ឧត្តរមានជ័យៈ នាយប៉ុស្តនគរបាលប្រចាំការនៅច្រករបៀងក្បាលទន្សោងបានប្រើប្រាស់អាវុធខ្លីមកគំរាមនិវាយធ្វើបាបមកលើរាងកាយនិងចាប់រំលោភសេពសន្ថវៈមកលើអនិកជនអាយុ១៥ឆ្នាំ បានសម្រេចចំនួន២លើក និងឃុំខ្លួនអស់រយៈពេល២យប់២ថ្ងៃ ។ ហេតុការណ៍បានកើត ឡើងនៅវេលាម៉ោង១០ព្រឹកថ្ងៃទី១២ ខែកក្កដា ឆ្នាំ២០១៤ ឋិតនៅក្នុងប៉ុស្ត នគរបាល ប្រចាំ ការ តាមខ្សែរបន្ទាត់ព្រុំដែនចំណុចច្រករបៀងក្បាលទន្សោង ក្នុងភូមិអូរក្រញូង ឃុំត្រពាំង ប្រិយ៍ ស្រុកអន្លង់ ខេត្តឧត្តរមានជ័យ ។
ជនរងគ្រោះឈ្មោះ ប.ស.រ.ភេទស្រី អាយុ១៥ឆ្នាំ រស់នៅ ឃុំត្រពាំងតាវ ស្រុកអន្លង់វែង។ នាយប៉ុស្តិ៍ល្មោភតណ្ហា មានអារម្មណ៍ឡើងករដូចគោឈ្មោល ភ្លេចអស់ពីតួនាទី និងការអនុវត្តន៍ច្បាប់ បែរជាហ៊ានយកច្បាប់មកឈាន់ឈ្លី ត្រូវបានគេស្គាល់ ក្រយ៉ៅ ឈ្មោះ ឡេង សារ៉ាន់ ជាមន្ត្រីប៉ូលីសមានឋានន្តរៈសក្ខ័អនុសេនីត្រីយ៍ នៅក្នុងអង្គភាពវរៈការពារព្រុំដែន៩០៥ ជាកូនចៅរបស់លោក ស៊ុំ សារឿន ដែលមានអាស័យដ្ឋានក្នុងភូមិស្រះឈូក ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ ។
តាមសម្តីជនរងគ្រោះបានអោយដឹងថា មុនពេលកើតហេតុលោក ឡេង សារ៉ាន់ បានបបួលនារីរងគ្រោះទៅជួយដាំដើមតាងែននៅលើភ្នំដងរែកដោយកុហកថាមានគ្នាច្រើន ពេលទៅដល់កន្លែងកើតហេតុនារីរងគ្រោះឃើញមានតែកូនចៅរបស់លោក ឡេង សារ៉ាន់៤ទៅ៥នាក់ ដោយឃើញសភាពមិនស្រួលនាងក៍សុំត្រឡប់មកផ្ទះវិញ ដោយតែជនខាងលើមិនព្រមជូន ហើយនាងក៍ដើរខ្លួនឯងបានចំង៉ាយ១០០ម៉ែត្រពីប៉ុស្ត ស្រាប់តែជនល្មើសខាងលើបាននាំកូនចៅ៣ទៅ៤នាក់ដែលជាមន្ត្រីក្រោមឱវាទ ចាប់នាងយកមកដាក់ក្នុងបន្ទប់របស់ខ្លួន រួចហើយយកកាំភ្លើងខ្លីមកគំរាមនិងធ្វើសកម្មភាពវាយដំនកលើរាងកាយនារីរងគ្រោះ កំរើកលែងរួចហើយចាត់ការរំលោភតែម្តង ។
មិនតែប៉ុណ្ណោះបានឃុំខ្លួននារីរងគ្រោះអស់រយៈពេល២យប់២ថ្ងៃ ដោយនារីរងគ្រោះបាននិយាយថា បើព្រលែងមកវិញដូចព្រលែងខ្លាអោយចូលព្រៃ ពិតជាមានរឿងធំមិនខាន ដោយនាងលួងលោមធ្វើជាលែងខឹងនិងសុំធ្វើជាប្រពន្ធលួចលាក់ ទើបជនបង្ករទន់ចិត្តនាំមកប្រគល់អោយសាច់ញាតិ្ត ។
ពេលឪពុកម្តាយនិងសាច់ញាតិឃើញសកម្មភាពខុសប្លែកពីធម្មតាដោយមានស្លាកស្នាមជាប់មកជាមួយ ដូចជា ជាំលើផ្ទៃពោះ បែកមាត់ និងជាំក្រោមភ្នែកខាងឆ្វេង ក៍បានប្តឹងសមត្ថកិច្ចអធិការដ្ឋាននគរបាលស្រុកអន្លង់វែង ចាតវិធានការទៅតាមផ្លូវច្បាប់ រហូតមកដល់ពេលនេះពុំទាន់ដឹងថា មានចំណាត់ការយ៉ាងណានៅឡើយនោះទេ ។ ក្រុមការងារយើងបានទាក់ទងតាមទូរស័ព្ទទៅឈ្មោះ ឡេង សារ៉ាន់ ចំនួន២លើក ទូរស័ព្ទចូលហើយរួចចុចជាប់រវល់ ៕
