ឧត្តរមានជ័យៈ សមត្ថកិច្ចចំរុះឃាត់រថយន្តកូរ៉េមួយគ្រឿងកំពុងដឹកឈើអនាធិបតេយ្យចូលដេប៉ូ ប្រគល់អោយជំនាញយកទៅរក្សាទុកនៅសង្កាត់រដ្ឋបាលព្រៃឈើនៃស្រុកអន្លង់វែង ខេត្តឧត្តរមានជ័យតែមិនដឹងមានចំណាត់ការយ៉ាងណា នេះកុំតែបានសមត្ថកិច្ចឃាត់ចាប់ ទុកឲ្យនោះ ប្រហែលជាឈ្មួញឈើដឹកដោយរលូន ពុំមានការរំខានដល់លោក នាយផ្នែករដ្ឋបាលព្រៃឈើអន្លង់វែង ព្រោះបច្ចប្បន្នជាប់ត្រគៀកងាកមិនរួចនោះទេ ។
តាមប្រភពពត៌មានបានអោយដឹងថា ដេប៉ូមួយកន្លែងរបស់ឈ្មោះ អ៊ុត សីវសិទ្ធស័ក្ខ ស្ថិតក្នុងភូមិថ្នល់កែង ឃុំអន្លង់វែង ស្រុកអន្លង់វែង កំពុងធ្វើសកម្មភាពដឹកជញ្ជូនឈើចេញពីប្រភពមិនស្របច្បាប់ ហើយសកម្មភាពខាងលើនេះបានដំណើរការអស់រយៈពេលជិត១០ឆ្នាំមកហើយ មិនឃើញមន្ត្រីជំនាញណាចាត់វិធានការណ៍បង្ក្រាបនោះទេ បើទោះបីជាកម្លាំងចំរុះរាយការណ៍ជូនមន្ត្រីជំនាញសង្កាត់និងផ្នែករដ្ខបាលព្រៃឈើក៍មិនចំណាត់ការដែរ។
ជាក់ស្តែងកាលពីវេលាល្ងាចថ្ងៃទី ១២ ខែកក្កដា ឆ្នាំ២០១៤ កម្លាំងចំរុះបានឃាត់រថយន្តកូរ៉េដឹកឈើមួយគ្រឿង ពណ៌ខៀវ ពាក់ស្លាកលេខ ភ្នំពេញ 2A-0330 នៅចំណុចភូមិស្រះឈូក ឃុំត្រពាំងប្រិយ៍ ស្រុកអន្លង់វែង ដែលកំពុងធ្វើសកម្មភាពតាមផ្លូវយុទ្ធសាស្ត្រ នៃបន្ទាត់ព្រំដែន ចេញពីព្រៃសហគមន៍ស្រុកត្រពាំងប្រាសាទចូលមកក្នុងស្រុកអន្លង់វែង ។ ក្នុងហេតុការណ៍នេះដែរ កម្លាំងចំរុះបានរាយការណ៍ជូនលោក ឃុន ប៊ុនហេង នាយផ្នែករដ្ឋបាលព្រៃឈើ និងលោក ខន ខែម នាយសង្កាត់រដ្ឋបាលព្រៃឈើ ប៉ុន្តែរ ពួកគាត់បានដាក់បន្ទុកគ្នាទៅវិញទៅមក ដោយឆ្លើយថា ជាប់រវល់ រហូតដល់មានការអន្តរគមន៍ពីថ្នាក់លើទើបមានចំណាត់ការ ។
ក្រោយពេលបង្ក្រាប១ថ្ងៃ គេបានឃើញមន្ត្រីជំនាញកោះហៅម្ចាស់រថយន្តទៅធ្វើកំណត់ហេតុនៅក្នុងស្នាក់ការ តែមិនដឹងថាមានចំណាត់ការយ៉ាងណាបន្តរ ព្រោះអ្នកយកព័ត៍មានយើងបានទូរស័ព្ទចូលលោកឆ្លើយថាជាប់រវល់រហូតគ្រប់គ្នា។ ទាកទងជំវិញករណីខាងលើ មន្ត្រីចំរុះក៍សូមសំណូមពរដល់មន្ត្រីជំនាញរដ្ឋបាលព្រៃឈើជួយរក្សាទុកវត្ថុតាងអោយមានស្ថិរភាពជាសម្បត្តិរដ្ឋពីព្រោះកន្លងមកវត្ថុតាងបទល្មើសជាច្រើនករណីក្រោយពេលបង្ក្រាបតែងតែបាត់ទៅវិដោយមិនដឹងមូលហេតុ ៕
ប្រភពពត៌មាន ច្បាស់ការណ៍ បានបញ្ជាក់ថា នៅក្នុងស្រុកអន្លង់វែង បើអ្នកណាចង់រកស៊ីឈើដោយមិន ស្របច្បាប់គឺគ្រាន់តែទាក់ទង ទៅនឹងលោក ឃុន ប៊ុនហេង នាយផ្នែករដ្ឋបាលព្រៃឈើអន្លង់វែង គាត់នឹងចែតចែងតាម ការគួរ ជាក់ស្តែងថ្មីនេះមានការលើកឈើធ្នង់ដាក់រថយន្ត តែពុំត្រូវបានរំខានពីសមត្ថកិច្ច នោះទេ ព្រោះលោក ឃុន ប៊ុនហេង បានរៀបចំកាដូរជាស្រេចជូនអ្នកដែលជាឆ្អឹងទទឹងក។ អន្លង់វែង
