ប៉ាទីកាៈ យ៉ាងហោចណាស់មនុស្ស៨៩នាក់បានស្លាប់ និងរាប់សិបនាក់ទៀតបានរងរបួសដោយសារការបំផ្ទុះគ្រាប់បែកដាក់ក្នុងរថយន្តនៅអាហ្វហ្គានីស្ថានកាលពីថ្ងៃអង្គារ ទី១៥ ខែកក្កដា ឆ្នាំ២០១៤។ បើតាមតួលេខនៃការស្លាប់ដោយសារការដាក់គ្រាប់បែកក្នុងរថយន្តនេះចាប់ពីឆ្នាំ២០០៩មកដល់ឆ្នាំ២០១៤ ទង្វើនេះបានសម្លាប់មនុស្សជាង១ពាន់នាក់រាល់ឆ្នាំ។ តាមវេបសាយបរទេសឆាយណាដេលី កាលពីថ្ងៃអង្គារ ការដាក់គ្រាប់បែកបំផ្ទុះក្នុងរថយន្ត បាន់កើតឡើង២លើក នៅទីផ្សារនៃខេត្តប៉ាទីកា ប្រទេសអាហ្វហ្គានីស្ថាន បានសម្លប់មនុស្ស ៨៩នាក់ និងជាច្រើននាក់បានរងរបួស។ នេះបើតាមមន្ត្រីប៉ូលិសបានឲ្យដឹង។ លោក Nissar Ahmad Abdulrahimzai អនុប្រធានប៉ូលិសក្នុងស្រុក បាននិយាយថា ពេលនេះ ប៉ូលិសបានស្ថិតនៅមន្ទីរពេទ្យ ពិនិត្យមើលអ្នករងរបួស។
ការវាយប្រហារនៅមិនឆ្ងាយប៉ុន្មាន ពីតំបន់វ៉ារីស្ថាន នាព្រំដែនខាងជើងប៉ាគីស្ថាន ហើយកំណើននៃការវាយប្រហាររបស់ពួក តាលីបង់បានបង្កហិង្សាជាច្រើនកន្លែង។ ខាងក្រោមនេះជាតួលេខនៃជនស៊ីវិលបានស្លាប់ និងរបួស ចាប់ពីខែមករា ដល់មករា (២០០៩-២០១៤) Civilian Deaths and Injuries January – June (2009-2014) ដោយឆ្នាំ២០០៩មានជនស៊ីវិលស្លាប់១០៥២ នាក់ របួស១៤៣៩នាក់។
ឆ្នាំ២០១០មានជនស៊ីវិលស្លាប់១២៨១ នាក់ របួស១៩៩០នាក់ឆ្នាំ២០១១មានជនស៊ីវិលស្លាប់១៥៧៥ នាក់ របួស២៣៤១នាក់ ឆ្នាំ២០១២មានជនស៊ីវិលស្លាប់១១៥៩នាក់ របួស១៩៧៩នាក់ ឆ្នាំ២០១៣មានជនស៊ីវិលស្លាប់១៣៤២នាក់ របួស២៥៧៧នាក់ និងឆ្នាំ២០១៤គិតត្រឹមពេលនេះមានជនស៊ីវិលស្លាប់១៥៦៤នាក់ របួស៣២៤៩នាក់ នេះបើយោងតាប្រភព Source: UNAMA ៕
