រុស្ស៊ី កាលពីថ្ងៃទី១៥ ខែកក្កដា មានហេតុ ការណ៍គ្រោះថ្នាក់ដ៏រន្ធត់មួយកើតឡើង នៅទីក្រុងមូស្គូ ប្រទេសរុស្ស៊ី ខណៈដែល ទូរថភ្លើងចំនួន៣ធ្លាក់ចង់ចេញពីផ្លូវដែក បណ្ដាលឱ្យមានអ្នកដំណើរ២២នាក់ស្លាប់ និង១៤០នាក់រងរបួស ។ ហេតុការណ៍ គ្រោះថ្នាក់កើតឡើងនៅវេលាម៉ោង៨ ព្រឹក ថ្ងៃទី១៥ ខែកក្កដា ម៉ោងនៅក្នុងទី ក្រុងមូស្គូ ចំពេលដែលមមាញឹកបំផុត។ ក្រោយហេតុការណ៍គ្រោះថ្នាក់កើត ឡើង ក្រុមជួយសង្គ្រោះក៏បានទៅដល់ កន្លែងកើតហេតុភ្លាមៗ និងជួយសង្គ្រោះ អ្នករងរបួស ។ ក្រុមជួយសង្គ្រោះជាង ៤០នាក់ផ្សេងគ្នា រួមទាំងឧទ្ធម្ភាគចក្រ៨ គ្រឿង រថយន្ដដឹកជនរងគ្រោះ៦៨គ្រឿង សម្រាប់ដឹកជនរងគ្រោះទៅកាន់មន្ទីរ ពេទ្យ ។ មន្ទីរសុខាភិបាលទីក្រុងមូស្គូបានឱ្យ ដឹងថា មកទល់ពេលនេះមានអ្នកស្លាប់ ២២នាក់ និង១៦០នាក់កំពុងតែសម្រាក ព្យាបាល ក្នុងនោះមាន៥០នាក់ស្ថិតក្នុង សភាពធ្ងន់បំផុត ។
តាមរបាយការណ៍ជាបឋម មូល ហេតុបណ្ដាលឱ្យមានគ្រោះថ្នាក់ខាងលើ កើតឡើងអាចបណ្ដាលមកពីឆ្លងចរន្ដ អគ្គិសនី ប៉ុន្ដែព័ត៌មាននេះត្រូវបានក្រុម ស្រាវជ្រាវរបស់រុស្ស៊ីច្រានចោល ហើយ មូលហេតុពិតកំពុងតែបើកការស្រាវ ជ្រាវ ។
នេះជាគ្រោះថ្នាក់ទ្រង់ទ្រាយធំបំផុត មិនធ្លាប់មាននៅក្នុងប្រទេសរុស្ស៊ីពាក់ ព័ន្ធនឹងចរាចរផ្លូវដែក ។ ផ្លូវរថភ្លើង ក្រោមដែលជួបគ្រោះថ្នាក់បានសាងសង់ ឡើងកាលពី១០ឆ្នាំមុន ។ ពលរដ្ឋរុស្ស៊ីមួយចំនួនធំបានចោទ ប្រកាន់រដ្ឋាភិបាលទីក្រុងមូស្គូចំណាយ ប្រាក់ច្រើនទៅលើប្រព័ន្ធផ្លូវដែក ប៉ុន្ដែ មិនបានចំណាយប្រាក់ទៅលើសកម្មភាព ថែរក្សា ជួសជុល ទើបធ្វើឱ្យផ្លូវមួយ ចំនួនមានសភាពទ្រុឌទ្រោមបង្កឱ្យមាន គ្រោះថ្នាក់កើតឡើង
