សៀមរាប៖ជាយូណាស់មកហើយដែលលោកណមពិសិដ្ឋប្រធានមន្ទីរសេដ្ឋកិច្ចនិងហិរញ្ញវត្ថុខេត្តសៀមរាបបានឃុបឃិតគ្នាជាមួយលោកហ៊ុបថៃប្រធានភាស៊ីផ្សារលើធំថ្មី ផ្សារក្រោមនឹងផ្សារពួកដើម្បីយកលុយទប់មុខតំណែងដែលកំពុងតែអង្គុយលើកៅអីមិនខ្វល់នឹងគោលនយោបាយកំណែទម្រង់ស៊ីជម្រៅអាណត្តិទី៥របស់នាយករដ្ឋមន្ត្រីកម្ពុជាសម្តេចតេជោហ៊ុនសែននោះឡើយ។ហើយការឃុបឃិតគ្នាប្រព្រឹត្តអំពើពុករលួយយ៉ាងស្អិតដូចស្ករតាំងម៉ែនេះគឺធ្វើតាមរយះឲ្យលោកហ៊ុបថៃយកថ្លៃភាស៊ីលើសសៀវភៅបន្ទុកដែលនាំឲ្យក្រុមអាជីវករមានការក្ដៅក្រហាយនឹងប្រតិកម្មយ៉ាងខ្លាំង។
ក្នុងនាមជាមេផ្សារលើធំថ្មីផ្សារក្រោមនឹងផ្សារពួកខេត្តសៀមរាបនឹងជាមេទាភាស៊ីលោកហ៊ុបថៃបាននឹងកំពុងតែអនុវត្តបញ្ជាស់ទិសជាមួយប្រមុខរាជរដ្ឋាភិបាលកម្ពុជាជាពិសេសទៅទៀតនោះលោកហ៊ុបថៃបានកំពុងតែធ្វើឲ្យគណះបក្សប្រជាជនកម្ពុជាធ្លាក់ប្រជាប្រិយភាពឬធ្លាក់សន្លឹកឆ្នោតដោយសារតែទង្វើរបស់គាត់កៀបសង្កត់ក្រុមអាជីវករនឹងអ្នកផ្ញើរកង់ម៉ូតូនឹងរថយន្ត។នេះជាការលើកឡើងរបស់ក្រុមអាជីវករផ្សារលើធំថ្មីផ្សារក្រោមនឹងផ្សារពយកនឹងអ្នកយកកង់ម៉ូតូនឹងរថយន្តទៅផ្ញើនៅផ្សារ។
ក្រុមអាជីវករលក់ដូរនៅផ្សារទាំងបីខាងលើបាននិយាយថាជាយូណាស់មកហើយដែលលោកហ៊ុបថៃមេភាស៊ីបានឲ្យក្រុមការងាររបស់គាត់ធ្វើបាបក្រុមអាជីវករដូចជាទាថ្លៃភាស៊ីគុណនឹង២ទៅ៣នឹងទាថ្លៃភាស៊ីមួយថ្ងៃ២ទៅ៣ដងបើអាជីវកររូបណាមិនព្រមឲ្យតាមគេទៀមទានោះទេគេនឹងប្រើសន្តិសុខដេញមិនឲ្យលក់ឬចាប់របស់របរយកទៅទុកនៅស្នាក់ការដើម្បីអូសអន្លាយទុកពេលយូហើយធ្វើការផាកពិន័យជាច្រើន។
ក្រុមអាជីវករបន្ថែមថាបើពួកគាត់លក់១កញ្ជើរឬ១កញ្ជែងក្នុង១ថ្ងៃត្រូវឲ្យថ្លៃភាស៊ី២០០៛តែមេភាស៊ីទា៥០០៛/តូបគ្រែទំហំ៤ម៉ែត្រការ៉េចុះត្រូវបង់៣០០៛តែគេទា៧០០៛/តូបគ្រែទំហំ៤ម៉ែត្រការ៉េត្រូវបង់៥០០៛ក្នុង១លើកគេទា១០០០៛/តូបលក់កាហ្វេត្រូវបង់៥០០៛ក្នុង១លើកគេទា១០០០៛/តូបលក់ទឹកអំពៅឬបង្អែមត្រូបបង់៥០០៛ក្នុង១លើកគេទា១០០០៛/តូបលក់បាយត្រូវបង់៥០០៛ក្នុង១លើកគេទា១០០០៛/។ដោយឡែកថ្លៃផ្ញើកង់ម៉ូតូនឹងរថយន្តវិញផ្ញើកង់១គ្រឿង៣០០៛ក្នុង១លើកគេទា៥០០៛/ផ្ញើម៉ូតូ១គ្រឿង៥០០៛គេទា១០០០៛/ផ្ញើរថយន្ត១គ្រឿង១០០០៛គេទា២០០០៛/បង្គន់អនាម័យ៣០០៛គេទា៥០០៛/ងូតទឹក៥០០៛គេទា៧០០៛/។
ពូកគាត់បន្ថែមថាទាំងនេះជាការកៀបសង្កត់មកលើក្រុមអាជីវករនឹងប្រព្រឹត្តនូវអំពើពុករលួយយ៉ាងច្បាស់ក្រឡែតដែលសូមឲ្យថ្នាក់ដឹកនាំជួយមើលនូវទង្វើរបស់លោកហ៊ុបថៃដែលកំពុងតែដើជិះជាន់កររាស្ត្រយកលុយលើសសៀវភៅបន្ទុកធ្វើមានធ្វើបានលើញើសឈាមរបស់ពួកគាត់។ មន្ត្រីសាលាខេត្តសៀមរាបម្នាក់បានបង្ហើបប្រាប់ថារឿងផ្សារលើធំថ្មីនោះដើមឡើយអាជ្ញាខេត្តរួមជាមួយមន្ទីរសេដ្ឋកិច្ចនិងហិរញ្ញវត្ថុខេត្តក៍បានធ្វើការដេញថ្លៃភាស៊ីដែរតែការដេញថ្លៃនោះពោពេញទៅដោយអំពើពុករលួយដោយសារតែមន្ត្រីពាក់ព័ន្ទនាំគ្នារឃុបឃិតដេញថ្លៃសុទ្ធតែគ្នាឯងឬក្រុមដាក់ដេញថ្លៃទាំងនោះបានឃុបឃិតគ្នាមិនដេញថ្លៃដោយបានឃុបឃិតជាមួយលោកហ៊ុបថៃពោលគឺសម្រេចឲ្យលោកហ៊ុបថៃឈ្នះនូវការដេញថ្លៃតែម្ដង។ មន្ត្រីសាលាខេត្តបន្ថែមថាការឃុបឃិតគ្នារដេញថ្លៃនោះគឺជាការប្រព្រឹត្តនូវអំពើពុករលួយរវាងអាជ្ញាធរនឹងមន្ទីរសេដ្ឋកិច្ចនិងហិរញ្ញវត្ថុដែលមានលោកណមពិសិដ្ឋជាប្រធានមន្ទីរ។
លោកហ៊ុបថៃមេភាស៊ីផ្សារ លើធំថ្មីមិនអាចបកស្រាយបំភ្លឺបានទេដោយគ្មានអ្នកទទួលទូរស័ព្ទ។ប៉ុន្តែកន្លងទៅលោកហ៊ុបថៃធ្លាប់បាននិយាយប្រាប់អ្នកកាសែតថាគាត់យកលុយលើសសៀវភៅបន្ទុកខ្លះៗនោះក៍ព្រោះតែក្រុមអាជីវករអ្នកលក់ដូនិងអ្នកផ្ញើកង់ម៉ូតូរថយន្តនោះស្ម័កចិត្តឲ្យដែរ។ហើយគាត់ក៍បានជួយលុយដល់បក្សដែប៉ុន្តែគាត់មិនបានបញ្ជាក់ថាជួយគណះបក្សមួយណានោះទេ។ចំណែកណមពិសិដ្ឋប្រធានមន្ទីរសេដ្ឋកិច្ចនិងហិរញ្ញវត្ថុមិនបានឆ្លើយបំភ្លឺនោះទេដោយបញ្ជាក់តាមទូរស័ព្ទថាជាប់រវល់ប្រជុំ។
ប្រភពដដែលបន្តថាដោយសារតែលោកហ៊ុបថៃខំប្រឹងធ្វើផ្យុះភ្លៀងតាមតែអំពើចិត្តដើទាភាស៊ីលើសសៀវភៅបន្ទុកនេះបានសុខស្រួលមិនមានថ្នាក់ដឹកនាំខេត្តឬមន្ទីរសេដ្ឋកិច្ចសួនាំក៍ព្រោះតែលោកហ៊ុបថៃចេះចែកផលប្រយោជ៍ដែលបានពីញើសឈាមរាស្ត្រយកទៅផ្គត់ផ្គង់បិទមាត់កុំឲ្យនិយាយទើបបើកដៃឲ្យលោកហ៊ុបថៃមិនញញើតទៅនឹងច្បាប់។ ក្នុងនោះក្រុមអាជីវករបានបន្ថែមថានៅខាងក្រោយផ្សារលើធំថ្មីលោកហ៊ុបថៃបានឲ្យកូនឈ្មួញតូចៗធ្វើកន្លែងដាក់ផ្ញើកង់ម៉ូតូពេញផ្លូវទាំអអស់ចំណុចមិនត្រូវបានអាជ្ញាធរពាក់ព័ន្ទជួយកែលម្អនោះទេគឺទុកឲ្យក្រុមទទួលដាក់ផ្ញើកង់ម៉ូតូធ្វើតាមតែអំពើចិត្ត។
ក្នុងអាណត្តិលោកណមពិសិដ្ឋបានអង្គុយលើកៅអីធ្វើជាប្រធានមន្ទីរសេដ្ឋកិច្ចនិងហិរញ្ញវត្ថុដែលគេចាត់ទុកថាជាមន្ទីរខ្លាញ់ផងនោះគាត់ណមពិសិដ្ឋបានកំពុងតែត្រូវប៉ាន់ជាច្រើនដូចជាការពន្យាពេលស៊ីញ៉េឯកសារបើកប្រាក់ឲ្យមន្ត្រីមន្ទីរជុំវិញខេត្តក្នុងការយឺតយ៉ាវតែបើមន្ទីរណាឲ្យទឹកតែខ្ពស់គាត់នឹងស៊ីញ៉ែភ្លាមពោលគឺគាត់មិនបាច់ស៊ីញ៉េនៅក្នុងមន្ទីរទេគឺស៊ីញ៉េនៅសណ្ឋាគាររបស់គាត់ឈ្មោះស្ទឹងសៀមរាបនៅម្ដុំផ្សារចាស់តែម្ដង។ជាមួយគ្នារនេះលោកប្រធានមន្ទីរក៍ជាអ្នកនៅពីក្រោយខ្នងរបស់ដង្ខៅផ្សារលើធំថ្មីហ៊ុបថៃដែហើយទៀតសោតលោកហ៊ុបថៃក្រោយពីទទួលបានសិទ្ធិកាន់កាប់ទាភាស៊ីផ្សារលើធំថ្មីផ្សារក្រោមនឹងផ្សារពួករួចមកគាត់បានបញ្ចេញស្នាដៃ១ឲ្យអ្នកសៀមរាបសសើរគឺគាត់បានសាងសង់វីឡាដ៍ស្គឹមស្គៃនៅក្រោយផ្សារលើទុកជាគំរូរចំណែកលោកណមពិសិដ្ឋក៍បានទប់មុខតំណែងបានយូដែរ។
