ខេត្តកំពង់ធំ ឯកឧត្តម ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ បានដឹកនាំសហការី រួមជាមួយអាជ្ញាធរដែនដី និនិងប្រជាពលរដ្ឋ បានទៅប្រគល់ខ្នងផ្ទះទី១៤៦ អំណោយដ៏ថ្លៃថ្លារបស់សម្ដេចតេជោហ៊ុន សែន និងសម្តេចកិត្តិព្រិទ្ធបណ្ឌឹតប៊ុន រ៉ានីហ៊ុនសែន ជូនគ្រួសារអតីតយុទ្ធជនពិការឈ្មោះ អុីវ អ៊ុល នៅល្ងាចថ្ងៃអាទិត្យទី០៨ ខែមីនា ឆ្នាំ២០២០ រស់នៅភូមិកូនក្អែក ឃុំសំបូរ ស្រុកប្រាសាទសំបូរ ខេត្តកំពង់ធំ ។
ឯកឧត្តមឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានឲ្យដឹងថា អតីតយុទ្ធជនលោក អុីវ អ៊ុល អាយុ៥៧ ឆ្នំា ចូលបម្រើក្នុងជួរកងទ័ពនៅឆ្នាំ១៩៨៨ អតីតនៅអង្គភាពយោធាស្រុកប្រាសាទសំបូរ ខេត្តកំពង់ធំ ហើយបានត្រូវរបួសពិការ នៅសមរភូមិផ្លូវជាតិលេខ១២ (៦២) នៅឆ្នាំ១៩៩៣
បច្ចុប្បន្នលោកអុីវ អ៊ុល និងភរិយាមានកូនចំនួនពីរនាក់នៅក្នុងបន្ទុក ។
ផ្ទះផ្ទះថ្មីដែលបានប្រគល់ជូនមានទំហំ៤ម៉ែត្រx ៦ម៉ែត្រ សាងសង់ពីបេតុងឆ្អឹងដែក ជញ្ជាំងនិងដំបូលប្រក់ស័ង្កសីកិនភ្លី រនាបក្រាលក្តារ ជណ្ដើរកាច់ នៅក្នុងពិធីប្រគល់ផ្ទះថ្មីនេះក្រុមការងារគណៈកម្មាធិការសមាគមអតីតយុទ្ធជនកម្ពុជា ខេត្តកំពង់ធំ បានពាំនាំនូវជំនួយឧបត្ថម្ភរបស់ឯកឧត្តមឧត្ដមសេនីយ៍ឯកបណ្ឌិតហ៊ុន ម៉ាណែត មេបញ្ជាការកងទ័ពជើងគោក អគ្គលេខាធិការរងសមាគមអតីតយុទ្ធជនកម្ពុជា ផ្ដល់ជូនគាត់បន្ថែមទៀតមានអង្ករចំនួន៥០ គីឡូក្រាម មីចំនួន២កេស ទឹកត្រីទឹកសុីអុីវចំនូន២យួរ និងថវិកាមួយចំនួនផងដែរ ។
ឧត្តមសេនីយ៍ទោ សោម ស៊ុន បានមានប្រសាសន៍ថា ខ្នងផ្ទះលើកទី១៤៦នេះ គឺសម្រាប់អតីតយុទ្ធជន ក្នុងខេត្តកំពង់ធំ គឺបានតាមរយៈឯកឧត្តម ទេសរដ្ឋមន្ត្រីគន់ គីម អគ្គលេខាធិការសមាគមអតីតយុទ្ធជនកម្ពុជា បានផ្តល់ផ្ទះមួយខ្នង ដែលជាខ្នងផ្ទះទី១៤៦ សម្រាប់អតីតយុទ្ធជនកម្ពុជាខេត្តកំពង់ធំ និងសាងសង់ជូន ដោយគណៈកម្មាធិការ
សមាគមអតីតយុទ្ធជកម្ពុជាខេត្តកំពង់ធំ។
ឯកឧត្តម សោម ស៊ុន បានផ្តាំផ្ញើរ ដល់អាជ្ញាធរ និងគណៈកម្មការសមាគមន៍ស្រុក ជួយយកចិត្តទុកដាក់ មើលថែទាំ ក្រុមគ្រួសារអតីតយុទ្ធជន ឲ្យបានល្អប្រសើរផង និងសំណូមពរ ឲ្យលោក អុីវ អ៊ុល ថែទាំទ្រព្យសម្បត្តិដែលសមាគមន៍ បានផ្តល់ជូន ឲ្យប្រើប្រាស់បានយូរអង្វែង រួមទាំងការពារទប់ស្កាត់ កុំឲ្យមានអគ្គិភ័យកើតឡើង មិនចាកចេញពីផ្ទះ ពន្លត់ភ្លើងចង្ក្រានធូបទៀនមិនចាកចេញ។
ដោយ ប៊ុនរដ្ឋា
