កំពង់ស្ពឺ ៖ ឪពុកបង្កើតចិត្តខ្មៅ ដែលបានចាប់កូនប្រុសអាយុទើបតែ៤ឆ្នាំបោកដូចសត្វកង្កែប បណ្តាលឱ្យស្លាប់នោះ ត្រូវសមត្ថកិច្ចប៉ូលិព្រហ្មទណ្ឌកំរិតធ្ងន់ នៃស្នងការខេត្តកំពង់ស្ពឺ បញ្ជូនខ្លួនទៅកាន់តុលាការ កាលពីព្រឹកថ្ងៃទី១៨ ខែកក្តដា ឆ្នាំ២០១៤ ដើម្បីធ្វើសាកសួររួចធ្វើការចោទប្រកាន់តាមនិតិវិធីច្បាប់ ។
បុរសជាឪពុកដែលបានចាប់កូនប្រុសបង្កើត បោកសម្លាប់គ្មានញញើតដៃនោះ មានឈ្មោះសឿន ស៊ន ភេទប្រុ អាយុ ៣៤ឆ្នាំ ប្រពន្ធឈ្មោះសៅ ថារី អាយុ២៧ឆ្នាំមានទីលំនៅភូមិជ័យថ្មី ឃុំព្រៃក្មេង ស្រុកភ្នំស្រួច ខេត្តកំពង់ស្ពឺ ។ ហេតុការណ៍យ៉ាងអាក្រក់កម្រជួបនេះ បានកើតមានឡើង កាលពីវេលាម៉ោងប្រមាណ៤ទាបភ្លឺ ថ្ងៃទី១៧ ខែកក្តដា ឆ្នាំ២០១៤ ស្ថិតក្នុងភូមិបុស្សតានៃ ឃុំកាហែង ស្រុកសំរោងទង ខេត្តកំពង់ស្ពឺ ។ ចំណែកកូនប្រុសរងគ្រោះដោយស្នារដៃឪពុកតិរិច្ឆាន គ្មានគុណធម៌មានឈ្មោះស៊ន ចំរើន ។
ស្ត្រីជាម្តាយបានរៀបរាប់ប្រាប់សតម្ថកិច្ចថា កាលពីថ្ងៃទី១៦ ខែកក្តដា ប្តីរបស់គាត់ប្រាប់ថា មកទៅពេទ្យនៅ ខេត្តកំពង់ស្ពឺ ដោយយកកូនប្រុស ឈ្មោះស៊ន ចំរើន អាយុ៤ឆ្នាំ មកជាមួយដែរ ។ ស្ត្រីជាម្តាយបន្តថា ពេលនោះក៍មិនហាមឃាត់ដែរ ប៉ុន្តែរហូតដល់យប់់អត់ឃើញប្តី និងកូនត្រឡប់មកផ្ទះវិញទេ ។ បន្ទាប់់មកទើបដឹងថា ២នាក់ឪពុកកូនសម្រាកនៅផ្ទះអ្នកស្គាល់គ្នា លុះព្រឹកថ្ងៃទី១៧ ខែកក្តដា ស្រាប់តែទទួលដំណឹងថាកូនរបស់គាត់ដោយសារតែឪពុកវាចាប់បោក ដូចសត្វកង្កែបធ្វើឱ្យនាងកើតក្តីរន្ធត់យ៉ាងខ្លាំងស្ទើរតែពុំជឿ ឪពុកណាក៍កំណាចឃោរឃៅបែបនេះ ពេលមកដល់ចំណុចកើតហេតុពិតជាដូច្នេះមែន ។
តាមកាបំភ្លឺនៅកន្លែងកកើតហេតុបានឱ្យដឹងថា កាលពីល្ងាចថ្ងៃទី១៦ កក្កដា ២០១៤ បុរសកំណាចដែលបោកកូនសម្លាប់ ជាអ្នកធ្លាប់ស្គាល់ និងរាប់អានគ្នាធម្មតា ហើយបានមកលេងផ្ទះហើយសុំស្នាក់នៅមួយយប់ ក៏បានអនុញ្ញាតឱ្យស្នាក់នៅ ដោយរៀបចំបាយទឹក កន្លែងឱ្យសម្រាកនៅក្រោមផ្ទះត្រឹមត្រូវ ។ ចំណែកគាត់ជាម្ចាស់ផ្ទះសម្រាកនៅខាងលើ លុះជិតភ្លឺក៏ស្រាប់តែឮសូរសម្លេងក្មេងយំមួយភ្លែត ហើយក៏បាត់ទៅវិញ ពេលចុះមកមើលក៏បានឃើញបុរសជាឪពុកកំពុងចាប់បោកកូនប្រុសរបស់ខ្លួនបណ្តាលស្លាប់ ភ្លាមៗនោះ ក៏បានរាយការណ៍ឱ្យសមត្ថកិច្ចតែម្តង ។ 
មន្ត្រីនគរបាលបានបញ្ជាក់ថា ក្រោយពីទទួលព័ត៌មាននេះភ្លាម កំលាំងជំនាញបានចុះទៅដល់កន្លែងកើតហេតុ ធ្វើការឃាត់ខ្លួនជនជាប់សង្ស័យជាឪពុក ដែលបានធ្វសកម្មភាពចាប់បោកសម្លាប់កូនប្រុសបង្កើតយកមកការិយាល័យប៉ូលិសដើម្បីក៍សាងសំណុំរឿងតាមផ្លូវច្បាប់ ។ ប្រភពបន្តថា យោងតាមក្រុមគ្រួសារអះអាងថា ជនសង្ស័យជាមនុស្សមានជំងឺសរសៃប្រសាទប្រចាំកាយ ប៉ុន្តែគ្មានលិខិតបញ្ជាក់ពីគ្រូពេទ្យជំនាញផ្នែសរសៃប្រសាទឡើយ ។ សមត្ថកិច្ចបន្តថា ក្រោយពីរៀបចំក៍សាងសំណុំរឿងគ្រប់គ្រាន់ នៅព្រឹកថ្ងៃទី១៨ ខែកក្តដា ឆ្នាំ២០១៤នេះបានបញ្ជូនទៅកាន់តុលាកា ធ្វើការសាកសួរបន្ថែម រួចចោទប្រកាន់ និងបញ្ជូនទៅកាន់ពន្ធនាគាតែម្តង ៕
