មន្ទីរសាធារណការខេត្តកំពង់ស្ពឺ ដែលដឹកនាំដោយលោកហុងចាន់សុខា និងជាប្រធានក្រុមត្រួតពិនិត្យរថយន្តដឹកលើសទំងន់បានកំពុងប្រើធម៌ក្តៅទៅលើរថយន្តដឹកទំនិញលើសទំងន់(រថយន្តប្រភេទយក្ស)ធ្វើអោយខូចខាតផ្លូវដែលជាសម្បត្តិសាធាណរៈការអនុវត្តសកម្មភាពទាំងអស់នេះបានដោយសារអនុសាសន៍របស់ប្រមុខរដ្ឋាភិបាលនិង ឯកឧត្តម ត្រាំង អ៊ីវតឹក រដ្ឋមន្ត្រីសាធារណៈការនិងដឹកជញ្ជូន ព្រមទាំងមានការ ចង្អុលបង្ហាញពីឯកឧត្តម អ៊ូ សំអួន អភិបាលនៃគណអភិបាលខេត្ត កំពង់ស្ពឺ ដាក់បញ្ជា ឲ្យមន្ទីរសាធារណៈការចុះអនុវត្តន៍ ការងារនៅ តាមដងផ្លូវក្នុងខេត្ត។ 
លោក ហុង ចាន់សុខា ប្រធានមន្ទីរសាធារណការខេត្តកំពង់ស្ពឺបាន ប្រាប់ថាក្រុមការងារត្រូតពិនិត្យរថយន្តដឹកលើសទំងន់បានធ្វើកិច្ចសន្យារជាមួយក្រុមហ៊ុនធំៗដែលមានមូល ដ្ឋានក្នុង ខេត្តកំពង់ស្ពឺបានចំនួន២លើក។ ដោយ លើកទី១ ធ្វើឡើងនៅ លើផ្លូវជាតិលេខ ៤៤ ជាមួយក្រុមហ៊ុនCHINA ROAD Co,LTDនិងលើកទី២ ធ្វើនៅលើផ្លូវលេខBK ៣៧ ស្ថិតនៅភូមិ ត្បូងភ្នំ ឃុំវាល ស្រុក គងពិសី ខេត្តកំពង់ស្ពឺ ជាមួយក្រុមហ៊ុនដឹកជញ្ជូន អ៊ុត ធី និងក្រុមហ៊ុន ញឹក ផន (ហៅកៅ)(ហៅ៩៩) និងក្រុមហ៊ុនផ្សេងៗទៀត សរុបបានរថយន្តល្មើស ៣៧ គ្រឿងសរុបទឹកប្រាក់បាន១២៩លានរៀលចូល ថវិការរដ្ឋ។ 
សូមបញ្ជាក់ផងដែរថា រថយន្តដែល ក្រុមជំនាញ ជញ្ជីងផាកពិន័យ នោះក្នុង១រថយន្តដឹកលើសពី២០T ទៅ២៥Tប្រត្តិបត្តិការទាំងនេះជាការព្រមាណ ក្រុមហ៊ុនរថយន្តដឹកល្មើសមួយចំនួនទៀតដែលកំពុងដឹកល្មើស។លោកបានបន្តទៀតថាតាមការអង្កេតរបស់ក្រុមជំនាញឃើញថាក្រុមហ៊ុនដឹកជញ្ជូន ឡុង ម៉េង មានការកាត់បន្ថយដឹកលើសទំងន់បានច្រើនេជាងគេ។ ការចាប់ផាកពិន័យលើកនេះគឺជាការជោគជ័យមួយហើយក៏ជាការសហការមួយដ៍សំខាន់របស់ក្រុមហ៊ុនដឹកជញ្ជូន អ៊ុត ធី ជាមួយមន្ទីរសាធារណៈការក្នុង ការលើកកំពស់ច្បាប់និងជាគំរូដើម្បីរក្សាផ្លូវថ្នល់សាធារណៈអោយបានគង់វង្សនិងប្រើប្រាស់បានយូរអង្វែងសំដៅលើកកំពស់ប្រកបការដឹកជញ្ជូនតម្រូវការជីវភាពប្រជាពលរដ្ឋ។
ហើយក្រុមហ៊ុន អ៊ុត ធី ព្រមព្រៀងធ្វើការផួសផុលផ្លួវឡើងវិញនៅចំណុចខូចខាត មួយចំនួន ថ្វីបើផ្លូវនេះជាផ្លូវដែលក្រុមហ៊ុននេះជាអក្នធ្វើក៏ដោយចុះ។ លោក ហុង ចាន់សុខា ក្នុងនាមលោកជាប្រធានមន្ទីរសាធារណះការខេត្តលោក សុំអំពាវនាវដល់ក្រុមហ៊ុនដឹកជញ្ជូនទាំងអស់ត្រូវគោរពច្បាប់កុំផ្ទុកទំនិញលើសទំងន់ដែលនាំខូចខាតផ្លូវក្នុងនោះនឹងត្រូវផាកពិន័យធ្វេដងនៅពេលពិន័យលើកទី២៕ច្បារមន
