៃទី១៥ខែកក្កដា ។ រដ្ឋាភិបាលទីក្រុងកៃរ៉ូបានត្រៀមលក្ខណៈរៀបចំឲ្យមានជំនួបរវាងតំណាងអ៊ីស្រាអែលនិងប៉ាលេស្ទីនដោះស្រាយវិបត្តិខាងលើ។ ប៉ុន្តែអ្នកនាំពាក្យក្រុមហាមាស់ លោកFawzi Barhum បានបញ្ចាក់ថាក្រុមរបស់ខ្លួននិងមិនទទួលយកបទឈប់បាញ់នោះឡើយ ប្រសិនបើគ្មានកិច្ចព្រមព្រៀងបញ្ចប់សកម្មភាពចងកំនុំរបស់អ៊ីស្រាអែលនោះ។
ក្រុមហាមាស់ចងឲ្យអ៊ីស្រាអែលដោះលេងអ្នកទោសប៉ាលេស្ទីនដើម្បីដោះដូរយកសន្តិភាព ។ កន្លងមកអាមេរិកក៏បានប្រមានអ៊ីស្រាអែលថា មិនត្រូវដាក់ពង្រាយទាហានវាយប្រហារកាហ្សានោះឡើយ។ អ្នកនាំពាក្យសេត្តវិមានអាមេរិកលោកJosh Earnest បញ្ចាក់ថា«គ្មាននណាម្នាក់ចង់មើលឃើញការវាយប្រហាររបស់អ៊ីស្រាអែលនោះឡើយដោយវាអាចគម្រាមកំហែងដល់អាយុជីវិតពលរដ្ឋស្លូតត្រងជាច្រើន។ ប៉ុន្តែ អ៊ីស្រាអែលនៅតែបន្តធ្វើការវាយប្រហារតាមផ្លូវអាកាសទៅលើទឹកដី ហ្កាហ្សារបស់ប៉ាឡេស្ទីន បើទោះបីជាមានការអំពាវនាវពីសហគមន៍អន្តរជាតិឲ្យមានបទឈប់បាញ់។
លោកហ្វ្រង់ស័រ ហូឡង់ ប្រធានាធិបតីបារាំងបានលើកឡើងថា អ៊ីស្រាអែលមានសិទ្ធិការពារខ្លួនក៏ប៉ុន្តែក៏ត្រូវបង្ហាញនូវភាព អត់ធ្មត់ជាអតិបរមាផងដែរ។ មន្ត្រីជាន់ខ្ពស់អ៊ីស្រាអែលបានអះអាងថា នៅពេលនេះ អ៊ីស្រាអ៊ែលមិនទាន់ចង់និយាយដល់បទឈប់បាញ់នៅឡើយទេ ពីព្រោះ អ៊ីស្រាអែលចង់វាយកម្ទេចរចនាសម្ព័ន្ធយោធារបស់ក្រុមហាម៉ាស់ជាមុនសិន ដើម្បីចៀសវាងកុំពួកគេអាចធ្វើការបាញ់ផ្លោងរ៉ុកកែតលើអ៊ីស្រាអែល សាជាថ្មីទៀតនៅថ្ងៃខាងមុខ។
រដ្ឋមន្ត្រីក្រសួងហិរញ្ញវត្ថុអ៊ីស្រាអែល បានលើកឡើងថា នៅពេលណាដែលអ៊ីស្រាអែលអាចសម្រេចបានគោលដៅនេះហើយ ទើបអ៊ីស្រាអែលនិយាយដល់ការចរចាឈប់បាញ់។ ក៏ប៉ុន្តែ បើតាមការផ្សាយរបស់វិទ្យុអ៊ីស្រាអែល គណៈរដ្ឋមន្ត្រីអ៊ីស្រាអែល ដែលជួបប្រជុំគ្នា កាលពីយប់ថ្ងៃអាទិត្យ មិនបានសម្រេចបើកប្រតិបត្តិការជើងគោកវាយលុកចូលក្នុងទឹកដីហ្កាហ្សា នៅឡើយទេ។ គួរបញ្ជាក់ថា លោកបាន គីមូន អគ្គលេខាធិការអ.ស.ប បានអំពាវនាវដោយទទូចឲ្យអ៊ីស្រាអែលលុបចោលផែនការបើកប្រតិបត្តិការ ជើងគោកនៅហ្កាហ្សា ដែលអាចនឹងបង្កការខូចខាតធ្ងន់ធ្ងរដល់ប្រជាជនប៉ាឡេស្ទីន។ លោកបានបន្ថែមថា នៅពេលនេះ ប្រជាជនស៊ីវិលប៉ាឡេស្ទីនច្រើនពេកហើយ ដែលត្រូវបាត់បង់ជីវិត។ លោក ហ្វ្រង់ស័រ ហូឡង់ ប្រធានាធិបតីបារាំង ក៏បានអំពាវនាវដែរឲ្យមានបទឈប់បាញ់ជាបន្ទាន់មួយ នៅដើមបូព៌ានេះ។
នៅក្នុងបទសម្ភាសន៍ ក្នុងឱកាសបុណ្យឯករាជ្យជាតិបារាំង នៅថ្ងៃចន្ទ ១៤កក្កដា លោកហ្វ្រង់ស័រ ហូឡង់ បានលើកឡើងថា អ៊ីស្រាអែលមានសិទ្ធិការពារខ្លួន ប្រសិនបើអ៊ីស្រាអែលទទួលរងការវាយប្រហារ ក៏ប៉ុន្តែ ក្នុងពេលជាមួយគ្នា អ៊ីស្រាអែលក៏ត្រូវតែប្រកាន់នូវភាពអត់ធ្មត់ជាអតិបរមាផងដែរ។ លោកម៉ះមូដ អាបាស់ ប្រធានអាជ្ញាធរប៉ាឡេស្ទីនបានឲ្យដឹងថា លោកបានស្នើសុំឲ្យលោកបាន គីមូន ដាក់ប៉ាឡេស្ទីនក្រោមកិច្ចការពារអន្តរជាតិ ក្នុងក្របខ័ណ្ឌ អ.ស.ប ដើម្បីដោះស្រាយជម្លោះ នៅតំបន់ហ្កាហ្សា។
ការវាយប្រហាររបស់អ៊ីស្រាអែលទៅលើកាហ្សាធ្វើឲ្យពលរដ្ឋប៉ាឡេស្ទីនរាប់ពាន់នាក់រត់ភៀសខ្លួនទៅកាន់តំបន់សុវត្ថិភាព។ តាមតួលេខរបស់អង្គការសហប្រជាជាតិ មកទលពេលនេះមានពលរដ្ឋដល់ទៅ១៧ពាន់នាក់ បានភៀសខ្លួនក្នុងពេលអ៊ីស្រាអែលវាយប្រហារឈានចូលថ្ងៃទី៦ហើយនោះ។ អ ស ប ក៏បានអំពាវនាវឲ្យមានបទឈប់បាញ់ដើម្បីពិភាក្សាស្វែងរកសន្តិភាពយូអង្វែងចៀសវាងហេតុការបែបនេះកើតឡើងដដែល។ ចាប់តាំងពីអ៊ីស្រាអែលបើកប្រតិបត្តិការយោធាលើតំបន់ហ្កាហ្សាមក មានជនស៊ីវិលយ៉ាងតិច ១៣០នាក់ហើយ ដែលត្រូវបាត់បង់ជីវិត ក្នុងនោះ មានស្ត្រី ២៦នាក់ និងកុមារ ៣៥នាក់ ចំណែកអ្នករងរបួសកើនឡើងដល់១២៦០នាក់ ។ លោក Chris Gunness អ្នកនាំពាក្យ អង្គការផ្តាល់ជំនួយមនុស្សធម៌ពិភពលោកបានឲ្យដឹងថា អង្គការនេះបានខិតខំកន្កើនកម្លែងភៀសខ្លួនពី១មឺនឡើងដល់២មឺនកន្លែងសម្រាប់បំពេញតម្រូវការពលរដ្ឋដែលភៀសខ្លួនកាន់តែច្រើនឡើងពីមួយថ្ងៃទៅមួយថ្ងៃ។ កម្លាំងទាហានអ៊ែស្រាអែលបានឲ្យដឹងថា មកទល់ពេលនេះពួកគេបានវាយប្រហារទៅលើទីតាំងដែលជាកម្លែងលាក់ខ្លួនរបស់ក្រុមភេរវករប្រមាណ១៣២០កម្លែងនៅតំបន់កាហ្សា។ ក្នុងពេលនេះដែរក្រុមហាម៉ាស់ក៏បានបាញ់រ៉ុកកែតជាង៨០០ដើមចូលទឹកដីអ៊ីស្រាអែលផងដែរ។ នៅក្នុងសេចក្ដីសម្រេចជាឯកច្ឆន្ទសមាជិកក្រុមប្រឹក្សាសន្ដិសុខអង្គការ សហប្រជាជាតិទាំង១៥រូបបានអំពាវ នាវឱ្យបញ្ឈប់ជាបន្ទាន់អំពើហិង្សាដែល សម្លាប់មនុស្សរាប់រយនាក់ ព្រមទាំង ជំរុញឱ្យស្ថានការណ៍នៅទីនោះវិលទៅ រកកិច្ចព្រមព្រៀងឈប់បាញ់ដូចកាលពី ខែវិច្ឆិកា ឆ្នាំ២០១២។ ជាមួយគ្នានេះ ក្រុមប្រឹក្សាសន្ដិសុខក៏បានសម្ដែងការ ព្រួយបារម្ភចំពោះទៅដល់ការការពារ អាយុជីវិតជនស៊ីវិល និងទ្រព្យសម្បត្ដិ របស់ពលរដ្ឋពីភាគីទាំងពីរផងដែរ ។ អ៊ីស្រាអែលបានបាញ់ប្រហារក្នុង សកម្មភាពដែលបានលើកឡើងថា ជា ប្រតិបត្ដិការការពារខ្លួនតាំងពីថ្ងៃអង្គារ សបា្ដហ៍មុនមកម្ល៉េះក្នុងបំណងបញ្ឈប់ ការបាញ់រ៉ុក្កែតឆ្លងកាត់ចូលតំបន់ ព្រំដែនពី កម្លាំងក្រុមឧទ្ទាម ។ នៅខណៈនេះដែរក្រុមឧទ្ទាមនៅតំបន់ ហ្គាហ្សាបានបាញ់រ៉ុក្កែតប្រមាណ៥២៥ គ្រាប់ចូលទៅកាន់ទឹកដីអ៊ីស្រាអែល ប៉ុន្ដែ ពុំមានសេចក្ដីរាយការណ៍ថាបណ្ដាលឱ្យបាត់ បង់ជីវិតជនអ៊ីស្រាអែលនោះឡើយ ។ មន្ដ្រីយោធាអ៊ីស្រាអែលបានថ្លែងថា គ្រាប់រ៉ុក្កែតប្រមាណ១៣៨ដើមត្រូវប្រព័ន្ធ កាំជ្រួចមីស៊ីលការពារ Iron Dome ស្ទាក់ចាប់បាន ហើយបំផ្លាញចោល ៕
