សៀមរាបៈ មន្ត្រីនគរបាលប្រឆាំងការ ជួញដូរមនុស្សនិងការពារអនីតិជនខេត្តសៀមរាប បានចាប់ខ្លួនបុរសវ័យជាង៣០ឆ្នាំរត់តាក់ស៊ីញៀនថ្នាំម្នាក់ភ្លាមៗបន្ទាប់ពីមានបណ្ដឹងពីម្ដាយក្មេងស្រីរងគ្រោះក្រោមអាយុ១៥ឆ្នាំ។ ករណីឈានដល់ការចាប់ខ្លួនបុរសខាងលើ ធ្វើឡើងកាលពីវេលាម៉ោង២និង៣០នាទីថ្ងៃទី១៦ខែកក្កដាឆ្នាំ២០១៤ ម្សិលម៉ិញនេះនៅភូមិត្រពាំាងសេះសង្កាត់គោកចកក្រុងសៀមរាប។ បុរសនេះមានឈ្មោះសានហ៊ុនភេទប្រុសអាយុ៣៣ឆ្នាំ ជនជាតិខ្មែរមាន ស្រុកកំណើតនៅភូមិស្វាយចេកឃុំត្រពាំងធំស្រុកប្រាសាទបាគងខេត្តសៀមរាប។ 
នាយការិយាល័យនគរបាលប្រឆាំង ការជួញដូរមនុស្សនិងការពារ អនីតិជនខេត្ត លោកស្រីវរសេនីយ៏ទោ ដួង ថាវរី បានឲ្យដឹងថាជនសង្ស័យខាងលើមានមុខរបររត់តាក់ស៊ីសៀមរាប.ប៉ោយប៉ែត នៅថ្ងៃកើតហេតុជនសង្ស័យបានដឹកម៉ូយយកទៅចុះនៅតំបន់អង្គរតូច លុះពេលគេជាជនសង្ស័យបានទម្លាក់ម៉ូយរួចក៍បង្ហួសបើករថយន្តដើលេងនៅស្ពានទន្លេអុំហើយបត់មកវិញ។ លុះបត់មកវិញបានបន្តិចជនសង្ស័យក៍បានឃើញក្មេងស្រីប្រុស២នាក់កំពុងតែជិះកង់ហើយជននេះក៍ឈប់រថយន្តឲ្យលុយ៥ពាន់ទៅក្មេងស្រីពឹងឲ្យជួយទិញភេសជ្ជះ១កំពុងខណះក្មេងស្រីហុចភេសជ្ជះឲ្យ ជននេះក៍ចាប់ទាញក្មេងស្រីបញ្ចូលរថយន្តឲ្យអង្គុយនៅលើតៃកុងជាជនសង្ស័យហើយវាយទៅលើក្មេងស្រីចំភ្នែកទាំង២នៅពេលក្មេងស្រីប្រឹងរើបំរះ។
មន្ត្រីនគរបាលបន្ថែមថាដោយឃើញក្មេងស្រីប្រឹងរើបំរះពេកជនសង្ស័យបានយកកន្សែងញុកមាត់ហើយបើករថយន្តចូលទៅក្នុងភូមិ ប៉ុន្តែផ្លូវចូលទៅក្នុងភូមិនោះជាផ្លូវទាល់ជនសង្ស័យក៍ទម្លាក់ក្មេងស្រីចោលហើយបត់ថយក្រោយទល់នឹងផ្ទះប្រជាពលរដ្ឋ ខណះនោះក្មេងប្រុសជាបងស្រីក្មេងរងគ្រោះជិះកង់មកទាន់ក៍ស្រែកប្រាប់អ្នកភូមិថារថយន្តនឹងចាប់ប្អូនស្រីខ្លួន ហើយអ្នកភូមិក៍ព័ទ្ធជាប់តែម្ដង។ មន្ត្រីនគរបានបញ្ជាក់ថាក្មេងស្រីរងគ្រោះឈ្មោះថាស្រីរ័ត្នអាយុ១១ឆ្នាំរស់នៅភូមិត្រពាំងសេះសង្កាត់គោកចកក្រុងៀមរាបមុនពេលកើតហេតុពីនាក់បងប្អូនជិះកង់ទៅជួលឌិសក៍ជួបនឹងបុរសខាងលើ។
លោកស្រីបន្ថែមថាក្រោយពីធ្វើការសាសួរជនសង្ស័យបានឆ្លើយថាមិនដឹងអ្វីទាំងអស់ទើបកម្លាំងប៉ូលិសសហការជាមួយកម្លាំងប្រឆាំងគ្រឿងញៀនធ្វើការពិនិត្យទឹកនោមទើបដឹងថាជននេះញៀនថ្នាំ។ប៉ុន្តែបើទោះបីជាជនសង្ស័យមិនបានឆ្លើយសារភាពយ៉ាងណាក្ដី យោងតាមវត្ថុតាងស្បែកជើងក្មេងស្រីនៅក្នុងរថយន្តនឹងកន្សែងជាមួយនឹងបណ្ដឹងម្ដាយក្មេងកម្លាំងប្រឆាំងការជួញដូរមនុស្សបានសម្រេចបញ្ជូនខ្លួនជនរូបនេះរួមនឹងរថយន្តកាមរីសេរី៩៣ព័ណសំបកឪឡឹកពាក់ស្លាកលេខភ្នំពេញ២.បេ.៥៤៤១ ដែលជាមធ្យោបាយធ្វើសកម្មភាពទៅសាលាដំបូងខេត្តពីបទនាំអនីតិជនជាអាទិ៍ចេញដោយមិនស្របច្បាប់នឹងប្រើប្រាស់គ្រឿងញៀន។
