ខេត្តកំពង់ស្ពឺ៖ តាមសេចក្តីរាយការណ៍ពីមន្ត្រីនៃមន្ទីរផែនការខេត្តកំពង់ស្ពឺបានឲ្យដឹងថាអំពើពុករលួយដែលបានកើតមានឡើងដ៍ធ្ងន់ធ្ងរនៅក្នុងមន្ទីរមួយនេះអស់រយៈពេលជាច្រើនឆ្នាំមកនោះគឺមានការពាក់ព័ន្ធនិងមន្ត្រីសំខាន់ៗនៅក្នុងក្រសួងផែនការ ដែលជាអ្នកនៅពីក្រោយខ្នងលោកប្រធានមន្ទីរ ឈឹម សំអាត និងលោកអនុប្រធានមន្ទីរ យ៉ែម ឆន ដែលអតីតជាប្រធានការិយាល័យរដ្ឋបាលនិងគណនេយ្យ។
តាមប្រភពដដែលបានបញ្ជាក់ថា ក្រោយពីបណ្តាញព័ត៌មានបានធ្វើការលាតត្រដាងអំពីរឿងអាស្រូវពុករលួយកឹបកេងថវិការជាតិនិងកឹបកេងប្រាក់ផលប្រយោជន៍របស់មន្ត្រីថ្នាក់ក្រោមពីសំណាក់លោកប្រធានមន្ទីរ ឈឹម សំអាត និងលោក យ៉ែម ឆន ជាបន្តបន្ទាប់នោះ បានធ្វើឲ្យលោកប្រធានមន្ទីរខឹងឆេះដុំស្វែងរកមុខអ្នកទំលាយអាថ៌កំបាំងរបស់ខ្លួននិងបក្ខពួកចេញមកក្រៅ ទន្ទឹមគ្នានោះលោកប្រធានមន្ទីរក៍បានកោះប្រជុំផ្ទៃក្នុងនិងសម្របសម្រួលលួងចិត្តមន្ត្រីថ្នាក់ក្រោមកុំឲ្យមានការថ្នាំងថ្នាក់ជាមួយខ្លួន ហើយលោកប្រធានមន្ទីរក៍បានព្រមានទៅដល់មន្ត្រីថ្នាក់ក្រោមកុំឲ្យយករឿងអាស្រូវពុករលួយទំលាយចេញមកក្រៅតទៅទៀត រួចក៍មានបើកកម្មវិធីពិសាគោដុតនៅពេលល្ងាចផងដែរ។ សម្រាប់ថ្នាក់ដឹកនាំក្រសួងផែនការ ក្រោយពីរឿងអាស្រូវនៅមន្ទីរផែនការខេត្តកំពង់ស្ពឺបានផ្ទុះចេញឡើងនោះគឺពួកគាត់ពុំបានចាត់វិធានការស៊ើបអង្កេតណ៍ករណីនេះទេ។
បញ្ហានេះត្រូវបានមន្ត្រីថ្នាក់ក្រោមសម្តែងការសង្ស័យថាការប្រព្រឹត្តអំពើពុករលួយគឺមានការចូលរួមពីមន្ត្រីសំខាន់ៗរបស់ក្រសួងផែនការជាពិសេសគឺលោកអគាធិការនិងប្រធាននាយកដ្ឋានសវនកម្មផ្ទៃក្នុង ព្រោះកន្លងមកគេតែងតែឃើញក្រុមការងារអគារធិការដ្ឋាននិងក្រុមការងាររបស់នាយកដ្ឋានសវនកម្មផ្ទៃក្នុងតែងតែចុះត្រួតពិនិត្យការងារនៅមន្ទីរផែនការខេត្តកំពង់ស្ពឺ ប៉ុន្តែពួកគែពុំដេលរកឃើញនូវកំហុសនិងអំពើពុករលួយដែលកើតមានឡើងជាច្រើនឆ្នាំនៅមន្ទីរមួយនេះទេ។
ខណៈពេលលោកប្រធានមន្ទីរ ឈឹម សំអាត ជិតដល់ពេលចូលនិវត្តន៍នៅក្នុងអំឡុងពេល១០ខែខាងមុខនោះប្រធានមន្ទីរមួយនេះកំពុងតែត្រៀមលើកស្ទួយលោកអនុប្រធានមន្ទីរ យ៉ែម ឆន ដែលជាដៃស្តាំរបស់គាត់និងជាអ្នកចូលរួមក្នុងការប្រព្រឹត្តអំពើពុករលួយយ៉ាងសំខាន់ជាមួយរូបគាត់ដើម្បីស្នងតំណែងប្រធានមន្ទីរពីរូបគាត់នៅពេលចូលនិវត្តន៍ជាផលប្រយោជន៍ក្នុងបំណងឲ្យលោក យ៉ែម ឆន ជួយលើកស្ទួយកូនប្រសារប្រុសរបស់ខ្លួនឈ្មោះ ហាក់ ចិត្រា និងកូនស្រីបង្កើតឈ្មោះ ឈឹម ស្រីទូច នៅពេលរូបគាត់តើចូលនិវត្តន៍។
សូមរំលឹកថាអំពើពុករលួយនៅក្នុងមន្ទីរផែនការខេត្តកំពង់ស្ពឺក្នុង១ឆ្នាំៗបានធ្វើអោយបាត់បង់ថវិការ ជាតិរាប់សិបលានរៀលដោយសារអំពើរពុករលួយ តាមរយះនៃការបំប៉ោងតួលេខនៃការចំណាយនានា ទាំងប្រាក់បុរេប្រទាន ប្រាបក់ទូទាត់ត្រង់ ប្រាក់លទ្ធកម្ម ប្រាក់ស្ទើរគ្រប់ចំណុចក្រៅពីប្រាក់ខែមន្ត្រីរាជាការគឺត្រូវបានគេកិបកេងក្នុងខ្ទង់និមួយៗ អស់ យ៉ាងច្រើនសន្ធឹកសន្ធាប។ ចំណែកប្រាក់លទ្ធកម្មទោះប្បីការទិញសំភារះ ការសាងសង ជួសជុលស្ថិតនៅក្រោមការដេញថ្លៃ ក៏ពិតមែន ប៉ុន្តែអំពើកពុករលួយគឺបានកើតមានដដែរ តាមរយះការឃុបខិតគ្នាជាមួយក្រុមហ៊ុនដែរទទួលបានសិទ្ធិផ្គត់ផ្គង់ តាមរយះការចែកភាគរយគ្នា ព្រោះមន្ទីរដែរជាអ្នកទទួលសំភារះ រឺសមទ្ធិផលជាអ្នកលើកគម្រោងស្នើរសុំក្នុងការចំណាយ ។
ជាក់ស្តែង នៅឆ្នាំ២០១៣កន្លងទៅ គឺពួកគេបាន លេបត្របាក់ប្រាក់ចំណាយ ទូទាត់សោហ៊ុយ ក្នុងប្រទេស(បេសកកម្ម) ប្រាក់មន្ត្រីមានជំងឺ និងឧបត្ថម្ភអ្នកសម្រាលកូន ប្រេងឥន្ធនៈ ប្រាក់ចំណាយផ្គត់ផ្គង់សម្ភារៈរដ្ឋបាល ប្រាក់ជួសជុលអាគារ ប្រាក់ធ្វើផ្លូវបេតុងចូលមន្ទីរ ប្រាក់សម្ភារៈ និងបរិក្ខារួមនិងប្រាក់ទិញសង្ហារឹមជាដើម។ ទោះប្បីការទិញ សំភារះរឺជួសជុល ថែទាំអគារ និងធ្វើផ្លូវបេតុងស្ថិតនៅក្រោមការដេញថ្លៃតាមបែបលទ្ធកម្មក៏ដោយ ក៏ពួកគេនៅតែទទួលផល ប្រយោជន៏ពីការចំណាយនោះដែរ។ អំពើពុករលួយដោយលោក ឈឹម សំអាត គឺមានការចូលរួមពីសំណាក់ លោក យ៉ែម ឆន អនុប្រធានមន្ទីរអតីត ជាប្រធានការិយាល័យរដ្ឋបាលនិងគណនេយ្យ រួមនិងបក្ខពួកមួយចំនួនតូច។
ហើយប្រាក់ដែរគេបាននាំគ្នាឃុបឃិត និងកិបកេងទាំងនោះគឺប្រាក់ សម្រាប់ជួសជុលអាគារនៅឆ្នាំ២០១៣ ដែលមានចំនួន ១៨៧លាន២សែនរៀល ប៉ុន្តែបើតាមសភាពជាក់ ស្តែង អគារនោះគឺចំណាយអស់ទឹកប្រាក់មិនលើសពី៤០លានរៀល តែដោយមានកឃុបឃិបគ្នាជាមួយមន្ត្រីពាក់ព័ន្ធ និងដេញថ្លៃ តាមរបៀបចងមុងនោះគឺបានចំណាយអស់ទឹកប្រាក់រហូតដល់១៨៧លាន២សែនរៀលដែលធ្វើអោយរដ្ឋខាតបង់ទឹកប្រាក់ដ៏ច្រើសសន្ធឹកសន្ធាប់ដោយសារអំពើរពុករលួយទៅវិញ។
សម្រាប់ការចំណាយលើប្រាក់ចំណាយសោហ៊ុយទូទាត់ ក្នុងប្រទេស (បេសកកម្ម) មានចំនួន ២៩,៣៥៤,០០០រៀល ប៉ុន្តែសភាពជាក់ស្តែងមន្ត្រីដែលចុះ បេសកកម្មមួយចំនួនតូចបានទទួលប្រាក់នេះបន្តិចបន្តួច ចំណែកមួយចំនួនធំទៀតគឺមិនត្រូវបានគេបើកប្រាក់នេះឲ្យទេ ដោយមានបញ្ហាបែបនេះធ្វើឲ្យមន្ត្រី ជាច្រើនដែលបានចុះបេសកកម្មទៅមូលដ្ឋាន ឬទៅសិក្ខាសាលា នៅទីកន្លែងផ្សេងៗ ហើយមានពេលខ្លះយក លិខិតបញ្ជាក់បេសកកម្ម មកជូនមន្ទីរខ្លះ និងបោះចោលខ្លះ ព្រោះថា យកលិខិតបញ្ជាក់ នោះមកគ្រប់ចំនួនក៍គេមិនបើកប្រាក់បេសកកម្មនោះឲ្យដែរគឺគេស៊ីដាច់ ។
ចំណែកប្រាក់មន្ត្រី មានជម្ងឺនិងឧបត្ថម្ភអ្នកសម្រាលកូននៅឆ្នាំ២០១៣ មានចំនួន ១៨,៨៤៩,០០០រៀល ប្រាក់នេះត្រូវ បានគេស៊ីដាច់ស្ទើរទាំងស្រុង ប៉ុន្តែជាក់ស្តែងមន្ត្រីដែលមានជម្ងឺពិតប្រាកដដែលទទួលបានការ ឧបត្ថម្ភគឺមិនលើសពី៤នាក់ក្នុងចំណោមមន្ត្រីជាង៣០នាក់នៅក្នុងមន្ទីរ ហើយអ្នកដែលទទួលបាន ការឧបត្ថម្ភនោះមានចំនួនយ៉ាងច្រើន៤០ម៉ឺនរៀលក្នុងមួយនាក់ ។ សម្រាប់ប្រេងឥន្ធនៈ និងប្រេងរំអិលឆ្នាំ២០១៣ មន្ទីរបានចំណាយប្រាក់អស់ ៣៦,៣៦០,២០០ រៀល ប៉ុន្តែរបបប្រេងនេះ គឺត្រូវបានគេស៊ីដាច់យ៉ាងតិច៧០% ព្រោះថា នៅពេលមន្ត្រីចុះ បេសកកម្មម្តងៗគេផ្តល់ឲ្យពី៥លីត្រ ទៅ១០លីត្រ ពេលខ្លះគេមិនឲ្យទៀតផង ។
សម្រាប់ការទិញសង្ហារឹមនៅឆ្នាំ២០១៣ គឺគេបាន ចំណាយអស់ទឹកប្រាក់ចំនួន៣៣,៨៩២,០០០ រៀល ប៉ុន្តែធាតុពិតគេមិនបានទិញនោះទេ សង្ហារឹមដែលទទួលបានគឺក្រសួងជាអ្នកឧបត្ថម្ភទៅវិញ មិនមែនជាថវិការបស់មន្ទីរទេ ហើយ ថវិការបស់មន្ទីរត្រូវបានគេស៊ីដាច់ ។ សម្រាប់ សម្ភារៈផ្គត់ផ្គង់ផ្នែករដ្ឋបាលនៅឆ្នាំ២០១៣ បានចំណាយអស់ទឹកប្រាក់ចំនួន ៤៣,៧៤៣,៥០០ រៀល ប៉ុន្តែមន្ទីរមួយនេះ សូម្បីតែក្រដាស់ ប៊ិច សៀវភៅ ក៍ពុំសូវមានសម្រាប់ចែកជូនមន្ត្រីនោះដែរ មន្ត្រីខ្លះត្រូវចំណាយប្រាក់ទិញខ្លួនឯង។
សូមបញ្ជាក់ថានៅមន្ទីរផែនការខេត្តកំពង់ស្ពឺនៅឆ្នាំ២០១៣ បានចំណាយថវិការសរុប អស់ចំនួន ៦៨៦,៤៤០,៩៦០រៀល ដោយក្នុងនោះចំណាយនៅក្នុងជំពូក៦០ អស់ចំនួន ២២១,៣៧៤,០២០រៀល ចំណាយលើចំពូក៦១ អស់ចំនួន ២០៩,៤០០,០០០រៀល ចំណាយលើជំពូក៦២ អស់ចំនួន៤០,៣៧០,៨០០រៀល ចំណាយលើជំពូក៦៤ អស់ចំនួន ២១៥,២៩៦,១៤០រៀល ។ បើនិយាយអំពីការចំណាយប្រាក់ប្រកប ដោយអំពើពុករលួយ នៅក្នុងមន្ទីរផែនការជាច្រើនឆ្នាំមកនេះ គឺមានចំនួនច្រើនឥតគណនា ចាំតាមដាននៅវគ្គក្រោយ ។
