សៀមរាប៖ ជនសង្ស័យម្នាក់ លួចម៉ូតូតាមហាង ត្រូវបានក្រុមអ្នករត់ម៉ូតូឧុបតាមប្រម៉ាញ់ ចាប់បានរួចប្រគល់ឱ្យសមត្ថកិច្ច ចាត់ការបន្ត ។ហេតុការ នេះកើតឡើងកាលពីវេលាម៉ោង៩ និង៣០នាទីព្រឹក ថ្ងៃ ទី១៦ ខែកក្កដា ឆ្នាំ២០១៤ ស្ថិតនៅចំនុចផ្លូវចូលបុរីសៀងណាំក្នុងភូមិខ្នារសង្កាត់ជ្រាវ ក្រុងសៀមរាប។ 
សមត្ថកិច្ចបានប្រាប់ ថា ជនរងគ្រោះឈ្មោះ គង់ សុផល ភេទប្រុស ដែលជាម្ចាស់ហាងលក់ម៉ូតូបានរៀបរាប់ ថាខ្លួនកំពុងរវល់លក់ស្រាប់តែមានអ្នករត់ម៉ូតូឧុបមកប្រាប់ថាមានគេយកម៉ូតូសេ១២៥ព័ណខ្មៅឆ្នាំ២០១៤មួយគ្រឿងគ្មានស្លាកលេខទៅបាត់ហើយរួចខ្លួនក៏ឱ្យម៉ូតូឧុបដែលប្រចាំការនៅមុខហាងនោះឱ្យជិះម៉ូតូដេញតាមរហូតចាប់បាននៅផ្លូវចូលបុរីសៀងណាំ ពេលនោះគាត់ ក៏ប្រគល់ជនសង្ស័យឱ្យ សមត្ថកិច្ចនាំមកសាកសួរនៅប៉ុស្តិស្លក្រាមតែម្តង។
សមត្ថកិច្ចបានបន្តថាជនសង្ស័យឈ្មោះឈៀក វ៉ិត ភេទប្រុសអាយុ៣០ឆ្នាំមានស្រុកកំណើតនៅភូមិតាឡែន ឃុំសាលាវិស័យ ស្រុកប្រាសាទបាល័ង្ក ខេត្តកំពង់ធំ ។បន្ទាប់ពីសមត្ថកិច្ចបានសួរនាំរួចរាល់ក៏រៀបចំសំណុំរឿងបញ្ជូនជនសង្ស័យម្នាក់នេះទៅតុលាការដើម្បីចាត់ការបន្ត៕
