ខេត្តប៉ៃលិន ៖សមត្ថកិច្ចនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្ត សហការជាមួយកម្លាំងអន្តរាគមន៍ ធ្វើការចាប់ឃាត់ខ្លួន ក្រុមក្មេងទំនើង១០នាក់ ខណៈពួកគេចេញពីក្លិបរាំកម្សាន្តមួយកន្លែងនៅក្នុងក្រុងប៉ៃលិន រួចនាំគ្នាទៅអង្គុយលេងស្រែកឡូឡាបង្កភាពអនាធិបតេយ្យនៅលើសួនកុមារ ទល់មុខសាលាខេត្តប៉ៃលិន ។ ហេតុការណ៏ចុះឃាត់ខ្លួនក្មេងទំនើងនេះ បានកើតឡើង កាលពីវេលាម៉ោង២ និង១០នាទីរំលងអធ្រាត្រ ឈានចូលថ្ងៃទី១៨ កក្កដា ២០១៤ ស្ថិតនៅចំណុចសួនកុមារទល់មុខសាលាខេត្តប៉ៃលិន ក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
យោងតាមបណ្តាញសង្គមហ្វេសបុក ដែលចេញថ្ងៃទី១៨ ខែកក្កដា ឆ្នាំ២០១៤ ដោយក្នុងបណ្តាញនោះដាក់ឈ្មោះថា«ស្នងការដ្ឋាននគរបាលខេត្តប៉ៃលិន » បានឲ្យដឹងថា៖ នៅថ្ងៃទី ១៨ ខែកក្តដា ឆ្នាំ២០១៤ វេលាម៉ោង ២:១០នាទីទៀបភ្លឺសមត្ថកិច្ចនគរបាល ខេត្តប៉ៃលិន បានធ្វើការចុះបង្ក្រាបក្មេងទំនើងនៅចំណុច សួនកុមារទល់មុខសាលាខេត្តប៉ៃលិន។ កម្លាំងជំនាញបានសហការ ជាមួយកម្លាំង អន្តរាគមន៏ ធ្វើការបង្ក្រាប ជាក់ស្តែង នៅចំណុចកើតហេតុខាងលើនិងចាប់បានក្មេងទំនើងចំនួន ១០នាក់។
បច្ចុប្បន្ន ជំនាញ កំពុងធ្វើការអប់រំ និងអនុវត្តទៅតាមនិតិវិធីច្បាប់។ប៉ៃលិន, ថ្ងៃទី 18-07-2014 ។ សូមបញ្ជាក់ថា៖ នៅរសៀលថ្ងៃទី១៩ ខែកក្កដា ឆ្នាំ២០១៤ នេះ អ្នកឆ្លើយឆ្លងព័ត៏មានកម្ពុជាថ្មី បានចុះយកព័ត៏មានក្រុមក្មេងទំនើងទាំង១០នាក់ នៅស្នងការដ្ឋាននគរបាលខេត្តប៉ៃលិន ប៉ុន្តែត្រួវបានសមត្ថកិច្ចព្រហ្មទណ្ឌកម្រិតស្រាលខេត្ត ឲ្យឈ្មោះមកតែ៨នាក់ប៉ុណ្ណោះ ដោយឡែក២នាក់ទៀតត្រួវបានគេដោះលែង ។
ក្មេងទំនើងដែលសមត្ថកិច្ចប្រគល់ឈ្មោះឲ្យរួមមាន៖ ទី១ឈ្មោះ ហ៊ល សុភី ភេទប្រុស អាយុ២២ឆ្នាំ ,ទី២ឈ្មោះ ថេង សុធា ភេទប្រុស អាយុ២២ឆ្នាំ ,ទី៣ឈ្មោះនឿន លីន ភេទប្រុស អាយុ១៨ឆ្នាំ ,ទី៤ឈ្មោះនឿន លី ភេទប្រុស អាយុ១៧ឆ្នាំ,ទី៥ឈ្មោះ នេន ឌុង ភេទប្រុស អាយុ១៩ឆ្នាំ ,ទី៦ឈ្មោះចៀន ចិត្រ ភេទប្រុស អាយុ២០ឆ្នាំ ,ទី៧ឈ្មោះដៀត វាសនា ភេទ្រុស អាយុ១៨ឆ្នាម ,ទី៨ឈ្មោះភី ប៊ុនថៃ ភេទប្រុស អាយុ២៣ឆ្នាំ ទាំងអស់គ្នារស់នៅភូមិកូនភ្នំ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។ 
ពាក់ពន្ធករណីខាងលើនេះ ប្រភពពីប្រជាពលរដ្ឋបានរិៈគន់ថា៖ការដោះលែងក្រុមក្មេងទំនើង២ ក្នុងចំណោម១០នាក់ ឱ្យមានសេរីភាពត្រឡប់ទៅផ្ទះវិញ សង្ស័យថាជាកូនអ្នកធំ ជាមន្ត្រីសមត្ថកិច្ច ឬជាមន្ត្រីរាជការក្នុងស្ថាបនណាមួយ ទើបមានការជួយអន្តរាគមន៍ដូច្នោះ ។ ចំណែកអ្នកនៅសល់ជាកូនប្រជាពលរដ្ឋក្រីក្រសាមញ្ញ ដែលមិនមានខ្នង ទើបត្រួវបានត្រួវ គេរៀបចំសំណុំរឿងបញ្ជូនទៅតុលាការទាំងអស់ ។
ប្រភពបន្តថា៖សមត្ថកិច្ចព្រហ្មទណ្ឌកម្រិតស្រាល មិនគួរប្រកាន់បក្សពួក ឬស៊ីសំណូកដោយបញ្ជូនក្មេងទំនើ ងតែ៨នាក់ក្នុងចំណោម១០នាក់ទៅតុលាការនោះទេ បើបញ្ជូនគួរតែធ្វើទាំងអស់ ហើយបើចាប់យកមកអប់រំ ក៏គួរតែអប់រំទាំងអស់រួចចាំដោះលែងទៅវិញនោះ ទើបស្មើភាពគ្នា ៕
